დინორეშა გინულა

შერლოკ ჰოლმზი: ოროეფიშ ლაჸაფი

ვიკიპედიაშე
შერლოკ ჰოლმზი: ოროეფიშ ლაჸაფი
რეჟისორი:

გაი რიჩი

დუმადგჷმალი რეჟისორი:

გაი რიჩი

პროდიუსერი:

ჯოელ სილვერი
ლაიონელ უიგრემი
სიუზენ დაუნი
დენ ლინი

სცენარიშ ავტორი:

კირენ მელროუნი
მიშელ მელროუნი
გაი რიჩი

ნახანდი:

ართურ კონან დოილი

თარ როლეფს:

რობერტ დაუნი უკლაში
ჯუდ ლოუ
რეიჩელ მაკადამსი
ჯერედ ჰარისი
სტივენ ფრაი
კელი რეილი

კომპოზიტორი:

ჰანს ციმერი

მონტაჟი:

ჯეიმზ ჰერბერტი

კინოსტუდია:

Village Roadshow Pictures
Silver Pictures

გჷშულაშ თარიღი:
  • ქირსეთუთა 16, 2011 (2011-12-16)
ხანგჷნძარალა:

129 წნ

ქიანა

ააშ, გოართიანაფილი ომაფე

ნინა:

ინგლისური

მუშნალი:

$ 545.448.418 მლნ

წოხოლენი:

შერლოკ ჰოლმზი
(2009)

IMDb პროფილი


შერლოკ ჰოლმზი: ოროეფიშ ლაჸაფი (ინგლ. Sherlock Holmes: A Game of Shadows) — 2011 წანაშ ოდუდსგინნაველე ფილმი, ნამუთ გიარსხუაფ ართურ კონან დოილიშე ღოლამირი პერსონაჟიშ, დეტექტივ შერლოკ ჰოლმზიშე რომანეფს. ფილმიშ რეჟისორი რე გაი რიჩი, პროდიუსერეფი ჯოელ სილვერი, ლაიონელ უიგრემი, სიუზენ დაუნი დო დენ ლინი. თენა რე 2009 წანაშ ფილმიშ გაგინძოება. სცენარიშ ავტორეფი რენა კირენ მელროუნი დო მიშელ მელროუნი.

ფილმიშ ათე ნორთის მარკვიებელეფიშ ჟირეული, ჰოლმზიშ დო უოტსონიშ სახეთ (რობერტ დაუნი უკლაში დო ჯუდ ლოუ) გორუნს პროფესორ მორიარტიშ (ჯერედ ჰარისი) შე ორგანიზაფილი ჸვილუეფიშ სერიას. ფილმი ირსხუაფჷ კონან დოილიშ რომანს ეკონია საქვარი, მორო თიშე დუდიშულ ხასიათის, ვინდარო ბონას ეკრანიზაციაშ სახე უღჷ.[1]

სიუჟეტი

[რედაქტირაფა | წყუშ რედაქტირაფა]
გური გუჩით!  თუდოლე მოჸონაფილი რე სიუჟეტიშ დო/ვარა დათებუშ დეტალეფი.

1891 წანას ირენ ადლერს (რეიჩელ მაკადამსი) დოქტორ ჰოფმანშტალწკჷმა მეუღ რზიალი — თი ჭარილიშ მანგიორო, ნამუთ თის ოკო გინუჩამუდკო. ჰოფმანშტალი ნწყუნს რზიალს, მუთით იქიმინებჷ ოფეთქებელი მონწყილობა. ჰოლმზი, ნამუთ თექ იჸი, ეჭოფუნს ჭარილს დო ოფეთქებელს აფეთქენს ჯვეშ სარკოფაგის. გვიანო თინა ჰოფმანშტანლს ღურელს მიოგორუანს. ადლერი აუმეხვადუ პროფესორ მორიარტის. თის ოკო, დადგინას, მუშენ მოხვადჷ თექ, მარ მორიარტი თის მალასმაქიმნელი ტუბერკულოზიშ გიშმაჭანაფალი პანჯით წამალანს.

გვიანო ექიმი უოტსონი ეჭანუაფ ჰოლმზის, ნამუთ არკვიენს ჸვილუეფიშ ედომუშამ სერიას — ართიანწკჷმა ოთაკილებერ რცხუს რენ თეფერ ჸვილუეფს, ტერორისტულ მენტებას დო ბიზნეს მაქინაციეფს, ნამუეფით მიარცხუაფჷ მორიარტის. უოტსონიშ გურგინუას ჰოლმზი გეჩინებაფუანს ციგანი სიმზას, ნამუთ რდჷ ჭარილიშ ადრესატი (ნამუთ მუშჸურე, თის მეუჯღონ ჟიმა, რენექ). ჰოლმზი აჩემენს მაჸვილარს, ნამუთ სიმზას მეთხოზჷ, მარა სიმზა ათეზმახანს გოდინჷ. უოტსონიშ დო მერიშ დიარაშ უკულ ჰოლმზი მაართათ აუხვადუ მორიარტის. თინა შერლოკის აჩინებაფუანს, ნამდა წორო თიქ ჸვილჷ ადლერი დო დოჸვილუნს უოტსონს დო მერისით, ჰოლმზი გაგინძორენს საქვარიშ გარკვიებას.

მორიარტიშ მორინა მიანტებჷ უოტსონს დო მერის, მუჟამსჷთ თე ჟირეული ოგურგინე შარალუაშა მახინწალით მეულა. ჰოლმზი, ნამუთ თინეფს მეთხოზჷნ, მერის მახინწალშე წყარმალუშა გინაჸოთანს, სოჸურეშეთ თის შერლოკიშ ჯიმა, მაიკროფტი ეშეჸონანს. მორიარტიშ კათაშ მერეხუაშ უკული ჰოლმზი დო უოტსონი პარიზის, სიმზას გორუნა. თიშ უკული, მუთ თის მიოგორუანან, ჰოლმზი უწინს სიმზას, ნამდა რენე მორიარტის მუშენს დო სიმზა ართ-ართი ოღანკე რენ. სიმზას თინეფი მეჸუნს ანარქისტული ბუნაშ შტაბ-ბინაშა, ნამუშ მაკათურით თეიშა ორდო რენეწკჷმა ართო რდჷ. თინეფი დადგინანა, ნამდა ანარქისტეფს დანძალეს, მორიარტიშო ბომბეფი უღოლამდესკო.

სუმული ჰოლმზიშ რკვიებაშ მეჯინათ დადგინენს, ნამდა ართ-ართი ბომბი პარიზიშ ოპერას რე, მორო ჰოლმზი მიოგორუანს, ნამდა თინა ღულა შარათ იჸონეს დო ბომბი დასურო ხოლოს დვალირი სასუმაროს რე. ემოქიმინჯელი ბომბი მერეხანს ედომუშამ ბიზნესმენეფს. ჰოლმზი დადგინენს, ნამდა თენა რდჷ ხვალე მაინჰარტიშ (ართ-ართი არსებული ბიზნესმენიშ) ჸვილუაშ ფორუაშ სამანჯელი - ნამუთ აფეთქებაშ ბორჯის ჸოთამათ ჸვილჷ სებასტიან მორანქ, მორიარტიშე დაქირებულ მაჸოთამალქ. მორიარტიშ დორხველობას მაინჰარტიშ ღურაშ უკული სქიდჷ გერმანიას დვალირი ანჯარიშ ქარხანა. ჰოლმზი, უოტსონი დო სიმზა გერმანიაშა მეულა დო ოცადჷნა, რენეშ ჭარილეფიშ დუდიშოტახალიშ ეშანწყჷმას მიოგორუანინ.

ქარხანას მორიარტი ჭოფუნს დო აწამენს ჰოლმზის, უოტსონი მორანს ოლჷმ. მორიარტიშე ჩინებული იჸუაფჷ, ნამდა თის დიდი თია უღჷ კომპანიეფს, ნამუეფით აწარმენა ოლჷმერ ტექნიკას დო თიში გეგმა რე მოსოფელიშ ლჷმაშ დოჭყაფა. ათეზმახანს უოტსონი გიმირინუანს დიდ ჯანერს, ნამდა დომერეხუას ოსინთუ, ნამუსჷთ მორანი იტყობუნ. ოსინთუ დიხუაფჷ ონწკარუს, ნამუსჷთ მორიარტი დო ჰოლმზი რენან. უოტსონი, სიმზა დო ჭყოლირი ჰოლმზი ართიანს მიოგორუანა დო მახინწალით მირულენა. ჰოლმზი დადგინენს, ნამდა მორიარტიშ ეკონია ღანკი იჸი შვიდობიანი სამიტი, ნამუთ შვეიცარიას მინწყუაფუ — მუთით ულამუნა დიდი სკანდალიშ ეკერკელაფა.

სამიტის ჰოლმზი სიმზას უწინს, ნამდა რენე ართ-ართი მაჸვილარი რე, მარა იერი, ჰოფმანშტალიშ ქირურგიული მეთოდეფიშ მოხვარათ, თირელი აფჷ დო ართ-ართ ელჩო რე გინოქუნელი. უოტსონი დო სიმზა გორჷნა რენეს, ათეზჷმა ხანს ჰოლმზი დო მორიარტი აბარწას ართიანს ხვადუნა. რენეს აჩერენა, მარა თის მორანი ჸვილუნს. ჰოლმზი მორიარტის განდენს, ნამდა თიქ, გერმანიას რდუნჷ, თიში პიჯული დღაური იხირჷ (ნამუსით მორიარტიშ გეგმეფი დო ფინანსური მუნაჩამეფი ინოჭარჷდჷნ) დო თინა ტყურაიათ გოთირჷ. ორიგინალიქ იჯღონჷ ლონდონს, მერიწკჷმა, ნამუქით დღალურს მოჩამილი კოდეფი ეშანწყჷ - თი წინგიშ მოხვარათ, ნამუთ შერლოკიქ ლონდონს, მორიარტიშ კაბინეტის მიოგორუნ. მერიქ თე ინფორმაცია ინსპექტორ ლესტრეიდს გინუჯღონ, ნამუქით გაჩერჷ მორიარტიშ აქტივეფი, მუთით თინა ფინანსურო აგავალჷ. ჰოლმზი დო მორიარტი ართიანს ფიზიკურო აწმუდირთუნა, მარა ჟირხოლო ხვადუ, ნამდა მორიარტი გიმორძგუანს, მუშენდა ჰოლმზის ოცილჷ ხუჯეფიშ წყუნაფილი არე. ჰოლმზი იხვამილუანს მორიარტის დო ჟირხოლო აბარწაშ მელე, წყარგიმალაფუს ინანთხუ.

მორიარტიშ დო ჰოლმზიშ რსხულეფშა ვეგიაგორენა. საბოლოათ ჟირხოლო ღურელო იკოროცხუ. ჰოლმზიშ სიმბოლური დასაფულებაშ უკული, უოტსონი დო მერი საბოლოათ იხაზირებუანა თოფურობაშ თუთაშ ოტარებელო. უოტსონი ობეშტალი მანქანას ეკორობუნს მუში შვენეფიშ ინაჭარეფს. ეკონია ლაწკარს თინა ჭარუნს - „დათებუ“. ათე ბორჯის თინა ფოსტათ მიღენს შურიშ ოღალარ აპარატის, ნამუსით ჰოლმზი სამიტიშახ გიმირინუანდჷნ. უოტსონი მეხვადუ, ნამდა ჰოლმზი თელი რე დო მირულე ფოსტალიონიშ ოგორალო. ათეზჷმა ხანს ჰოლმზი, ნამუთ მარშიმელი რდჷნ, მუჭოთ ოხვისტე, ეთმოდირთჷ დო უოტსონიშ ტექსტიშ ბოლოს დოხუნელ ზიტყვას „დათებუ“ უძინანს კითხირიშ თანჯის.

როლეფს

[რედაქტირაფა | წყუშ რედაქტირაფა]

წარმება

[რედაქტირაფა | წყუშ რედაქტირაფა]

2009 წანაშ ფილმის შერლოკ ჰოლმზი წჷმოძინაშ უკული, კომპანია Warner Bros. დო გაი რიჩიქ დიჭყეს თიში გაგინძორებაშ წარმება. გაი რიჩიქ მიოტუ ფილმის ლობო მუშობა, რობერტ დაუნი უკლაშიქ - ფილმის კოვბოეფი დო ურცხოპლანეტაერეფი ქაკათჷ.[12] უჩინებჷ რდჷ, დირთუდ დო ვარ ფილმის გინაღალარო რეიჩელ მაკადამსი. თიქ გაცხადჷ - „დიბრთუქ-და, როლი თარი ვეჸი, თინა მაყონაფალი ვარე“.[13] 2011 წანაშ 4 ფურთუთას კომპანია Warner Bros. Entertainment Weekly-ს ჰოია უწუ, ნამდა მაკადამსი აკათუდჷ მაჟირა ფილმის.[7]

ჩინებული რდჷ, ნამდა ფილმი იღოლამუაფუდ კონან დოილიშ წინგიშ ეკონია საქვარი მეჯინათ.[1] ფილმის მოქიმინჯალა მეურს მაართა ფილმიშ მოლინეფიშ უკული ართი წანაშ დუდს[1], მარა „შერლოკ ჰოლმზი: ოროეფიშ ლაყაფი“ ჩაფირქებული რდჷ, მუჭოთ დუდიშული ფილმი, ნამუშ ძირავა ვეთხინდჷ წოხოლენი ფილმიშ მოლინეფიშ გურაფას.[1]

2011 წანაშ 16 ქირსეთუთას კანადას, ააშ-ს დო ბრიტანეთის იჸუ ფილმიშ პრემიერაქ. 25 ქირსეთუთას თიქ გიშართჷ შხვა ქიანეფსით. 2011 წანაშ 30 ქირსეთუთას ფილმიქ გიშართჷ ინდოეთის, 2012 წანაშ 5 ღურთუთას - ავსტრალიას დო ესპანეთის.[2]

საუნდტრეკი

[რედაქტირაფა | წყუშ რედაქტირაფა]

ფილმიშ მუსიკაშ ავტორი რე ჰანს ციმერი. საუნდტრეკიქ გჷმოჩამაშა გიშართჷ 2011 წანაშ 13 ქირსეთუთას. [14][15][16]

# ჯოხოდვალაავტორი ხანგჷნძალა
1. I See Everything  ჰანს ციმერი 0:39
2. That Is My Curse (Shadows – Part 1)  ჰანს ციმერი 1:51
3. Tick Tock (Shadows – Part 2)  ჰანს ციმერი 8:12
4. Chess (Shadows – Part 3)  ჰანს ციმერი 7:34
5. It’s So Overt It’s Covert  ჰანს ციმერი 3:19
6. Romanian Wind  ჰანს ციმერი 1:56
7. Did You Kill My Wife?  ჰანს ციმერი 2:42
8. He’s All Me Me Me  ჰანს ციმერი 1:56
9. The Mycroft Suite  ჰანს ციმერი 1:41
10. To The Opera!  რენატო გიროლამი 4:03
11. Two Mules For Sister Sara  ენიო მორიკონე 2:34
12. Die Forelle  ჯულიუს დრეიკი 3:22
13. Zu Viele Füchse Für Euch Hänsel  ჰანს ციმერი 1:47
14. The Red Book  ჰანს ციმერი 4:00
15. Moral Insanity  ჰანს ციმერი 1:31
16. Memories Of Sherlock  ჰანს ციმერი 2:11
17. The End?  ჰანს ციმერი 2:26
18. Romani Holiday (Antonius Remix)  ჰანს ციმერი 5:38
19. Shush Club No. 3 (გეძინელი კომპოზიცია)ჰანს ციმერი 4:31
20. Beautiful Eyes (გეძინელი კომპოზიცია)ჰანს ციმერი 2:13
21. Just Follow My Lead (The Waltz) (გეძინელი კომპოზიცია)ჰანს ციმერი 4:44

ფასება

[რედაქტირაფა | წყუშ რედაქტირაფა]

კრიტიკოსეფიშ ფასება

[რედაქტირაფა | წყუშ რედაქტირაფა]

კრიტიკოსეფშე ფილმიშ ფასებეფი შხვადოშხვანერი რდჷ. Rotten Tomatoes-იშ ჩინებათ, 171 კრიტიკოსიშ 59% ფილმის დადებით ფასებას არზენს - 10-შე ოშქაშე 6 ქულაშ სახეთ. თინეფი ჰოიას ურაგადჷნა ართიანს, ნამდა „შერლოკ ჰოლმზი: ოროეფიშ ლაჸაფი“ რე ჯგირი ამბე, მუშენდა თარი გერგეზეფით ართიანს ოსქვანა, მარა მაართა ფილმიშ ხინულს ვემაჟირანს.[17] Metacritic, ნამუსით ფასებეფიშ 100 ქულიანი სისტემა უღჷ, ფილმის 49 ქულას არზენს (37 მოძირაფაშ ჰოიათ).[18] CinemaScore-იშ გიშაკითხირით, ფილმიშ მაძირაფუეფიშ უმენტაშობაქ ახალ ნორთის მეჩჷ A- ტიპის ფასება (დიაპაზონს A+-შე F-სახ).[19]

კინოთეატრეფი

[რედაქტირაფა | წყუშ რედაქტირაფა]

შერლოკ ჰოლმზი: ოროეფიშ ლაჸაფი ააშ-ს დო კანადას პრემიერაშ დღას იჸუ ლიდერქ, 14.6 მილიონი ააშ დოლარიშ მოგებათ [20], მორო წოხოლენ ნორთიშ მოგება 24.6 მლნ-ს აკადგიანდჷ [21] ბრიტანეთის სუმი დღაშ გოძვენას თიში მოგებაქ 3.83 მილიონი გირვანქა-სტერლინგი აკადგინჷ (მაართა ფილმიშ მიშმალუ სუმი დღაშ გოძვენას 3.08 მლნს აკადგინანდ)[22] ააშ-ს მარაშ ბოლოს მიშმალუ 39.6 მლნ ააშ დოლარს აკადგინანდჷ (წოხოლენი ფილმიშ 62.3 მლნ-წკჷმა მეჯინათ).[23] შხვა ქიანეფს თიშო მიშმალუქ 14.7 მლნ აკადგინჷ.თარგი:Cn

გაგინძორება

[რედაქტირაფა | წყუშ რედაქტირაფა]

Warner Bros.-იშ ჩინებათ, ფილმიშ მასმა ნორთიშ სცენარიშ მაართა ვერსია სცენარისტ დრიუ პირსიშ მოხვარათ უკვე წარმებას რე.[24]

რესურსეფი ინტერნეტის

[რედაქტირაფა | წყუშ რედაქტირაფა]

სქოლიო

[რედაქტირაფა | წყუშ რედაქტირაფა]
  1. ↑ 1.0 1.1 1.2 1.3 Tilly, Chris. “Sherlock Holmes: A Game of Shadows Preview“, IGN, 22 February 2011. კითხირიშ თარიღი: 9 March 2011. 
  2. ↑ 2.0 2.1 2.2 2.3 Sciretta, Peter (27 May 2010). Sherlock Holmes 2 Gets December 2011 Release Date, Rachel McAdams Will Return. /Film. კითხირიშ თარიღი: 18 October 2010.
  3. ↑ Melrose, Kevin. “Noomi Rapace to play Sim the Gypsy in ‘Sherlock Holmes 2′“, Spin Off Online, 23 November 2010. კითხირიშ თარიღი: 28 November 2010. 
  4. ↑ 4.0 4.1 4.2 Ffrench, Andrew (4 November 2010). Sherlock movie stars steam into Didcot. The Oxford Times. Newsquest. კითხირიშ თარიღი: 28 November 2010.
  5. ↑ Jared Harris discusses 'fun' Sherlock Holmes 2. Total Film. კითხირიშ თარიღი: 22 March 2011.
  6. ↑ Stephen Fry talks Sherlock Holmes 2. Total Film. კითხირიშ თარიღი: 22 March 2011.
  7. ↑ 7.0 7.1 Bierly, Mandi. “Rachel McAdams cameo confirmed for 'Sherlock Holmes' sequel“, Time Inc., 4 February 2011. კითხირიშ თარიღი: 12 February 2011. 
  8. ↑ “Eddie Marsan reprising Sherlock Holmes role“, Collider.com. კითხირიშ თარიღი: 2 December 2010. 
  9. ↑ Sherlock Holmes: A Game of Shadows Movie Review - ComingSoon.net Archived 2012-01-08 ვებ-ხასჷლას Wayback Machine.
  10. ↑ Thompson, Jody. “Take that, you bounder: Jude Law takes swing at a gypsy in new Sherlock Holmes film (after quick practice on Guy Ritchie)“, Daily Mail, Associated Newspapers, 19 October 2010. კითხირიშ თარიღი: 28 November 2010. 
  11. ↑ Leffler, Rebecca. “Gilles Lellouche Joins 'Sherlock Holmes 2' Cast“, The Hollywood Reporter, Nielsen Business Media, 26 November 2010. კითხირიშ თარიღი: 28 November 2010. 
  12. ↑ “Guy Ritchie Leaving Lobo, Aiming for Sherlock Holmes 2“, /Film, 26 January 2010. კითხირიშ თარიღი: 18 October 2010. 
  13. ↑ Ditzian, Eric. “Rachel McAdams Unsure About Doing 'Sherlock Holmes 2'“, MTV, 9 November 2010. კითხირიშ თარიღი: 9 January 2011. 
  14. ↑ Sherlock: Game of Shadows soundtrack details. Filmonic. კითხირიშ თარიღი: 23 November 2011.
  15. ↑ Sherlock: Game of Shadows soundtrack tracks. Amazon. კითხირიშ თარიღი: 1 December 2011.
  16. ↑ Sherlock Homes: Game of Shadows soundtrack with bonus tracks. კითხირიშ თარიღი: 11 December 2011.
  17. ↑ Sherlock Holmes: A Game of Shadows (2011). Rotten Tomatoes. კითხირიშ თარიღი: 16 December 2011.
  18. ↑ Sherlock Holmes: A Game of Shadows Reviews, Ratings, Credits, and More at Metacritic. Metacritic. კითხირიშ თარიღი: 2011-12-16.
  19. ↑ Kaufman, Amy (December 22, 2011). Movie Projector: 'Mission: Impossible' sequel to rule Christmas. Los Angeles Times. Tribune Company. კითხირიშ თარიღი: December 24, 2011.
  20. ↑ Sherlock Holmes sequel leads US box office
  21. ↑ Friday Report: 'Sherlock,' 'Alvin' Stumble, 'M:I' Dominant in IMAX
  22. ↑ Sherlock Holmes fires an opening salvo from the shadows at the UK box office
  23. ↑ Weekend Report: Disappointing Debuts From 'Sherlock,' 'Alvin' Sequels
  24. ↑ Fleming, Mike (October 23, 2011). Warner Bros Ready For ‘Sherlock Holmes 3′. Deadline Hollywood. კითხირიშ თარიღი: December 20, 2011.
გორილი რე "https://xmf.wikipedia.org/w/index.php?title=შერლოკ_ჰოლმზი:_ოროეფიშ_ლაჸაფი&oldid=209178"-შე