ფუნშალი

ფუნშალი
	გინაჯინუ პიკუ-დუ-კრუზიშე (261 მ.)გინაჯინუ პიკუ-დუ-კრუზიშე (261 მ.)
შილა	გერბი
ქიანა	პორტუგალია
რეგიონი	მადეირა
მუნიციპალიტეტი	მადეირა
კოორდ.	32°39′04″ ოორ. გ. 16°54′35″ ბჟად. გ. /
დინოხოლენი დორთუალა	10
პრეზიდენტი	მიგელ ფილიპ მაჩადო
დირსხუ	1452
ნოღა	1508 წანაშე
ფართობი	1,323 კმ²
ოფიციალური ნინა	[[პორტუგალიური]]
მახორობა	111 992 კოჩი (2011)
მეჭედალა	3,427 კოჩი/კმ²
ერუანული; აკოდგინალუა	პორტუგალიარეფი
ორწუმობური; აკოდგინალუა	კათოლიციზმი
ბორჯიშ ორტყაფუ	UTC+0, ზარხულს UTC+1
ტელ. კოდი	(+351) 291 XXX-XXXX
ოფოსტე ინდექსი	9004 - 512 Funchal
ოფიციალური ვებ-ხასჷლა	www.cm-funchal.pt
	ფუნშალი

ფუნშალი (პორტ. Funchal) — პორტუგალიაშ კოკი მადეირაშ თარი ნოღა დო ოზუღე ონიშოლი, ნამუშ მახორობა დოხოლაფირო აკმადგინანს 104 ვითოშ ადამიერს. მადეირაშ ავტონომიური რეგიონიშ ნანანოღა რე, ფართობით 801 კმ². დო მახორობათ 245 ვითოში ადამიერით. კინე თე ჯოხოდვალაშ რაიონიშ (მუნიციპალიტეტიშ) ადმინისტრაციული ცენტრი რე 76,25 კმ² ფართობით. ნამუშ მახორობა 111 892 ადამიერიე (2001)^[1]. ფუნშალიშ რაიონს (მუნიციპალიტეტის) ოორუეშე უხურგანს სანტანაშ მუნიციპალიტეტი, ოორუე-ბჟაეიოლშე — მაშიკუშ მუნიციპალიტეტი, ბჟაეიოლშე — სანტა-კრუშიშ მუნიციპალიტეტი, ობჟათეშე ომძღჷ - ატლანტიშ ოკიანე დო ბჟადალშე უხურგანს კამარა-დი-ლობუშიშ მუნიციპალიტეტი.

თე ხანშო ფუნშალი, მადეირაშ ავტონომიური რეგიონიშ შანულამი კულტურული, ტურისტული დო კომერციული ცენტრი რე. ნოღაშ პეიზაჟის დომინირენს ჭითა ფილეფით გჷნორთვილი ჩე ჸუდეეფი, ნამუთ სქვამაშე ინოდგჷ ნოღაშ წვანე პარკეფს, ნათელი ბაღეფს დო ტერასეფს, ნოღაშ შოშეეფი დოგაფილიე ვულკანური ქუალეფით.

ნოღაშ მაფორალო იკოროცხუ წიმინდე იაკობ ალფეევი (პორტ. São Tiago Menor). ნოღაშ დღახუ — 21 მარაშინათუთა.

ისტორია

რჩქინელიე, ნამდა ნოღა ფუნშალქ დირსხუ 1424 წანას, კოკი მადეირაშ კოლონიზაციაშ ბორჯის. ნოღაშ სტატუსიქ მიაჩჷ 1508 წანაშ 21 მარაშინათუთას, პორტუგალიაშ მაფა მანუელ მაართაშ დეკრეტიშ ოსხირიშ მეჯინათ.

ნოღაშ ჯოხოდვალა მოურს თაქ დიდი მუდანობათ ტყარი ცეროცოშ ჩვენაშ გეშა, პორტუგალიურო „ფუნშუ“.