ობჟათე-ბჟაეიოლი აზიაშ ქიანეფიშ ასოციაცია

ობჟათე-ბჟაეიოლი აზიაშ ქიანეფიშ ასოციაცია Association of Southeast Asian Nations
დორცხუაფაშ თარიღი:	8 მარაშინათუთა, 1967
ტიპი	რეგიონალური ქიანეფიშ ასოციაცია
დუდი ოფისი	ჯაკარტა, ინდონეზიაa
მაკათურეფი	ბრუნეი  კამბოჯა  ინდონეზია  ლაოსი  მალაიზია  მიანმარი (ბირმა)  ფილიპინეფი  სინგაპური  ტაილანდი  ვიეტნამი
ოფიციალური ნინეფი	ბირმული ჩინური ფილიპინური ინდონეზიური ქმერული ლაოსური მალაიური ტამილური ტაილანდური ვიეტნამური
დუდმახვენჯი	ტონგსინგ თამავონგი
ფართობი	4,435,618 კვ.კმ.
ვებ-ხასჷლა	http://www.asean.org
სქოლიო:	aმიოწურაფალი: Jalan Sisingamangaraja No.70A, ობჟათე ჯაკარტა.

ობჟათე-ბჟაეიოლი აზიაშ ქიანეფიშ ასოციაცია (ინგლ. Association of Southeast Asian Nations; ASEAN) — პოლიტიკური დო ეკონომიკური ორგანიზაცია. ასოციაციას ოკათჷ ობჟათე-ბჟეიოლი აზიაშ 10 სახენწჷფო, ნამუშ ედომუშამი ფართობი - 4,464 ვითოში კმ² რე, მახორობა — 611 მილიონი. ასოციაციაქ დირსხუ 1967 წანას ბანგკოკიშ აპიჯალათ ოსხირ გიჭყეს ინდონეზიაქ, მალაიზიაქ, ფილიპინეფქ, სინგაპურქ დო ტაილანდიქ. 1984 წანას თინეფს ქაკათჷ ბრუნეიქ, 1995 წანას - ვიეტნამქ, 1997 წანას - მიანმარქ დო ლაოსიქ, 1999 წანას თე ასოციაციას აკათუ კამბოჯაქ. 1984 წანაშე მოჸუნაფილი პაპუა ახალ გვინეას დუმაკვირაფალიშ სტატუსი უღუ, დამკვირვებლიშ სტატუსით რგებულენს თაშნეშე ბჟაეიოლი ტიმორი, ნამიუქჷთ 2006 წანას კათაფაშ გეშა შმოთხირი მიშეღუ. 2009 წანაშ ეკენიას, მაკათურ ქიანეფქ, ევრორსხუშ სამანგაშ მეჯინათ, ეკონომიკური ოფირჩაშ გჷმოქიმინუა გინოჭყვიდეს, ორგანიზაციაშ აკოდგინალუას დოჸუნელი ორგანიზაციეფქ ხოლო, მუჭომით რე რეგიონული ფორუმი უშკურანჯობაშ საკითხეფშე ოხანდეთ (ARF), დუდიშული ვაჭრობაშ ზონა (AFTA) ვაჭრობაშ გამანგარებელო, ასეანიშ საინვეტიციო არეალი (AIA), დინოხოლენი დო რეგიონშგალენი ინვესტიციეფიშ მოჭირინაფაშ ხეონწყუეთ. ასეანიშ მაკათური სახენწჷფოეფი ატარენა ირწანური კონფერენციას, ნამუთ იტარებუაფუ მინისტერიალიშ სახეთ, სოდე ისხუნუაფუ მუმალი წანაშ პრიორიტეტეფი. ასეანიშ ეკონია ირწანურ კონფერენციაქ ჩეტარჷ 2015 წანაშ 26-27 პირელს დო 18-22 გერგობათუთას მალაიზიაშ ნანანოღა კუალა-ლუმპურს დო ნოღა ლანგკავის. ასენიშ დიალოგ პარტნიორეფი რენა ავსტრალია, ჩინეთი, ევრორსხუ, ააშ, ახალი ზელანდია, რუსეთი, იაპონია, კანადა დო ობჟათე კორეა. ასეანს 1997 წანას ქინუოლჷ მორაგადეფქ ასენი+სუმი ფორმატიშ გიმოქიმინუაშ გეშა, ნამუთ ითოლისწორუანდჷ ჩინეთიშ, ობჟათე კორეაშ დო იაპონიაშით ასეანწკჷმა დუდიშული სავაჭრო ზონაშ აკოქიმინუას, აკოცჷმაშ მიზეზი რდჷ ასენაიშ ქიანეფიშ ალაზჯმაფონი აკოსქილიდაფა დო ობჟათე კორეა იაპონიაწკჷმა დო ჩინეთიშ გიშაკერძაფილი სამუმალო გეგმეფი. ასოციაციაშ 10 ქიანაშე 6 რესპუბლიკური მართუალაში რე, ოთხი - მონარქიული ქიანა რე, თინეფს შქას ბრუნეი აბსოლუტური მონარქია რე.

ქიანა	მახორობა მლნ	ფართობი 1000 კვ/კმ	ედპ - მლრდ $	ედპ ართ მახორუშო
ინდონეზია	244,47	1,904,569	1,216,738	3592
მალაიზია	29,46	329,758	498,477	10304
ფილიპინები	95,80	299,764	424,355	2614
ვიეტნამი	90,39	331,698	320,677	1528
ტაილანდი	64,38	513,115	651,856	5678
მიანმარი	63,67	678,500	89,461	835
ლაოსი	6,38	236,800	19,200	1446
კამბოჯა	15,25	181,040	36,645	934
ბრუნეი	0,40	5,765	21,687	41703
სინგაპური	5,41	0,712	326,506	51162

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ობჟათე-ბჟეიოლი აზიაშ ქიანეფიშ ასოციაცია“ ვიკიოწკარუეს.
• ობჟათე-ბჟაეიოლი აზიაშ ქიანეფიშ ასოციაციაშ ოფიციალური ვებ-ხასჷლა