რუდოლფ პაიერლზი
| რუდოლფ პაიერლზი | |
| ინგლ. Rudolf Peierls | |
 რუდოლფ პაიერლზი 1966 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 19, 1995 (88 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
მანჩესტერიშ უნივერსიტეტი |
| ალმა-მატერი: |
ბერლინიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: |
ფრედ ჰოილი |
| ჯილდოეფი დო პრემიეფი: |
ბრიტანეთიშ იმპერიაშ ორდენი (1946) |
.svg){kind=small}
სერ რუდოლფ ერნსტ პაიერლზი (ინგლ. Sir Rudolf Ernst Peierls; დ. 5 მანგი, 1907, ბერლინი, პრუსიაშ ომაფე, გერმანიაშ იმპერია — ღ. 19 ეკენია, 1995, ოქსფორდი, ოქსფორდშირი, ინგლისი, გოართოიანაფილი ომაფე) — გერმანიას დუნაბადჷ ინგლისარი ფიზიკოსი.
ბიოგრაფია[რედაქტირაფა | წყუშ რედაქტირაფა]
რუდოლფ პაიერლზი გურაფულენდჷ ფიზიკას ბერლინიშ უნივერსიტეტის. უკულ გურაფა გაგინძორჷ მიუნხენიშ უნივერსიტეტის არნოლდ ზომერფელდიშ ხემანჯღვერობათ, ლაიფციგიშ უნივერსიტეტის უერნერ ჰეიზენბერგიშ ხემანჯღვერობათ დო ციურიხიშ ფედერალური ტექნოლოგიეფიშ ინსტიტუტის ვოლფგანგ პაულიშ ხემანჯღვერობათ. გურაფაშ თებაშ უკულ პაიერლზი რდჷ პაულიშ ასისტენტი ციურიხიშ ინსტიტუტის. 1932 წანას როკფელერიშ ფონდიშ სტიპენდიათ პაიერლზი გურაფულენდჷ რომს, ენრიკო ფერმიშ ხემანჯღვერობათ. რომიშ უკულ პაიერლზიქ კემბრიჯიშ უნივერსიტეტიშ კავენდიშიშ ლაბორატორიაშა გეგნორთჷ, სოდეთ თიშ ომენცარე ხემანჯღვერი რდჷ რალფ ჰოვარდ ფაულერი. ადოლფ ჰიტლერიშ გერმანიაშ თარობაშა მულაშ უკულ, პაიერლზიქ ბრიტანეთის ქუდოსკიდჷ დო მუშობა ქიდიჭყჷ ჰანს ბეთეწკჷმა მანჩესტერიშ უნივერსიტეტის. ართ პერიოდის პაიერლზიქ იმუშუ კემბრიჯიშ მონდიშ ლაბორატორიას ხოლო. 1937 წანას შინელი ავსტრალიარი მენცარიშ მარკ ოლიფანტიშ მეპატიჟებათ, პაიერლზიქ გეგნორთჷ ბირმინგემიშ უნივერსიტეტიშა. 1940 წანას პაიერლზიქ დო ოტო რობერტ ფრიშიქ აკადგინეს ფრიში-პაიერლზიშ მემორანდუმი, ატომური ანჯარიშ გეშა. ფრიშიშ დო პაიერლზიშ მემორანდუმქ დიდ ინტერესი გიმიჭანუ ბრიტანეთიშ დო ამერიკაშ თარობებშე. ბრიტანეთიქ მალას ქუდარსხუ მაუდიშ კომიტეტი დო ქიდიჭყჷ ატომური პროგრამაშ გოვითარაფა. რუდოლფ პაიერლზიშ ინიციატივათ, ბრიტანეთიშ ატომური პროგრამაშ ართ-ართ მაკათურო გინირთჷ გერმანალი ფიზიკოსიქ კლაუს ფუქსიქ, ნამუთ მუჭოთ სსრრ-შ აგენტი ბრიტანეთიშ თარობაქ ოჭოფუ 1950 წანას. ბრიტანეთიშ თარობაქ მუშ ატომური პროგრამაშ ინფორმაცია, მაჟირა მოსოფელიშ ლჷმაშ ბორჯის ამერიკას გეგნოჩჷ. მაჟირა მოსოფელიშ ლჷმაშ ბორჯის რუდოლფ პაიერლზი რდჷ მანჰეტენიშ პროექტიშ მაკათური ხოლო. ლჷმაშ თებაშ უკულ პაიერლზიქ ბირმინგემიშ უნივერსიტეტიშა დირთჷ, სოდეთ იმუშუ 1963 წანაშა. ბირმინგემიშ უნივერსიტეტიშ უკულ პაიერლზიქ ოქსფორდიშ უნივერსიტეტიშა გეგნორთჷ. პაიერლზი რდჷ ატომური ენერგიაშ რკვიებეფიშ ცენტრიშ მაკათური დო ბრიტანეთიშ ატომური რკვიებაშ მენცარეფიშ ასოციაციაშ პრეზიდენტი. 1950 წანეფს რუდოლფ პაიერლზი ოკათუდჷ პაგუოშიშ კონფერენციეფს. რუდოლფ პაიერლზი რე შხვადოშხვა ჯილდოეფიშ დო პრემიეფიშ ლაურეატი. 1946 წანას პაიერლზის გინოჩეს ბრიტანეთიშ იმპერიაშ ორდენი დო 1968 წანას რაინდი-ბაკალავრიშ ტიტული. პაიერლზი რდჷ შხვადოშხვა მენცარული პუბლიკაციეფიშ დო ართი ავტობიოგრაფიულო წინგიშ ავტორი.
რესურსეფი ინტერნეტის[რედაქტირაფა | წყუშ რედაქტირაფა]
- 1979 Audio Interview with Sir Rudolf Peierls by Martin Sherwin[ღურელი რსხილი] Voices of the Manhattan Project
- Rudolf Peierls own biographical notes from Los Alamos National Laboratory as a pdf ვებ-ხასჷლას Wayback Machine (archived 26 September 2012)
- War and Peace in the Nuclear Age; Dawn; Interview with Rudolf Peierls, 1986
- FBI file on Rudolf and Eugenia Peierls