ანჯელინა ჯოლი

ვიკიპედია-შე
გეგნორთი: ნავიგაცია, გორუა
ანჯელინა ჯოლი
Angelina Jolie 2 June 2014 (cropped).jpg
ანჯელინა ჯოლი 2014 წანაშ მანგის
დაბადებაშ ჯოხო ანჯელინა ჯოლი ვოითი
დაბადებაშ აბანი ლოს-ანჯელესი, კალიფორნია, ააშ
დებადჷ 4 მანგი, 1975 (1975-06-04) (ხანი 42)
საქვარუა არტისტი
აკოქიმინჯალაშ წანეფი 1982, 1983–ასეშა
ალმასქუ(ეფი) ჯონი ლი მილერი (1996–1999)
ბილი ბობ თორნტონი (2000–2003)
ბრედ პიტი (2014–2016)
მასქერეფი ჯონ ვოითი მარჩელინ ბერტრანდი

ანჯელინა ჯოლი ვოითი (ინგლ. Angelina Jolie Voight; დ. 4 მანგი, 1975) — ამერიკალი კინოარტისტი. პოპულარული მედიაშე თინა შხირას აღიარებული რე მოსოფელიშ ართ-ართი უსქვამაშ ოსურო, თიში ვაეკრანული, პიჯული რინა ფართას რე გოსინთელი. თის მეღებული აფუ სუმი ორქოშ გლობუსი, ჟირი კინოარტისტეფიშ გილდიაშ პრემია დო ოსკარი.

თიშ უმიკუჯინუო, ნამდა ჯოლიშ დებიუტიქ თიშ ბაღანობას იჸუ მუამუშწკჷმა ართო 1982 წანაშ ფილმის „ვუჯინექ ულას“, ჯოლიშ ოარტისტე კარიერაქ დიჭყჷ გვიაო, დაბალბიუჯეტიან ფილმის „კიბორგი 2“ (1993). თიქ მაართა თარი როლი გასახიერჷ ფილმის „ჰაკერეფი“ (1995), ხოლო თიქ ილაჸაფუ ბიოგრაფიულ ფილმეფს: „ჯორჯ ვალასი“ (1997) დო „ჯია“ (1998) დო მიღჷ ოსკარი, მუჭოთ მაჟირახარისხამ როლიშ საუჯგუშო მარსულებერ ოსურქ, ფილმიშო „ძღაბი, ნამუსით მიოტებაფეს“ (1999). ჯოლიქ მიანჭუ ოქიანე აღიარებას ფილმით „ლარა კროფტი: ონთხორუეფიშ გიმარნაფალი“ (2001), სოდეთ თიქ ვიდეო-ლაჸაფეფიშ გერგეზი, ლარა კროფტი გასახიერჷ. თეშ უკულ თიქ იჸუ ართ-ართი არძაშე ჩინებული დო მაღალგინოგაფური არტისტიქ ჰოლივუდის. თიქ არძაშე დიდი კომერციული მოგება ძირჷ ფილმის „მისტერ დო მისის სმიტი“ (2005).

ანჯელინაქ დეთხიუ მუშ მაართა ალმასქუს ჯონი ლი მილერს დო მაჟირა ალმასქუს ბილი ბობ თორნტონს, ასე არტისტი ბრედ პიტწკჷმა ართო ოხორანს. ჯოლის დო პიტის ჸუნა სუმი ენაჭოფა ბაღანა: მედოქსი, პექსი დო ზაჰარა დო სუმი ბიოლოგიური სქუა: შილო, კნოქსი დო ვივიენი. ჯოლი დაკინებული რე ჩეჟქიმინჯალური საქვარეფით თელ მოსფელს დო ხოლო თინა ალმახანდენს UNHCR-წკჷმა.

ბიოგრაფია[რედაქტირაფა | წყუშ რედაქტირაფა]

რინაშ ორდოიანი წანეფი დო ფანია[რედაქტირაფა | წყუშ რედაქტირაფა]

ანჯელინა ჯოლი ვოითიქ დებად ლოს-ანჯელესის, კალიფორნიას, რე არტისტი ჯონ ვოითიშ დო მარჩელინ ბერტრანდიშ სქუა. თინა ჩიპ ტეილორიშ ჯიმასქუა დო ჯეიმზ ჰეივენიშ და, ხოლო ჟაკლინ ბისეტიშ დო მაქსიმილიან შელიშ ნათილი რე. მუმაშ განშე ანჯელინა სლოვაკური დო გერმანული მუმალობაშ რე, დიდაშ განშე ფრანგი კანადელი რე.

1976 წანაშე მასქერეფიშ დათხებაშ უკული ანჯელინას დო მუში ჯიმას დიამუში რდჷნდ დო ოხორინალო გინორთეს პალიეიდსშა, ნიუ-იორკიშ შტატშა. მუჟამსჷთ ანჯელინა 11 წანერი რდჷნ, ფანიაქ დირთჷ ლოს-ანჯელესშა, თიქ გინოჭყვიდჷ არტისტალა დო ინირიცხჷ ლი სტრასბერგიშ თეატრალურ ინსტიტუტის, სოდეთ თინა ჟირი წანას მიკმიშჷ ოარტისტე ტრენინგეფს დო სპექტაკლეფს.

ანჯელინა დო მუამუში დიდ ხანს დათხიებულ რდეს ართიანწკჷმა, მარა თინეფიშ ართგვარ აკორიგაქ მოხვადჷ ფილმის „ლარა კროფტი: ონთხორუეფიშ გიმარნაფალი“ (2001).

ადრეული კარიერა, 1993-1997[რედაქტირაფა | წყუშ რედაქტირაფა]

ფილმ „ალექსანდრეშ“ პრემიერას კელნში

ჯოლიქ მუშობა დიჭყჷ, მუჭოთ მოდელქ, მუჟამს 14 წანრერი რდჷნ. თის კონტრაქტი უღუდ ომოდელე სააგენტო Finesse Model Management-წკჷმა დო მოღალა თეში მუჭოთ ამერიკას, ხოლო ევროპასით, ჯინჯიერო ლოს-ანჯელესის, ნიუ-იორკის დო ლონდონს. ათე პერიოდის თიქ გეგმორჩქინდჷ ბრელ მუსიკალურ ვიდეოს, მაგალითო: მით ლოუფიშ „Rock & Roll Dreams Come Through“, ანტონელო ვენდიტიშ „Alta Marea“, ლენი კრავიტსიშ „Stand by My Woman“ დო ლემონჰედსიშ „It's About Time“. 16 წანაშ ხანს ჯოლიქ დითჷ თეატრის დო ილაჸაფუ მუში მაართა როლი, თიქ გასახიერჷ გერმანალი დომინანტი ოსური. თიქ გინოჭყვადჷ მუმაშე უგურუაფუდკო თიში ართგვარი მეთოდი, ნამუთ გეჸვენჯის გერინას: დეკვირე ადამიერფს, თიშენ ნამდა თინეფჯგურაქ იჸუენ. ათე პერიოდის მუმა დო სქუაშ ურთიარალა ვარდჷ დაძაბული დო ენჯი ფირქენდჷ, ნამდა თინეფი ჟირხოლო „დრამაშ დიაფალეფი“ რდესჷნ.

ანჯელინაშ პროფესიონალურ კინო-კარიერაქ დიჭყჷ 1993 წანას, მუჟამსჷთ თიქ ილაჸაფჷ თარი როლო დაბალბიუჯეტამ ფილმის „კიბორგი 2“, ათეს მაჸუნუ ფილმი „სამხილიშ უმშო“, მუში მაართა ჰოლივუდური ფილმი რდჷ 1995 წანას ფილმის „ჰაკერეფი“.

თიქ ილაჸაფჷ ფილმეფს: „იპრელი, მუთ თაქ რენ, ჸოროფა რე“, „მოხავეშ თუთა“, „რცუ დაჩხირი“, „მალაჸაფე ღორონთი“,„ნანდული ოსურეფი“. ათე წანას როლინგ სტოუნზიშ კლიპის ბირას Anybody Seen My Baby? ჯოლიქ გასახიერჷ სტრიპტიზიშ მასხაპალი, ნამუთ შქას იტენს შოუს, ნამდა ნიუ–იორკის იგაგასჷნ.

ეულა, 1997–2000[რედაქტირაფა | წყუშ რედაქტირაფა]

მოსოფელიშ ეკონომიკურ ფორუმს დავოსში, 2005 წანაშ ღურთუთას

ჯოლიშ კარიერაქ გეუჯგუშჷ თიშ უკულჷ, მუთ თიქ ილაჸაფჷ კორნელია უოლესი 1997 წანაშ ბიოგრაფიულ ტელეფილმის „ჯორჯ უოლესი“, მუშოთ თიქ მიღუ ორქოშ გლობუსი დო რდჷ ნომინირაფილი ემის. კრიტიკოსეფი ფილმის ოცქვანდეს დო შხვა ჯილდოეფს შქას თიქ ხოლო მიღჷ ორქოშ გლობუსი საუჯგუშო ოტელევიზიე ფილმიშო.

1998 წანას ილაჸაფჷ HBOშ სერიალს „ჯია“. „ჯოჯოხეთიშ საბზადი“, „გურით ლაჸაფი“, ნამუსჷთ ოკათუდეს შონ კონერი, ჯილიან ანდერსონი, რაიან ფილიპი დო ჯონ სტიუარტი. ფილმიქ დადებითი ფასაფა მიღუ დო ანჯელინათ ოცქვეს დო თიქ მიღჷ ჯილდო Breakthrough Performance Award-ს.

1999 წანას ჯონ კიუსაკიწკჷმა, ბილი ბობ ტორნტონწკჷმა დო კეიტ ბლანშეტწკჷმა ართო ჯოლიქ ქაკათჷ მაიკ ნიუელიშ კომედიურ დრამას „ფურინუეფიშ მართვა“. ათეშ უკული ჯოლიქ ილაჸაფ დენზელ ვაშინგტონწკჷმა ართო ჯეფრი დევერიშ კრიმინალური ნოველაშ მეჯინათ გინოღალირ ფილმის „ძვალეფიშ მაშაყარალი“ (1999).

ათეშ უკულ ჯოლიქ მაჟირახარისხამი როლი არსულჷ ფილმის „ძღაბი, ნამუსით მიოტებაფეს“ (1999), ჯოლიქ მიღუ მასმა ორქოშ გლობუსი, მაჟირა კინოარტისტეფიშ გილდიაშ პრემია დო ოსკარი მაჟირა ხარისხამი როლიშ რსულებაშო.

2000 წანას ანჯელინაქ გჷმორჩქინდჷ საზახულო ბლოკბასტერს „ხვამილაფა სუმენეჩ წუნს“, სოდეთ თიქ ილაჸაფ სარა (სვეი) ვეილენდი - ნიკოლას კეიჯიშ გერგეზი.

ოერეფოშქაშე წჷმოძინა, 2001–ამდღარშა[რედაქტირაფა | წყუშ რედაქტირაფა]

ნიუ-იორკის ფილმ „ნძალიერი გურიშ“ პრემიერას

ფილმით „ლარა კროფტი: ონთხორუეფიშ გიმარნაფალი“ თინაქ ოერეფოშქაშე სუპერმურიცხო გინირთჷ. უკული ანჯელინაქ ილაჸაფჷ ანტონიო ბანდერასწკჷმა ართო ფილმის „ორიგინალური ცოდა“ (2001), 2003 წანას ჯოლიქ გინაახალუ ლარა კროფტიშ როლი ფილმის „ლარა კროფტი ონთხორუეფიშ გიმარნაფალი: რინაშ არკვანი“. გვიანო, ათე წანას, ანჯელინა გუმორჩქინდ ფილმის „ხურგეფს მელე“, 2004 წანას ანჯელინაქ ილაჸაფუ ითან ჰოუკწკჷმა ართო ტრილერს „რინეფიშ ხვამილაფა“. თიქ გასახიერჷ ილეანა სკოტი.

ბრედ პიტწკჷმა ართო 2009 წანას

ჯოლიქ არძაშე დიდი კომერციული მოგება ძირჷ სანწალესიუჟეტამი კომედიური ჟანრიშ ფილმით „მისტერ დო მისის სმიტი“ (2005), სოდეთ მუმალ პარტნიორ ბრედ პიტწკჷმა ართო ილაჸაფუ. 2007 წანასს ჯოლქ არსულ მერიენ პირლის როლი დოკუმენტური ტიპის დრამას „ნძლიერი გური“. ჯოლიქ ორქოშ გლობუსიშ დო კინოარტისტეფიშ გილდიაშ ნომინაციეფი მიღჷ. 2008 წანას ჯოლიქ არსულჷ თარი როლი კლინტ ისტვუდიშ დრამას „თირელი“. ჯოლიქ გასახიერჷ კრისტინ კოლინსი, ლოს-ანჯელესის მახორუ დიდა, ნამუთ 1928 წანას სქუა უხვამილეს, პოლიციაქ შხვა ბაღანა დურთინუ. ჯოლიქ ათე როლიშო მიღჷ ოსკარიშ, ორქოშ გლობუსიშ, კინოარტისტეფიშ გილდიაშ დო BAFTA-შ ნომინაციეფი.

ფილმოგრაფია[რედაქტირაფა | წყუშ რედაქტირაფა]

აღმოჩენილია ლუპი თარგ: თარგი:ტელეფილმის-შიაღმოჩენილია ლუპი თარგ: თარგი:ტელეფილმის-შიაღმოჩენილია ლუპი თარგ: თარგი:ტელეფილმის-შითარგი:ფილმისთოლეფითარგი:ფილმისთოლეფითარგი:ფილმისთოლეფი

წანა მარგალურო ოდაბადური ჯოხოდვალა როლი
1982 ვუჯინექ ულას Lookin' to Get Out ტოში
1993 კიბორგი 2 Cyborg 2 კასელა რიზი
1995 სამხილიშ უმშო Without Evidence ჯოდი სვეარინგენი
1995 ჰაკერეფი Hackers კეიტ ლიბი
1996 მოხავეშ თუთა Mojave Moon ელეანორ რიგბი
1996 იფრელი, მუთ თაქ რენ, ჸოროფა რე Love Is All There Is ჯინა მალაჩიჩი
1996 რცუ დაჩხირი Foxfire მარგარეტ სადოვსკი
1997 მალაჸაფე ღორონთი Playing God კლერი
1998 ჯოჯოხეთიშ საბზადი Hell's Kitchen გლორია მაკნერი
1998 გურით ლაჸაფი Playing by Heart ჯოანი
1999 ფურინუეფიშ მართვა Pushing Tin მერი ბელი
1999 ძვალეფიშ მაშაყარალი The Bone Collector ამელია დონაჰი
1999 ძღაბი, ნამუსჷთ მიოტებაფეს Girl, Interrupted ლიზა როუ
2000 ხვამილაფა სუმენეჩ წუნს Gone in 60 Seconds სარა ვეილანდი
2001 ლარა კროფტი: ონთხორუეფიშ მარჩვალი Lara Croft: Tomb Raider ლარა კროფტი
2001 ორიგინალური ცოდა Original Sin ჯულია რასელი
1999 რინა ვარდა მუდგარენ თეჯგურა Life or Something Like It ლენი კერიგანი
2003 ლარა კროფტი: ონთხორუეფიშ მარჩვალი (ფილმი) Lara Croft Tomb Raider: The Cradle of Life ლარა კროფტი
2003 ხურგეფს მელე Beyond Borders სარა ჯორდანი
2004 რინეფიშ ხვამილაფა Taking Lives ილეანა სკოტი
2004 ცაური კაპიტანი დო ჭუმენერ ოქიანუ Sky Captain and the World of Tomorrow ფრანჩესკა კუკი
2004 ალექსანდრე Alexander ოლიმპიადა
2005 მისტერ დო მისის სმიტი Mr. & Mrs. Smith ჯეინ სმიტი
2006 ჯგირი ჭყიში The Good Shepherd მარგარეტ რასელი
2007 ნძალიერი გური A Mighty Heart მერიენ პირლი
2007 ბეოვულფი Beowulf გრენდელის დედა
2008 გიშაკერძფილო ოშქურანჯი Wanted ფოქსი
2008 თირელი Changeling კრისტინ კოლინსი
2010 სოლტი Salt ეველინ სოლტი
2010 ტურისტი The Tourist ელის უარდი
2014 მალეფიცენტი Maleficent მალეფიცენტი
2015 ზუღაშ პიჯის By the Sea ვანესა / რეჟისორი

პიჯულ რინა[რედაქტირაფა | წყუშ რედაქტირაფა]

2005 წანას, პიტიქ ჯოლის ქაჸუნჷ ეთიოპიაშა, სოდეთ ანჯელინაქ მაჟირა ბაღანა ეჭოფჷ, ზაჰარა. 2006 წანაშ 11 ღურთუთას, ჯოლიქ ჟურნალ „პიპლზის“ დაუდასურჷ, ნამდა თინა რდჷ მონკათ პიტიშე. 2006 წანაშ 27 მესის, ჯოლიქ ქიანას მალინუ ძღაბი შაილო ნუველ ჯოლი პიტი. ჯოლიქ გინოჭყვიდჷ ბაღანაშ სურათეფი გჷმუჩამუდკონ, ვინდარო ბაღანე ღანკი რდჷკონ პაპარაცეფშო. ჟურნალ „პიპლზიქ“ 4 მილიონ დოლარშე უმოსი გინუგჷ სურათეფიშო, ბრიტანულ ჟურნალქ „ჰელოუქ“ 3,5 მილიონი დოლარი. გვალო თანხაქ 10 მილიონი დოლარი აკადგინჷ. ედომუშამი თანხა ჯოლი-პიტიშ ოჩეჟმოქიმინჯე ფონდის გინაჩჷ.

2007 წანაშ 15 მელახის, ჯოლიქ სქუათ ეჭოფჷ სუმი წანერი ბოში ვიეტნამიშე პაქს თიენ ჯოლი-პიტი.

მედიაშ არზით ჯოლი კინ რდჷ მონკათ, მუთ თიში გჷმორჩქინაქ 2008 წანაშ Independent Spirit Award-ს დანტკიცჷ. 2008 წანაშ 12 კვირკვეს, ჯოლიქ გარჩქინჷ ბოში დო ძღაბი, ჯოხოთ ნოქს ლეონ ჯოლი პიტი დო ვივიენ მარჩელინ ჯოლი პიტი. 2015 წანას ჭკობაქ ხოლო ართი ბოში, 2 წანერი მუსა ეჭოფჷ.[1]

რესურსები ინტერნეტში[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]