დეციუსი

დეციუსი ლათ. Decius
დეციუსიშ ბიუსტი გლიპტოტეკას, მიუნხენი
რომიშ იმპერატორი
პოსტის გერინაშ ბორჯი
ეკენია, 249 – მანგი, 251
წიმოხონი	ფილიპე არაბი
მონძე	ტრებონიანუს გალუსი
დუნაბადი	დოხ. 201 ბუდალია, ილირიკუმი
ნაღურა	251 (49-50 წანერი) აბრიტუსი, მეზია
ალმასქუ	ჰერენია ეტრუსცილა
სქუალეფი	ჰერენიუს ეტრუსკუსი ჰოსტილიანე
რელიგია	ჯვეშრომაული რელიგია

გაიუს მესიუს კვინტუს ტრაიანუს დეციუსი (ლათ. Gaius Messius Quintus Traianus Decius; დ. დოხ. 201 — ღ. მანგი, 251), შინელი რე მუჭოთ ტრაიანე დეციუსი, ვარდა დეციუსი — რომიშ იმპერატორი 249-251 წანეფს.

დეციუსის უკინებუდჷ შხვადოშხვა შანულამი პოსტეფი. რდჷ სენატორი დო კონსული. 249 წანას ლეგიონეფქ იმპერატორო გეგმაცხადეს. ვერონაშ ლჷმას დეციუსიქ დამარცხჷ მოქიმინჯე იმპერატორი ფილიპე არაბი, ნამუქჷთ ბურჯაფიშ მიმალობას დოღურჷ.

251 წანას გერმანული ტომეფქ გოთეფქ გეგნოკვათეს დუნაი დო მეზიაშა დო თრაკიაშა გემშეჭკირეს. თინეფიშ მეხჷ, დეციუსიქ წიმიჭყჷ ოურდუმე კამპანია. 251 წანაშ ივანობას, აბრიტუსიშ ლჷმას, გოთეფქ დამარცხეს რომალეფი. ბურჯაფის დოღურჷ დეციუსიქ დო თიში სქუაქ ჰერენიუსიქ. დეციუსიშ ღურაშ უკულ, იმპერატორო გინირთჷ ტრებონიანუს გალუსიქ.

დეციუსიქ მართუალაშ ბორჯის, თხოზუდეს ქირსიანეფს. ბრელი დოჸვილეს, ბრელი ჯიხას ქუდახუნეს. მარა ჸათე რეპრესიული მეთოდეფქ ხოლო უმოსო განძალიერჷ ქირსიანული ჸარაფი რომიშ იმპერიაშ მასშტაბით.

ქოძირით თაშნეშე

• რომიშ იმპერატორეფიშ ერკებული

ლიტერატურა

• ენციკლოპედია ბრიტანიკა