ტიტუსი

	ტიტუს ფლავიუს ვესპასიანე; ლათ. Titus Flavius Vespasianus
	; ტიტუსიშ ბიუსტი კარლსბერგიშ ახალი გლიპტოტეკას
რომიშ იმპერატორი
პოსტის გერინაშ ბორჯი
	24 მანგი, 79 წანა – 13 ეკენია, 81 წანა
წიმოხონი	ვესპასიანე
მონძე	დომიციანე
ნაღურა	ეკენია 13, 81 (41 წანერი); რომი, იტალია, რომიშ იმპერია
ნთხორუ აბანი	რომი
მუმა	ვესპასიანე
ნანა	დომიცილა
ალმასქუ	1. არეცინა ტერტულა; 2. მარცია ფურნილა; 3. იულია ბერენიკა (ოჸოროფუ)
სქუალეფი	იულია ფლავია (არეცინაშე); ფლავია (ფურნილაშე)
რელიგია	ჯვეშრომაული რელიგია

ტიტუს ფლავიუს ვესპასიანე (ლათ. Titus Flavius Vespasianus; დ. 30 ქირსეთუთა, 39 — ღ. 13 ეკენია, 81) — რომიშ იმპერატორი 79-81 წანეფს, ფლავიუსეფიშ დინასტიაშ წჷმმარინაფალი.

იმპერატორობაშახ ტიტუსი რდჷ შანულამი მანჯღვერთარი. მონაწილენდჷ მაართა იუდეარეფიშ ლჷმას. ლჷმაშ მიმალობაშ ბორჯის, 68 წანას იმპერატორი ნერონქ დუდი დიჸვილუ. ნერონიშ ღურას მაჸუნჷ კუნტა ომენოღალე ლჷმაქ. 69 წანას ხვისტა ხეშა ქაშეჸოთუ ტიტუსიშ მუმაქ ვესპასიანექ.

70 წანას ტიტუსიქ გეჭოფჷ იერუსალიმი დო მოჯალაგუ მაჟირა ოხვამე. ჸათე ოურდუმე მეჭირინაფეფიშ გეშათ, ტიტუსის მუნწყის ტრიუმფი დო ღურაშ უკულ (დომიციანეშ ბორჯის) ეიოგეს ტიტუსიშ ჯოხოდვალაშ თაღი.

მუში მუმაშ, ვესპასიანეშ მართუალაშ ბორჯის ტიტუსის უკინებუდჷ პრეტორიანალეფიშ გვარდიაშ პრეფექტიშ პოსტი. 79 წანაშ 23 მანგის დოღურჷ ვესპასიანექ დო იმპერატორიშ ხვისტაშა ეშართჷ ტიტუსიქ. ტიტუსის ჯგირი მამართალო მითმირჩქინანდეს სვეტონიუსი დო თიხანური პერიოდიშ შხვა ისტორიკოსეფი.

ტიტუსიქ გათუ კოლოსეუმიშ ეგაფა, ნამუშ პროექტი ვესპასიანექ დიჭყჷ. ტიტუსი ხვალე ჟირი წანას მართუნდჷ რომს. თიქ 81 წანაშ 13 ეკენიას ღურჷ. ტიტუსი დოთირუ უკულაში ჯიმაქ დომიციანექ. ღურაშ უკულ ტიტუსი რომიშ სენატიქ გაღორონთუ.

ლიტერატურა

ენციკლოპედია ბრიტანიკა

ტიტუსი ფლავიუსეფიშ დინასტია დებადჷ: 39 ღურჷ: 81
წიმოხონი: ვესპასიანე	რომიშ იმპერატორი 79 –81	გეჸვენჯი: დომიციანე

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.