ვალერიანე

	ვალერიანე; ლათ. Valerianus
	; ვალერიანეშ ბიუსტი კარლსბერგიშ ახალი გლიპტოტეკას
რომიშ იმპერატორი
პოსტის გერინაშ ბორჯი
	ეკენია, 253 – მანგი, 260
წიმოხონი	ემილიანე
მონძე	გალიენუსი
ნაღურა	260 ვარდა 264; ბიშაპური ვარდა გონდიშაპური
ალმასქუ	მარინიანა
სქუალეფი	გალიენუსი; ლიცინიუს ვალერიანე
რელიგია	ჯვეშრომაული რელიგია

პუბლიუს ლიცინიუს ვალერიანე (ლათ. Publius Licinius Valerianus; დ. დოხ. 199 — ღ. 260 ვარდა 264) — რომიშ იმპერატორი 253-260 წანეფს. ვალერიანე ალექსანდრე სევერუსიშ იმპერატორობაშ ბორჯის, რდჷ კონსული. 238 წანას ალურდჷ გორდიანე I-ს, ნამუქჷთ ეარყჷ მაქსიმინუსიშ მეხჷ. ტრებონიანუს გალუსიშ მართუალაშ ბორჯის, ვალერიანეს უკინებუდჷ ჟიმოლენი რაინიშ ლეგიონეფიშ მანჯღვერთარიშ პოსტი. 253 წანას გალუსი გექთარაგუ ემილიანექ, ნამუსჷთ იმპერატორიშ პოსტი ხვალე სუმი თუთაშ გოძვენას უკინებუდჷ. ჟიმოლენი რაინიშ ლეგიონეფქ ემილიანე ვეჩინეს დო იმპერატორო გეგმაცხადეს ვალერიანე. ამელიანე მუში უკმაყოფილე ჯარიშკოჩეფქ დოჸვილეს.

მართუალაშ ბორჯის, ვალერიანექ გაგინძორჷ დეციუსიშ კონწარი პოლიტიკა ქირსიანეფიშ მეხჷ დო თინეფს გლახათ ოქცუდჷ დო მოთხოზუდჷ. ვალერიანე ფირქენდჷ ნამდა ართი მონარქის იმპერია ვამართედჷ დო ჸათეშ გეშა მუში ქომოლსქუა გალიენუსი ქჷმწარინუ ბჟადალი პროვინციეფიშ მამართალო. ვალერიანეშ იმპერატორობაშ პერიოდის, რომიშო სერიოზული საფრთხეს წჷმარინუანდჷ სასანიანეფიშ იმპერია, ნამუშ მამართალქ შაპურ I-ქ, 256 წანას სირიაშა გემშეჭკირჷ დო გორჩუ ანტიოქია. 260 წანას შაპურქ ოორუე მესოპოტამიაშა გემშეჭკირჷ. ედესაშ ლჷმას სპარსალეფქ რომიშ არმია დამარცხეს დო ვალერიანე ტყვეთ ხეშა ქაშეჸოთეს. ვალერიანექ ღურუ ტყვეობას, 260 წანას (შხვა ვერსიათ 264 წანას).

ლიტერატურა

ენციკლოპედია ბრიტანიკა

თე სტატია რომიშ ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.