ადენიშ ჸუჯი
ადენიშ ჸუჯი (არაბ. خليج عدن, ფრანგ. golfe d'Aden) ინდოეთიშ ოკიანეშ არაბეთიშ ზუღაშ ნორთის წჷმარინუანს. ჸუჯიშ სიგჷრძა — 890 კმ. ჸუჯიშ ოორუე წყარპიჯის აკმადგინანს არაბეთიშ ჩქონი (სახენწჷფო იემენი). ჸუჯიშ ობჟათე დო ბჟადალი წყარპიჯის აკმადგინანს აფრიკაშ კონტინენტი (სახენწჷფოეფი სომალი დო ჯიბუტი). ჸუჯიშ ბჟადალშე გიშმართუნა ტაჯურაშ ჸუჯის. ჸუჯიშ ბჟაეიოლი ხურგათ იკოროცხუ კოდმე გვარდაფუიშ მერიდიანი (51°16’E)[1].
ჸუჯიშ ოშქაშე სიტომბა 500 მ.(1 600 ფუტი). მაქსიმალური სიტომბა 2 700 მ. (8 900 ფუტი). ჸუჯიშ მაქსიმალური ტემპერატურა - 28°C, მინიმალური - 15°C.
ჸუჯიშ ჯოხო მოურს იემენიშ ონიშოლი ნოღა ადენშე. ისტორიულო ადენიშ ჸუჯი რჩქინელი რდჷ მუჭოთ "ბერბერაშ ჸუჯი", ჸუჯიშ ობჟათეშე მადვალი უჯვეშაში სომალიშ ონიშოლი ნოღა ბერბერაშ პატჷოცემელო. მარა ნოღა ადენიშ შანულობაქ გიძინ კოლონიურ პერიოდის დო ჯოხო "ადენიშ ჸუჯიქ" პოპილარულქ იჸუ. ჸუჯი ბაბ-ელ-მანდეფიშ საროტიშ მეშქაშობათ მითმიარსხუ ჭითა ზუღას. ჸუჯის ეკონომიკური შანულობა უღუ, მუჭოთ სპარსეთიშ ჸუჯშე ევროპაშა ნავთობიშ ტრანსპორტირებაშ ოწყარე შარა.
XXI ოშწანურაშ დაჭყაფუს, ჸუჯის მეკობრეობაშ პრობლემაქ გორჩქინდჷ[2].
ონიშოლეფი
[რედაქტირაფა | წყუშ რედაქტირაფა]
შხვა ნოღეფი
[რედაქტირაფა | წყუშ რედაქტირაფა]თაშნეშე ქოძირით
[რედაქტირაფა | წყუშ რედაქტირაფა]- სომალარი მეკობრეეფი
- ერიტრეაშ ზუღა, ჸუჯიშ უჯვეშაში ჯოხო
სქოლიო
[რედაქტირაფა | წყუშ რედაქტირაფა]- ↑ cite web|url=http://www.iho-ohi.net/iho_pubs/standard/S-23/S23_1953.pdf%7Ctitle=Limits[ღურელი რსხილი] of Oceans and Seas, 3rd edition|year=1953|publisher=International Hydrographic Organization|accessdate=7 February 2010|archiveurl=http://www.webcitation.org/6FwR6hRQ2%7Carchivedate=2013-04-17[ღურელი რსხილი]
- ↑ cite news|url=http://echo.msk.ru/news/552887-echo.html%7Ctitle=Российский корабль «Неустрашимый» отбил атаку пиратов на датское судно в Аденском заливе |publisher=Эхо Москвы|date=2008-11-12