პეჩი

ვიკიპედიაშე
(გინოწურაფილი რე პეჩი (უნგრეთი)-შე)
ნოღა
პეჩი
Pécs
შილა გერბი
შილა გერბი
ქიანა უნგრეთიშ შილა უნგრეთი
კოორდ. 46°04′16″ ოორ. გ. 18°13′59″ ელ. გ. / 
ფართობი 162.61 კმ²
მახორობა 157 680 კოჩი (2010)
მეჭედალა 963.43 კოჩი/კმ²
ბორჯიშ ორტყაფუ UTC+1, ზარხულს UTC+2
ოფოსტე ინდექსი 7600
ოფიციალური ვებ-ხასჷლა varoslako.pecs.hu/

პეჩი ორენი უნგრეთი

პეჩი

პეჩი (უნგრ. Pécs) — მახუთა კაბეტაში ნოღა უნგრეთის. იდვალუაფუ ქიანაშ ობჟათე-ბჟადალს, მეჩეკიშ გვალეფიშ კართეეფს, ხორვატიაშ ხურგაწკჷმა. წჷმარინუანს ბარანიაშ აკანიშ ადმინისტრაციულ ცენტრის. 2010 წანაშ მუნაჩემეფით, თიში მახორობა 157 680 ადამიერს აკმადგინანს.

პეჩიშ ორდოქირსიანული აკროპოლისი

ნოღას ჯვეშო სოპიანაე ჯოხოდჷ დო თინა ახ. წ. II ოშწანურას რომალეფქ დარსხის ტერიტორიას, სოდეთ კელტური დო პანონიშ ტომეფი ოხორანდესჷნ. IV ოშწანურას, თიქ რომიშ ვალერიაშ პროვინციაშ ნანანოღათ დო შანულამი ორდოქირსიანული ცენტრო გჷნირთჷ. თე პერიოდის ორხველჷ აკროპოლისი, ნამუთ 2000 წანას იუნესკოქ მოსოფელიშ მონძალაშ ერკებულშა მიშეღჷ.

ნოღაშ ოეპისკოპოსე 1009 წანას მაფა იშტვან I-ქ დარსხუ, დო 1367 წანას მაფა ლუი I-ქ უნგრეთიშ მაართა უნივერსიტეტი დარსხუ, ნამუთ ასე ხოლო ქიანაშ ართ-ართი უდიდაში უნივერსიტეტი რე 34 000 სტუდენტით. დიდი უნგრალი ჰუმანისტი პოეტი დო ეპისკოპოსი იანუს პანონიუსიქ პეჩი ქიანაშ კულტურაშ დო ხელუანობაშ ართ-ართი ცენტრო გინაშქვჷ. ნოღას თაშნეშე უღჷ ოსმალეფიშ 150 წანამი ოკუპაციაშ ბორჯიშიანი ღვალიერი მონძალა, თინეფ შქას რე ფაშა ქაზიმიშ მეჩეთი.

ჟირი ვითოში წანაშ გოძვენას, პეჩი ირო რდჷ მულტიკულტურული ნოღა, ნამუთ ართო აკმანდღულუანდჷ შხვადოშხვა, გინორთელ კულტურულ ფასებეფს. თაქ ამუდღარშახ ართიანიშ ხასჷლას, რჩქალუანო ოხორანა უნგრალეფი, ხორვატიალეფი დო შვაბიარეფი. 1998 წანას, პეჩიქ იუნესკოშე ეჭოფჷ პრიზი „თინჩალაშ ნოღა“, მაართა რანწკის კულტურული უჭიჭაშობაშ ხუჯიშ მეჩამაშენ, თაშნეშე თი ტოლერანტობაშ გეშა, მუჟამცჷთ თიქ ბალკანურ ლჷმეფს მიარე ადამიერს მეჩჷ დუდიშ მიკაფორაფალი.

2010 წანას, ესენწკჷმა დო სტამბოლწკჷმა ართო, პეჩი ევროპაშ კულტურულ ნანანოღათ გიშეგორეს. პეჩიშ სლოგანი რე „უხურგე ნოღა“.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

იუნესკოშ შილა მოსოფელიშ მონძალა
UNESCO, ობიექტი № 853
რუს.ინგლ.ფრ.