დინორეშა გინულა

ულუღ ბეგი

ვიკიპედიაშე
ულუღ ბეგი
ჩაღ. میرزا محمد طارق بن شاہ رخ
სპარს. میرزا محمد تراغای بن شاہ رخ

ულუღ ბეგიშ პორტრეტი ულუღ ბეგიშ ობსერვატორიას, სამარყანდის, უზბეკეთი
დაბადებაშ თარიღი:

22 მელახი, 1394

დაბადებაშ აბანი:

სოლთანიე, თემურიდეფიშ იმპერია (ასეიან ზენჯანიშ ოსტანი, ირანი)

ღურაშ თარიღი:

გჷმათუთა 27, 1449 (55 წანერი)

ღურაშ აბანი:

სამარყანდი, თემურიდეფიშ იმპერია (ასეიან სამარყანდიშ ოლქი, უზბეკეთი)

ომენცარე სფერო:

ასტრონომია
მათემატიკა

ჯოხოშინელი მოგურაფეეფი:

ალი ყუშჯი

ჩინებული რე მუჭოთ:

თემურიდეფიშ იმპერიაშ სულთანი 1447–1449 წანეფს, XV ოშწანურაშ ართ-ართი უდიდაში ასტრონომი დო ულუღ ბეგიშ ობსერვატორიაშ დუმარსხუაფალი

მირზა მუჰამედ თარაღაი იბნ შაჰრუხი (ჩაღ. میرزا محمد طارق بن شاہ رخ, სპარ. میرزا محمد تراغای بن شاہ رخ, უმოსო შინელი რე მუჭოთ ულუღ ბეგი (الغ‌ بیگ); დ. 22 მელახი, 1394, სოლთანიე, თემურიდეფიშ იმპერია (ასეიან ზენჯანიშ ოსტანი, ირანი) — ღ. 27 გჷმათუთა, 1449, სამარყანდი, თემურიდეფიშ იმპერია (ასეიან სამარყანდიშ ოლქი, უზბეკეთი) — თემურიდეფიშ იმპერიაშ სულთანი 1447–1449 წანეფს, თაშნეშე შინელი ასტრონომი დო მათემატიკოსი.

ულუღ ბეგიქ მიშეღჷ დიდი თია ასტრონომიაშ დო მათემატიკური დისციპლინეფიშ: ტრიგონომეტრიაშ დო სფერული გეომეტრიაშ გოვითარაფაშა. თაშნეშე ულუღ ბეგი მოღალენდჷ ხელუანობეფს დო შხვა ინტელექტუალურ აქტივობეფს. უჩქუდჷ ხუთი ნინა: არაბული, სპარსული, თურქული, მონღოლური დო ჩინური.

ულუღ ბეგი რდჷ თემურლენგიშ მოთა დო 1447-1449 წანეფს მართუნდჷ თემურიდეფიშ იმპერიას. თიში მართუალაშ პერიოდის იმპერიაქ მიოჭირინუ კულტურაშ დო მენცარობაშ პიკის, ნამუსჷთ თემურიდეფიშ რენესანსის უძახჷნა.

მუში მუმაქ შაჰრუხიქ, ულუღ ბეგის ომართალო გინოჩჷ სამარყანდი, სოდეთ თიქ 1424-1429 წანეფს დარსხუ ობსერვატორია, ნამუთ ართ-ართი შანულამი ობსერვატორია რდჷ ისლამურ ქიანეფს. ულუღ ბეგიქ მუში პატრონაჟით ობსერვატორია გინართინუ ცენტრალური აზიაშ ომენცარე რკვიებეფიშ ცენტრო.

ულუღ ბეგიქ, თაშნეშე ეიოგჷ მედრესე სამარყანდის 1417-1420 წანეფს.

ულუღ ბეგი რდჷ მუში ეპოქაშ უდიდაში ასტრონომი დო მენცარი. მარა თიქ ვეჸუ ეფექტურ პოლიტიკურ მოღალექ. პოლიტიკურ ოპონენტეფქ ულუღ ბეგი დიო გეგნათეს დო უკულ, 1449 წანას დოჸვილეს.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: