პენჯაბიშ შტატი

**პენჯაბი**
პენჯაბ. ਪੰਜਾਬ
ინგლ. Punjab
	გერბი;
ქიანა	ინდოეთი
სტატუსი	შტატი
ადმინ. ცენტრი	ჩანდიგარჰი
შხუ ნოღა	ლუდჰიანა
შხუ ნოღეფი	ამრიტსარი
მადუდე	გუბერნატორი:; კაპიტანი სინგჰ სოლანკი; თარი მინისტრი:პარკაშ სინგჰ ვადალი
ოფიც. ნინა	პენჯაბური
მახორობა (2011);	27 704 236 (15-ა აბანი)
მეჭედალა	550,10 კოჩი/კმ²
ფართობი	50 362 კმ² (19-ა აბანი)
აბრევიატურა	IN-PB
კოდი ISO 3166-2	IN-PB
	ოფიციალური ვებ-ხასჷლა

ზიტყვას „პენჯაბი“ უღჷ შხვა შანულობეფი ხოლო, ქოძირით პენჯაბიშ პროვინცია.

ზიტყვას „პენჯაბი“ უღჷ შხვა შანულობეფი ხოლო, ქოძირით პენჯაბი (რეგიონი).

პენჯაბი (პენჯაბ. ਪੰਜਾਬ, ინგლ. Punjab) — შტატი ინდოეთიშ ოორუე-ბჟადალშე. ნანანოღა — ჩანდიგარჰი (ვენშმურს პენჯაბიშ ადმინისტრაციულ აკოდგინალუაშა, მარა გჷმოქიმინუნს ზოხო მორსხუე ტერიტორიას), უდიდაში ნოღა — ლუდჰიანა. მახორობა — 27 704 236 ადამიერი (15-ა აბანსი რე შტატეფს შქას; 2011 წ.). თე ინდური შტატი გჷმოქიმინუნს, კინე თე ჯოხოდვალაშ უმოს დიდი რეგიონს, ნამუშათ თაშნეშე მიშმურს პაკისტანიშ პროვინცია პენჯაბი დო ინდური შტატეფი ჰარიანა დო ჰიმაჩალ-პრადეში.

გეოგრაფია

შტატიშ ტერიტორიაშ ფართობი 50 362 კმ² (19-ა აბანი). პენჯაბიშ ტერიტორიაშ უმენტაში ნორთი, წჷმორინელი რე მიარე წყარმალუეფით, ოწყარალი არხეფიშ სისტემათ დო ჸოფიერი დიხეფით. შტატიშ ობჟათე-ბჟადალი — უმოსო სქირე რე, ნამუთ აკმისვარუაფუ ტარიშ ტიოზის. ოგვალე ქჷნდჷრი შივალიკი , პენჯაბიშ ოორუე-ბჟაეიოლს გინოზინდილი რე, დო ჰიმალაიშ ბორკიშა ანჭუ. კლიმატიშ მეჯინათ, შტატის გიმირთუ 3 შხავდოშხვა ტიპიშ დიხა.

შტატის გიმირთუ 3 სეზონი: საზარხულო (პირელშე მანგიშ ეკონიაშა), მუსონეფიშ სეზონი (კვირკვეშე ეკენიაშ ეკონიაშა) დო საზოთო (ქირსეთუთაშე ფურთუთაშ ეკონიაშა).თინეფს შქას გინმალი სეზონი რე.

ადმინისტრაციულ-ტერიტორიული დორთუალა

თარი სტატია: პენჯაბიშ ოლქეფიშ ერკებული (ინდოეთი).

ტრანსპორტი

პენჯაბის იდვალუაფუ 6 აეროპორტი, ნამუშეთ ხვალა 1 ღებულენს საირქიანო რეისეფს, ნამუთ ნოღა ამრიტსარიშ ოორუე-ბჟადალშე 11 კილომეტრიშე იდვალუაფუ.

შტატიშ უმენტაში ნოღა ართიანს მიკორსხჷ რკინაშშარეფით. ამრიტსარი დელიწკჷმა მიკორსხილიე Shatabdi Express-ით. თაშნეშე შტატიშ ჯარალობური ტრანსპორტი წჷმორინელი რე ავტობუეფით დო ავტორიკშეფით.

სქოლიო

რესურსეფი ინტერნეტის

თე სტატია ინდოეთიშე დო ინდოარეფშენი დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.