ბალბინუსი

	ბალბინუსი; ლათ. Balbinus
	; ბალბინუსიშ ბიუსტი ერმიტაჟიშ მუზეუმს
რომიშ იმპერატორი
პოსტის გერინაშ ბორჯი
	პირელი/მესი – კვირკვე/მარაშინათუთა, 238
წიმოხონი	გორდიანე I დო II
მონძე	გორდიანე III
ნაღურა	238 (60 წანერი); რომი, იტალია
მუმა	ცელიუს კალვინუსი
რელიგია	რომაული რელიგია

დეციმუს ცელიუს კალვინუს ბალბინუსი (ლათ. Decimus Caelius Calvinus Balbinus; დ. დოხოლაფირო 178 — ღ. 238) — რომიშ იმპერატორი სუმი თუთაშ გოძვენას, 238 წანას, პუპიენუსიწკჷმა ართო.

დებადჷ პატრიციეფიშ ფანიას. უკინებუდჷ შხვადოშხვა შანულამი პოსტეფი. 238 წანას რომიშ სენატიქ, ბალბინუსი პუპიენუსიწკჷმა ართო გეგშაგორჷ რომიშ იმპერატორო. თინეფიშ კანდიდატურა სენატიქ წჷმარინუ ბარბაროსი იმპერატორიშ მაქსიმინუსიშ სააწმარენჯოთ, ნამუთ პოპულარული მამართალი ვარდჷ. 238 წანაშ ივანობას მაქსიმინუსი მუში ჯარიშკოჩეფქ გეგთოჩეს დო დოჸვილეს. უკულიანი პერიოდის, პუპიენუსიქ დო ბალბინუსიქ ვემირიგეს. თინეფს ართიანწკჷმა გლახა ურთიართალა უღჷდეს დო ართიანს ვანდუდეს. პრეტორიანალეფქ, ნამუეფით იმპერატორეფიშ მართუალათ უკმაყოფილე რდეს, დოხორეშე გეგმარაგვეს პუპიენუსი დო ბალბინუსი, მუკაქუნალი გამკანწყეს, ქაწამეს დო ბოლოს დოჸვილეს. ახალი იმპერატორო გეგმაცხადეს გორდიანე I-შ მოთა გორდიანე III.