გოჩა ჯაფარიძე
გოჩა ჯაფარიძე (დ. 10 კვირკვე, 1942, ქართი) — ქორთუ ისტორიკოსი.
1964 წანას გათუ ქართიშ სახენწჷფო უნივერსიტეტი.
1968 წანაშე რდჷ საქორთუოშ მენცარობეფიშ აკადემიაშ გ. წერეთელიშ ჯოხონობაშ ბჟაეიოლიშმარჩქინჯალაშ ინსტიტუტიშ უკლაში, უნჩაში დო მაჸონაფალი მენცარ-ალმახანდე, 1979-1983 წანეფს დამასკოს (სირიაშ არაბეფიშ რესპუბლიკა) სსრრ კულტურაშ ცენტრიშ დირექტორი; 1991-1998 წანეფს ქართიშ აზიაშ დო აფრიკაშ ინსტიტუტიშ პრორექტორი; 1995-1998 დო 2004-2007 წანეფს ბჟაეიოლიშმარჩქინჯალაშ ინსტიტუტიშ ახალი დო უახალაში დო შქა ოშწანურეფიშ გჷნორთიშ გამაგე; 1998-2004 წანეფს საქორთუოშ საგანგიო დო სრულნებამი ელჩი ეგვიპტეშ არაბეფიშ რესპუბლიკას; 2005-2007 წანეფს ქართიშ ივანე ჯავახიშვილიშ ჯოხონობაშ სახენწჷფო უნივერსიტეტიშ ბჟაეიოლიშმარჩქინჯალაშ დო ჰუმანიტარული ფაკულტეტეფიშ დეკანი, სრული პროფესორი; 2007-2008 წანეფს საქორთუოშ საგანგიო დო სრულნებამი ელჩი ქუვეითის დო სპარსეთიშ ჸუჯიშ შხვა ქიანეფს (საუდიშ არაბეთი, ბაჰრეინი, ყატარი, ომანი, არაბეფიშ გოართოიანაფილი საამიროეფი), 2009-2010 წანეფს ეგვიპტეშ დო სირიაშ არაბეფიშ რესპუბლიკეფს. რე მონოგრაფიეფიშ ავტორი: „ნარკვევი ქართული მეტროლოგიის ისტორიიდან IX-XIX სს.“ (1973), „საქართველო და მახლობელი აღმოსავლეთის ისლამური სამყარო XII-XIII ს-ის I მესამედში“ (1995), „ახალი მასალები XVII ს-ის ეგვიპტის ეპიგრაფიკისათვის“ (ალმაავტორი ა. სილაგაძე, 2002); სტატიეფიშ კათელიშ — „ძიებანი საქართველოსა და ახლო აღმოსავლეთის ისტორიაში“ (2012); წინგი „ისლამი. ენციკლოპედიური ცნობარიშ“ ხემანჯღვერი დო ართ-ართი ჯინჯიერი ავტორი. 1999); ფილმეფიშ „სირია ქართველების თვალით“ (რეჟ. გ. ბარნოვი) დო „ქართველი მამლუქები ეგვიპტეში“ (რეჟ. მ. კოკოჩაშვილი) სცენარიშ ავტორი.
სადოქტორო დისერტაციაშ თემა —– „საქართველო და მახლობელი აღმოსავლეთის ისლამური სამყარო XII-XIII ს-ის I მესამედში“, თხილუ 1994 წანას.