კრიშტიანუ რონალდუ

ვიკიპედია-შე
გეგნორთი: ნავიგაცია, გორუა
Cristiano Ronaldo and Lionel Messi - Portugal vs Argentina, 9th February 2011.jpg

კრიშტიანუ რონალდუ დუშ სანტუშ ავეირუ (პორტ: Cristiano Ronaldo dos Santos Aveiro) (დ. 5 ფურთუთა, 1985, ფუნშალი, პორტუგალია) - პორტუგალიარი მობურთე, ნამუთ თეჟამს მადრიდიშ "რეალს" ასპარეზენს.

ბაღანობაშე რონალდუშ საჸოროფო ბუნა რდჷ ლისაბონიშ "ბენიფიკა". 8 წანერი რონალდუ ლაჸაფენდჷ "ანდორინიას", სოჸურეშეთ 1995 წანას გეგნორთჷ "ნასიონალშა", ნამუწკჷმა ართო პორტუგალიაშ ახალნორდული ჩემპიონატი მიიგჷ. 2 წანაშ უკული პორტუგალიაშ ართ-ართი უუჯგუშაში ბუნაშა - ლისაბონიშ "სპორტინიგშა" გეგნორთჷ. მაართა ლაჸაფის კრიშტიანუქ "მორეირენსეს" 2 გოლი გემთუუღჷ. 2003 წანას მუჟამუთ "სპორტინგი" ოლაჸაფუდჷ "მანჩესტერ იუნაიტედისჷნ", კრიშტიანუშ ლაჸაფიქ მეწონჷ სერ ალექს ფერგიუსონს, ოდო მუშ ბუნაშა გეგნიჸუნჷ, მუქჷთ დოუზოჯჷ "მანჩესტერს" 12,24 მილიონ ევროქ.

მანჩესტერ იუნაიტედი[რედაქტირაფა | წყუშ რედაქტირაფა]

რონალდუშ დებიუტი რდჷ "ბოლტონწკჷმა", მუჟამსჷთ ლაჸაფშა მა-60 წუნს მიშართჷ. 2005 წანაშ სეზონს რონალდუქ გემთიიღჷ 10 გოლი, "იუნაიტედიშ" ფანეფქ გეგნოჩეს წანაშ არძაში უჯგუში მოლაჸაფეშ პრიზი.

2006 წანას გჷმათუთაშ დო გერგობათუთაშ თუთეფიშ პრემიერლიგაშ არძაშ უჯგუში მოლაჸაფეთ კოროცხეს, თე წანას "მანჩესტერ იუნატედიქ" პრემიერლიგა მიიგჷ.

2007 წანას რონალდუ პრემიერლიგაშ არძოშ უმოს მაღალანაზღაურებადი მოლაჸაფე რდჷ.

2007 წანას პორტუგალიარქ კაკაშ უკული, ორქოშ ბურთიშ ლაურეატობაშე მაჟირა აბანი ეჭოფჷ.

2007-2008 წანაშ ჩემპიონეფიშ ლიგაშ ფინალს რონალდუქ მაართა გოლი გემთიიღჷ, ოეკონიე ჯამს "მანჩესტერქ" მიიგჷ თასი პენალტეფიშ სერიათ, 6-5.

2008 წანას კრიშტიანუ რონალდუქ სეზონიშ ბომბარდირიშ ორქოშ ბუციშ პრიზი მიიგჷ.

2003–2009 წანეფს რონალდუქ "მანჩესტერიშ" ჯოხოთ ილაჸაფჷ 196-შა, თაჸურეშე 84 გოლი აფუ მითოღალირი.

რეალ მადრიდი[რედაქტირაფა | წყუშ რედაქტირაფა]

2009 წანაშ 26 მანგის ოფიციალურო დედასურჷ ინფორმაციაქ რონალდუშ "რეალ მადრიდშა" ტრანსფერიშ გეშა. მობურთექ ახალ კლუბიწკჷმა 6-წანიან კონტრაქტის მაჭარჷ ხე.[1] 2010-11 წანეფიშ სეზონს მუს სარეკორდო მაძირაფალი უღუდჷ - 40 გოლი ლა ლიგას.

სქოლიო[რედაქტირაფა | წყუშ რედაქტირაფა]

  1. რონალდუ ოფიციალურად გამადრიდელდა; გაზეთი "მსოფლიო სპორტი"



კრიშტიანუ რონალდუ
Cristiano Ronaldo
[[ფაილი:Cristiano Ronaldo in Real Madrid 2.jpg|220px]]
ღურაშ
თარიღი
თარგი:ღურაშთარიღი}
186.5
ოლაჸაფე
პოზიცია
ფორვარდი
ნომერი 7