უგინობირაფუობაშ ყარაფი

უგინობიროფაშ ყარაფიშ რუკა

უგინობირაფუობაშ ყარაფი (ინგლ. Non-Aligned Movement) — ოერეფოშქაშე ყარაფი, ნამუთ იკათუანს მოსოფელიშ 119 ქიანას, ნამუეფიშ ღანკი რე ვაკათანჷ ოურდუმე ბლოკეფს. ყარაფიქ ოფიციალურო დარსხჷ ეჩდოხუთი სახენწჷფოქ ბელგრადიშ მაართა კონფერენციას 1961 წანაშ ეკენიას. ყარაფიშ დორსხუაფას აწოჸუნდჷ ბანდუნგიშ კონფერენცია 1955 წანას დო იოსიპ ბროზ ტიტოშ, გამალ აბდელ ნასერიშ დო ჯავაჰარლალ ნერუშ სუმგანური მორაგადაფეფი 1956 წანას.

აკოდგუმალა

2009 წანაშ მუნაჩამეფით თიშ აკოდგინალაშა მიშურს 119 ქიანა, თინეფ შქას 1 ევროპული (ბელარუსი), 38 აზიური (თინეფ შქას პალესტინა, თურქმენეთი, უზბეკეთი), 53 აფრიკული, 26 ობჟათეამერიკული დო კარიბიშ ქიანა.

დჷმკვირებელიშ სტატუსი უღუ 15 ქიანას: სომხეთი, აზერბაიჯანი, ბოსნია დო ჰერცეგოვინა, ბრაზილია, ყაზახეთი, ყირგიზეთი, ჩინეთი, კოსტა-რიკა, მექსიკა, პარაგვაი, სალვადორი, სერბეთი, მონტენეგრო, უკრაინა, ურუგვაი, ხორვატია. თეცალი სტატუსი უღუ 5 ოერეფოშქაშე დო 2 ერუანულ-გუმაალობერი ორგანიზაცია: გეო, აფრიკაშ რსხუ, არაბული ქიანეფიშ ლიგა, ორგანიზაცია ისლამიშ კონფერენცია, კანაკიშ საკათო-გამაალობერი სოციალისტური ფრონტი (ახალი კალედონია) დო ახალი ყარაფი პუერტო-რიკოშ ალობაშო.

მა-14 ჰავანაშ კონფერენციას ყარაფაშ მაკათურეფო მიღეს ჰაიტი დო სენტ-კიტსი დო ნევისი, მაკათურეფიშ რიცხვიქ მიძინჷ 119-შა.

2011 წანას ინდონეზიას იჸუ უგინობირაფილი ქიანეფიშ გეჸვენჯი კონფერენცია, ნამუთ ორგანიზაციაშ 50 წანაშ დუდს ოძღვნუდჷ დო ნამუსჷთ მაკათურებო მიღეს აზერბაიჯანი დო ფიჯი.

რესურსეფი ინტერნეტის

• მა-14 კონფერენციაშ ოფიციალური საიტი (კუბა, 2006) Archived 2006-08-29 ვებ-ხასჷლას Wayback Machine.
• უგინობირაფუობაშ ყარაფიშ ისტორია მა-12 კონფერენციაშ საიტის (ობჟათე აფრიკაშ რესპუბლიკა, 1998)