ახალკახათი

ვიკიპედიაშე
ოფუტე
ახალკახათი
ქიანა საქორთუო
აკანი სამარგალო-ჟინ შონე
მუნიციპალიტეტი ზუგდიდიშ მუნიციპალიტეტი
ზუღაშ დონეშე 20
მახორობა 1170 კოჩი 2014


ახალკახათი ოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის, ოდიშ–გურიაშ დჷკი–რზენს, წყარმალუ ჩხოუშიაშ მარძგვანი ოძგაშე, ზუღაშ დონეშე 20 მეტრა, ზუგდიდიშე 16 კმ. 2014 წანაშ[1] ეჭარუაშ მუნაჩემეფით ოფუტეს ოხორანს 1170 ადამიერი. უხურგანა ოფუტეეფი: კოკი, კახათი, დარჩელი დო ოქტომბერი.

ისტორია[რედაქტირაფა | წყუშ რედაქტირაფა]

გჷნოჩამათ ოფუტეშ ცენტრიშე ბჟაეიოლშა ჸოფე უგშურთუმუ ტყა, მუთ უგურკვიებუ ბაძაძით გორჩქინელი დაჩხირიშ გეშა გეგნოჭველე, მუდგაშ უკულით თე აბანც ოფუტე კახათიშე გოშხვენერაფილო ქიგედვალუ ,,ნაჭვი" კახათი.

თე ტერიტორია ორხველუდ თრუმე მანუჩარ ანჩაბაძეს, ათეშენ თე აბანც მანჩაშ (მანუჩარიშ) კახათისჷთ უძახჷნა. უკულნეშის თე აბანც ქიგიადუ ახალკახათიქ.

ახალკახათიშ ტერიტორიაშ გოფართანაფაქ მოხვადჷ 1919 წანას მეძობელი ოფუტეეფიშ (დარჩელი, ოქტომბერი, კოკი, კახათი) ნორთეფიშ მეძინათ. ოფუტე დუდშენო ორხველუდჷ კოკიშ ოფუტური სხუნუს. 1971 წანას დენტკიცჷ ახალკახათიშ ოფუტური სხუნუშ აღმასკომქ. 1920-1921 წანეფს დირსხუ ახალკახათიშ დოჭყაფურ სკოლაქ, 1954 წანას გეგნიკეთჷ 7 წანამი სკოლათ, ოდო 1968 წანაშე ოშქაშე სკოლათ. 1941-1945 წანეფს მოსოფელიშ ლჷმაშა გჷშაჭანაფილქ იჸუ 193 ახალკახათარქ, ნამუეფშეთ 103-ს ვა დართინჷ, ნამუეფიშ ჯოხოშ მაშინაფალო ოფუტეს გოკიდილიე უკახლე ვა დორთელეფიშ პარკი სტენდით.

ახალკახათარეფი საქორთუოშ ტერიტორიული ედომუშამობაშო ლჷმას ოკათუდეს.

ოფუტე ამდღა[რედაქტირაფა | წყუშ რედაქტირაფა]

ოფუტეს ფუნქციონირენს ობაღანე ბაღი, ოჯარე სკოლა, სპორტული მოედანეფი, ოექიმე ამბულატორია.

გჷმორინაფილი ლიტერატურა[რედაქტირაფა | წყუშ რედაქტირაფა]

ზუგდიდიშ მუნიციპალიტეტიშ გამგეობაშ ვებ-ხასჷლა Archived 2013-04-11 ვებ-ხასჷლას Wayback Machine.

სქოლიო[რედაქტირაფა | წყუშ რედაქტირაფა]

  1. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.