განარჯიაშ მუხური

ვიკიპედია-შე
Jump to navigation Jump to search
ოფუტე
გამჯიაშ მუხური
განმუხური
SZS-Zugdidi-ka.svg
ქიანა საქორთუო
აკანი სამარგალო-ჟიმოლენი შონე
მუნიციპალიტეტი ზუგდიდიშ მუნიციპალიტეტი
ზუღაშ დონეშე 5
მახორობა 2691 კოჩი 2002
Georgia location map2.svg

გამჯიაშ მუხური, განარჯიაშ მუხური, უმოსო ჩინებული, მუჭოთ განმუხურიოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის, აშაძჷ სამურზაყანოშ რზენს, წყარმალუ ინგირწყარიშ მარძგვანი ოძგაშეს, ზუღაშ დონეშე 5 მეტრა, უჩა ზუღაშე 3 კმ. ზუგდიდიშე 25 კმ. 2002 წანაშ[1] ეჭარუაშ მუნაჩემეფით ოფუტეს ოხორანს 2691 ადამიერი. ოფუტე ედომუშამო დჷკის წჷმჷმარინუანც დო გოფაჩილიე 12–13 კმ სიგჷრძას, თის ოორუეშე უხურგანც გალიშ რაიონიშ ოფუტეეფი – ფიჩორი დო ოტობაია, ობჟათეშე ოფუტე დარჩელი დო ნოღა ანარკია, ნამუეფშეთ გჷმორთილიე წყარმალუ ინგირით. ოფუტე იდვალუაფუ ზომიერ სუბტროპიკული ზონაშ ორტყაფუს. ჰავაშ ოშქაშე ტემპერატურა ზოთონს +8-10◦, ზარხულს +30–35◦.

ისტორია[რედაქტირაფა | წყუშ რედაქტირაფა]

ოფუტეშ ჯოხოდვალაქ გორჩქინდჷ გამჯია ხუფენიაშე, ნამუთ ბრელი ხანიშ ოწოხ თე ტერიტორიას დოხორელე. თიშ პატიოჩამალო ოფუტეს გიადჷ ,,გამჯიაშ მუხურქ,’’ უკული განჯიაშ მუხურქ (განმუხური).

2004 წანაშე ოფუტექ ანგარია დითირუ, ედომუშამო გიკეთინჷ ცენტრალური შარაქ ზუღაშ პიჯიშე ნოღაშახ, გირემონტჷ დინოხოლენი შარაქ.

2006 წანაშ ეკენიას მიხეილ სააკაშვილი ოსურუდ განმუხურიშ ოჯარე სკოლას, ნამუსუთ ევრორემონტი უღოლის, განწყის კომპიუტერეფით დო გურაფაშო ირნერი პიჯალეფიე ქიმინელი. ოფუტეს გინწყჷ ოექიმე ამბულატორიაქ, გარემონტეს ბაგა–ბაღი.

2010 წანას დიკიდჷ ახალი ოავტომობილე ხინჯიქ, ნამუთ განმუხურს მითმიორსხუანც ანაკლიაწკჷმა. ოფუტეს ორდჷ ოშუმალი წყარიშ პრობლემა. გინთხორჷ არტეზიული ინჭაქ, ნამუთ ზუღაპიჯიშ მახორობას ახაზირენც ოშუმალი წყარით.

ოფუტე ამდღა[რედაქტირაფა | წყუშ რედაქტირაფა]

ეკონია ჟირი წანაშ დინოხოლე მერეთო გისქვამჷ ზუღაშ პიჯიქ. გიკიდჷ ბულვარქ, სასუმაროეფქ, მოედანეფქ, აკვაპარკიქ. ოფუტე განმუხურიშ ოძგალე ლენი სარკალა ზუღათ, თაკარი ბჟათ დო მერეთი ელჷ-მოლჷთ მოსვანდეეფიშ მოწონას იინალუანც.

გჷმორინაფილი ლიტერატურა[რედაქტირაფა | წყუშ რედაქტირაფა]

ზუგდიდიშ მუნიციპალიტეტიშ გამგეობაშ ვებ-ხასჷლა

სქოლიო[რედაქტირაფა | წყუშ რედაქტირაფა]