აბასთუმანი (ზუგდიდიშ მუნიციპალიტეტი)

ვიკიპედიაშე
ოფუტე
აბასთუმანი
ქიანა საქორთუო
აკანი სამარგალო-ჟინ შონე
მუნიციპალიტეტი ზუგდიდიშ მუნიციპალიტეტი
ზუღაშ დონეშე 100
მახორობა 920 კოჩი 2014

აბასთუმანიოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის, წყარმალუ ჯუმიშ კვარჩხანი ოძგაშეს, ზუღაშ დონეშე 100 მეტრა. ზუგდიდიშე 15 კმ. 2014 წანაშ ეჭარუაშ მუნაჩემეფით ოფუტეს ოხორანს 920 ადამიერი.[1] ოფუტეს ბჟაეიოლშე უხურგანს ოფუტე ნარაზენი, ოფუტე ურთა, ობჟათეშე კოლხიდა (ახალსოფელი) დო ოორუეშე ხობიშ მუნიციპალიტეტიშ ოფუტეეფი.

ისტორია[რედაქტირაფა | წყუშ რედაქტირაფა]

აბასთუმანი სუმი ოფუტეს აკმაშქვანს – აბასთუმანი, ხეცერა და მენჯის. არძო თე ტოპონიმს ოკათაშე გჷნოჩამა ოსქვებურ ეტიმოლოგიურ ენწყუმას უგორუნს. მუჭოთ რაგადანან, დადიანს უთხუ კინტირია ფაჟავაშა ალმახანური აბასთუმანიშ ტერიტორიაშო ჯოხოშ გჷშაგორუა. ოდო თის უგამუ ,,სით სუმარი, მათ სუმარი, სქან დოხორე აბასთუმანი“.

ოდო ხეცერაშ ეტიმოლოგიას ათაშ ეთმონწყუნა ,,თაქ, ოჭყონეს, ოჯინუშა მურთუმუ დადიანს, ართგან გერთელი ჯა უძირუ დო უთქუალუ ,,ხეცერა’’ ჸოფენია. უკული თე აბანი დუდო გიორგი გვათუაშა უჭყოლოფუ.

მუთ ოწაწუ მენჯისჷნ, თინა მარგალური ზიტყვა რე დო შანენს ბჟე მინერალურ, წყჷთე წყარც. აბანი, სოდეთ წყჷთე, ჯიმუამი წყარი ეშმურს. თაშ ნამდა, მენჯი ქორთული ვეძა ზიტყვაშ კანონზომიერი ფონეტიკურ–სემანტიკური მანგი რე.

ოფუტე აბასთუმანი რე ღმალიერი ტრადიციეფიშ მაღვენი, თაქ დებადეს დო გარკვიებული ხანით მოღალენდეს თიშნერი გჷშარჩქინელი ადამიერეფი, მუნერეფით რდეს დო რენა: კონდრატე თათარიშვილი (უიარაღო). ჩინებული პოეტი დო პუბლიცისტი, თეჟამო უკრაინას მოღალე რაულ ჩილაჩავა. სხუნუეფიშ რსხუშ გერგეზი აკაკი ბუკია დო მიარე შხვა.

ოფუტე ამდღა[რედაქტირაფა | წყუშ რედაქტირაფა]

ოფუტეს ფუნქციონირენს ჟირი ოჯარე სკოლა უახალაში კომპიუტერული ტექნიკათ. ოფუტეს რე ჯგირო მონწყილი ობაღანე ბაღი, ბიბლიოთეკა, ომედიცინე ამბულატორია. გოახალაფირიე კონდრატე თათარიშვილიშ ჸუდე–მუზეუმი, ოფუტეს დიკიდჷ წიმინდე სუმელაშ ოხვამექ. ოფუტეშ მეურნობა ჯინჯიერო გეპონჷ მეორინჯალას დო დიხასაქვარუას, კერძო სექტორს მოჸუნც: ლაიტი, ლებია, მუხუდო. ლაკადამი რელიეფიშ უმკუჯინუო ირწანურო ითასუ 300-350 ჰექტარი ფართობი.

ზუგდიდიშ მუნიციპალიტეტიშ გამგეობაშით აკონწყილქ იჸუ წყარგოჸუნაფალობაშ სისტემაქ, ნამუთ ოინალჷ 250–შახ ფანიას. დოგეგმაფილიე დო მიმალი წანას იკეთებაფუაფუ შარეფი. სქვამას მანწყუნა ოფუტეშ ცენტრისჷთ.

გჷმორინაფილი ლიტერატურა[რედაქტირაფა | წყუშ რედაქტირაფა]

ზუგდიდიშ მუნიციპალიტეტიშ გამგეობაშ ვებ-ხასჷლა Archived 2013-04-11 ვებ-ხასჷლას Wayback Machine.

სქოლიო[რედაქტირაფა | წყუშ რედაქტირაფა]

  1. მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). კითხირიშ თარიღი: 7 ნოემბერი, 2016.