ზოხორინელი სახენწჷფოეფიშ წორომაჸალობა

ვიკიპედია-შე
გეგნორთი: ნავიგაცია, გორუა
Содружество Независимых Государств
ზოხორინელი სახენწჷფოეფიშ წორომაჸალობა
დსთ-ს დროშა
ზსწ-შ შილა
Flag of the CIS
შტაბ-ორენჯი მინსკი, ბელარუსი
მაკათური ქიანეფი 10 მაკათური ქიანა
1 ასოცირაფილი მაკათური
სამუშა ნინა რუსული
ემაჸონაფალი მელამოსე სერგეი ლებედევი
დირსხუ 21 ქირსეთუთა, 1991
ოფიციალური ვებხასჷლა http://cis.minsk.by

ზოხორინელი სახენწჷფოეფიშ წორომაჸალობა, „ზსწ“ (რუს. Содружество Независимых Государств - СНГ) საირქიანო ორგანიზაცია, ვარა ალიანსი, აკმოდირთუ 10 ჸოფილი სხუნუეფიშ რესპუბლიკაშე: აზერბაიჯანი, ბელარუსი, თურქმენეთი, მოლდოვა, სომხეთი, რუსეთი, ტაჯიკეთი, უზბეკეთი, ყაზახეთი დო ყირგიზეთიშე. თურქმენეთიქ 2005 წანაშ 26 მარაშინათუთას რსულალობამ მაკათურობა ივარუ დო თეჟამო ასოცირაფილი მაკათური რე.

ზსწ-შ აკოქიმინუაქ სხუნუეფიშ რსხუშ აკოცჷმაწკჷმა ართო მოხვადჷ დო რუსეთიშ ლიდერეფიშ ნტკიცებათ თიში მეშანილობა სხუნუეფიშ რესპუბლიკეფც შქას ცივილური დათხიაშ ქიმინუა ოკო ჸოფედუკო. მორო მიარე დჷმაკვირებელიშ აზჷრით ზსწ -ს რუსეთშა მეშქაშალა ოკო მეუჩამუდჷკო ქეუსქილიდაფუაფუდჷკო გოლინა პოსტ-სხუნუეფიშ განშა. წორომაჸალობაშ დორსხუაფაშე ამდღარშახ თიში მაკათურეფქ მიარე ოართე აპიჯაფას მაჭარეს ხე ეკონომიკაშ, დუდთხილუაშ დო ოგალენე პოლიტიკაშ ინტეგრაცია დო კოოპერაციაშ გეშა. პოპულარული წჷმორინაშ უმკუჯინუო ზსწ კონფედერაცია ვა რე.

სხუნუეფიშ რსხუშ ჟირი ჸოფილი რესპუბლიკაქ 1997 წანაშე რუსეთ-ბელარუსიშ რსხუ ქჷდარსხის, კონფედერაციული გოართოიანაფათ.

მაკათურეფი[რედაქტირაფა | წყუშ რედაქტირაფა]

  • ჸოფილი მაკათურეფი/ასოცირაფილი მაკათურეფი:
    • Flag of Turkmenistan.svg თურქმენეთი (1991 დო გჷშართჷ 2005, თიშ უკული მუთ ასოცირაფილი მაკათურიე)
    • Flag of Georgia.svg საქორთუო (1993, ფურთ. 2006 გჷშართჷ დუდთხილუაშ მინისტრეფიშ სხუნუშე, 2008-ს გჷმიცხადინჷ გჷშულაშ ზალამქ, 2009 წანაშ 18 მარაშინათუთას საქორთუოქ ოფიციალურო გაგშართჷ ზსწ-შე[1])


ისტორია[რედაქტირაფა | წყუშ რედაქტირაფა]

რუსეთიშ ფედერაცია, უკრაინა დო ბელორუსია გოეროს[რედაქტირაფა | წყუშ რედაქტირაფა]

სხუნუეფიშ რსხუშა მიშმალი რესპუბლიკფი ვართ დორხველაშო დინოხოლეშე მეჩამილი ოერეფოშქაშე პოლიტიკური სტატუსით დო ვართ ოგალანე, ანუ ოერეფოშქაშე პოლიტიკური სტატუსით ვა რდეს წორწოეფი (მორო სხუნუეფიშ კონსტიტუციათ თენა დეკლარირაფილი რდჷ). კერზოთ, ოერეფოშქაშე სტატუსიშ თოლწონუათ რუსეთიშ ფედერაციას, უკრაინას და ბელორუსიას - თვითან სხუნუეფიშ რსხუშით მეჩამილი აფუდეს შანულამო დიდი ჯგვინეფი. მუჟამცჷთ გოეროქ დირსხუ 1945 წანასჷნ სხუნუეფიშ რსხუქ - მუში წჷმმარინაფალობაშ მაქსიმიზაფა მუხვამილუაფუდუკონ - ოერეფოშქაშე ჯარალუა აძვილჷ დჷმარსხუაფალი მაკათურეფიშ სახეთ გეუჭოფუდესკონ დო გოეროშ დორსხუაფაშ ქარტიაშ ხემუმაჭარალეფო დოუშქუმალუდესკონ: რუსეთიშ ფერდერაციული რესპუბლიკა, ბელორუსია დო უკრაინა. 1958 წანაშე ნიუ იორკის ქჷდირსხუ ბელორუსიაშ ირონი წჷმმარინაფალობაქ. უკრაინა სხუნუეფიშ პერიოდის ჟირშა რდჷ გოეროშ უშქურანჯალაშ სხუნუშ მაკათური (1948-1949, 1984-1985).

ბალტიაშ რესპუბლიკეფი სსრრ-ს[რედაქტირაფა | წყუშ რედაქტირაფა]

თიშ უკული მუთ სხუნუეფიშ რსხუქ რიბენტროპ-მოლოტოვიშ პაქტიშ ოსქვებურო ქჷმახვამილუ ბალტიაშ რესპუბლიკეფიშ ოკუპირაფა დო ანექსიან, 1940 წანაშ 23 კვირკვეს ააშ-შ ხეშუულობაქ სიმპსონიშ დოქტრინა გოფაჩუ ბალტიაშ რესპუბლიკეფშათ: „ესტონეთიშ, ლატვიაშ დო ლიტვაშ სხუნუეფიშით ანექსიაშ დო სსრრ-ს დინოხუნაფაშ ვა ჩინებათ“.

ბალტიაშ რესპუბლიკეფიშ ანექსიაშ უსამართობაშ ჩინება სსრრ-შით 1989 24 ქირსეთუთას[რედაქტირაფა | წყუშ რედაქტირაფა]

1989 წანაშ 2 ქირსეთუთას კოკი მალტაწკჷმა მოხვადჷ აკოხვალამაქ სსრრ პრეზიდენტიშ მ.გორბაჩოვიშ დო ააშ პრეზიდენტიშ ჯ.ბუშიშ შქას. თე აკოხვალამას გჷნოჭყორდჷ „რგილი ლჷმაშ“ თებაქ დო თე ლჷმაშენ მერინაფეფიშ დორეგულირაფაქ (თინეფ შქას იგურხონარებუდჷ თაშნეშე ბალტიაშ რესპუბლიკეფიშ სსრრ-შით ოკუპაცია და ანექსიათ).

  • სინქრონოლოგია: ოდო მალტაშ აკოხვალამაშე სუმი მარაშ უკული სხუნუეფიშ რსხუშ უჟინაშ სხუნუქ 1989 წანაშ 24 ქირსეთუთას ბალტიაშ რესპუბლიკეფიშ - ლიტვაშ, ლატვიაშ დო ესტონეთიშ ოკუპაცია დო ანექსია სხუნუეფიშ რსხუშით 1940 წანას უკანონეთ ქიჩინჷ დო გჷმაცხადჷ, ნამდა თექ სხუნუეფიშ კათეფიშ ზალამიშ დო კორინიშ მეხჷ დო უმოსით ხოლო - სხუნუეფიშ კანონეფიშ დარღვიათ მოხვადჷ. თეთ ფაქტიურო სხუნუეფიშ რსხუშ უჟინაშ სხუნუქ ბალტიაშ რესპუბლიკეფიშ გჷშულას სხუნუეფიშ რსხუშე ლეგიტიმური ოსხირი ქჷმეჩჷ.

ზსწ-შ დორსხუაფა ბალტიაშ რესპუბლიკეფიშ უმუშო[რედაქტირაფა | წყუშ რედაქტირაფა]

1991 წანაშ 8 ქირსეთუთას, სხუნუეფიშ რსხუშ თი რესპუბლიკეფიშ ლიდერეფქ, ნამუეფით გოეროშ დჷმარსხუაფალი მაკათურეფი რდეს ანუ რუსეთიშ, ბელორუსიაშ დო უკრაინაშ - აკიკათეს ბელორუსიას, ბელოვეჟის დო ხე მაჭარეს „ზოხორინელი სახენწჷფოეფიშ წორომაჸალობაშ (ზსწ)“ დორსხუაფაშ ხეკირილობას.

1991 წანაშ 21 ქირსეთუთას, ყაზახეთიშ ნანანოღას ალმა-ათას ეუწოშ დჷმარსხუაფალეფქ მიჭანეს არძო ჸოფილი სხუნუეფიშ რესპუბლიკეფიშ მადუდეეფი ბალტიაშ ქიანეფიშ მოხ მუჟამცჷთ თინეფქ ხე ქჷმაჭარეს ზსწ-ს კათაფის.

საქორთუო დო ზსწ[რედაქტირაფა | წყუშ რედაქტირაფა]

საქორთუოშ კათაფა ზსწ-ს[რედაქტირაფა | წყუშ რედაქტირაფა]

საქორთუოშ გჷშულა ზსწ-შე[რედაქტირაფა | წყუშ რედაქტირაფა]

2009 წანაშ 18 მარაშინათუთას საქორთუოქ ოფიციალურო გჷშელჷ ზსწ-შე. თეს ოწოხოლე რუსეთიშით 2008 წანაშ მარაშინათუთაშ აკოანჯარაფილი მერინაფა უჯღონდჷ. ობჟათე კავკაციაშ სახენწჷფოეფშე საქორთუო აკა კაკალია რე ნამუთ ზსწ-შ მაკათური ვა რენ.

სქოლიო[რედაქტირაფა | წყუშ რედაქტირაფა]

  1. “საქორთუოქ ზსწ-შე გჷშულაშ პროცესი გაათუ, ახალი ამბები, Civil.Ge, 18 მარაშინათუთა 2009. კითხირიშ თარიღი: 20 მარაშინათუთა 2009.

რესურსები ინტერნეტში[რედაქტირაფა | წყუშ რედაქტირაფა]


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.