სახენწჷფო ნინა

ვიკიპედია-შე
გეგნორთი: ნავიგაცია, გორუა

სახენწჷფო ნინა რე ნინა, ნამუთ თე სტატუსით რე გოთანჯილი თე თუ თი ქიანაშ კონსტიტუციას, ვარდა კონსტიტუციაშ უღვენობაშ შვანს - სახენწჷფო კანონეფს. თენა რე ნინა, ნამუსჷთ სახენწჷფოს მენოღალეეფი გჷმირინუანა სახენწჷფო ხეშუულებაშ ორგანოეფწკჷმა (ოკანონმადვალე, სასამართალო, ემაჸონაფალი) ურთიართობეფიშ ბორჯის. ართიანშე ოკო გიხურგას სახენწჷფო ნინა, ნამუთ თეშნერო აღიარაფილი რე ედომუშამი ქიანაშ ტერიტორიას, ერუანული უმორჩილაშობეფიშ ნინეფშე, ნამუეფსჷთ უღჷნა სახენწჷფო (ოფიციალური) ნინაშ სტატუსი ქიანაშ თე თუ თი რეგიონს. სამანგათ, საქორთუოშ სახენწჷფო ნინა რე ქორთული, აფხაზეთიშ ავტონომიური რესპუბლიკაშ - ქორთული დო აფხაზური. ანალოგიური სტატუსი უღუ თათარულ ნინას თათარეთიშ რესპუბლიკას (რუსეთი), კატალონიურ ნინას კატალონიას (ესპანეთის), ფრანგულ ნინას ლუიზიანაშ შტატის (ააშ) დო თ.უ. თეხანური მოსოფელიშ ქიანეფიშ გვერდშე უმოსის დოფიქსირაფილი სახენწჷფო ნინა უღუ, კანკალე შვანს - ჟირი, სუმი დო უმოსი ნინა.

დო ბოლოს, კანკალე ქიანას სახენწჷფო ნინაშ ჩინება ვაარსებენს, უმოსი ზუსტას, კანონდვალათ ვარე გოთანჯილი. თინეფიშ რიცხუშა მიშმურს ავსტრალია, გოართოიანაფილი ომაფე, ერიტრეა, შვედეთი დო შხვეფი. თეჯგურა შვანს, მუჭოთ წესი, ქიანაშ უმენტაშობაშ ნინას მიშინუანა ოფიციალური ნინაშ ჯოხოთ.

თაშნეშე ქოძირით[რედაქტირაფა | წყუშ რედაქტირაფა]