პატნა

ნოღა პატნა ინგლ. Patna ჰინ. पटना ქიანა  ინდოეთიინდოეთი შტატი ბიჰარიბიჰარი კოორდ. 25.616667,85.13333325°37′00″ ოორ. გ. 85°08′00″ ელ. გ. ფართობი 3202 კმ² ცენტრიშ სიმაღალა 53 მ ოფიციალური ნინა [[ჰინდი, ურდუ, ინგლისური]] მახორობა 2 046 652 კოჩი (2011) მეჭედალა 639 კოჩი/კმ² ბორჯიშ ორტყაფუ UTC+5:30 ტელ. კოდი +91 0612 ოფოსტე ინდექსი 800 xxx ოავტომობილე კოდი BR ოფიციალური ვებ-ხასჷლა www.patna.nic.in/ პატნა პატნა

პატნა (ჰინ. पटना) — ნოღა ინდოეთიშ ოორუე ნორთის, ონიშოლი წყარმალუ განგის, შტატი ბიჰარიშ ადმინისტრაციული ცენტრი. მოსოფელიშ ართ-ართი უჯვეშაში ირო დოხორელი აკანი. ალმახანური პატნა იდვალუაფუ წყარმალუ განგიშ ობჟათე წყარპიჯის. ნოღაშ მახორობა აკმადგინანს 2 046 652 მახორუს (2011). ნოღა 25 კმ. სიგჷრძას იდვალუაფუ, სიფართე — 10 კმ.-შახ. გოვითარაფილი რე ტექსტილური, ოჭკომალიშ წარმება, რეწუა. ნოღას უნივერსიტეტი დო მუზეუმი უღჷ.

ჯვეში პატნა, ნამუსჷთ პატალიპატურა ჯოხოდჷ, ნანდეფიშ, მაურეფიშ, შუნგეფიშ დო გუპტაშ იმპერიეფიშ ნანანოღა რდჷ, თიმ ბორჯიშ სარიკო დო დიდი ნოღა რდჷ. ნოღა იდვალუაფუდჷ წყარმალუ განგიშ დო წყარმალუ სონიშ ესვარუას. პატალიპუტრა, თაშნეშე გოვითარაფაშ დო გჷმოგონაფაშ ხელუანობაშ შანულამი ცენტრი რდჷ. მაურეფიშ იმპერიაშ ბორჯის (დოხოლ. 300 წ. ჩქ. ეკ.-შახ), ნოღაშ მახორობა დოხოლაფირო 400 000 ადამიერს აკამდგინანდჷ.

გეოგრაფია

პატნა იდვალუაფუ წყარმალუ განგიშ ობჟათე ნორთის, აბანობური მახორობა განგას უძახჷ. ნოღა აკოგაფილიე წყარმალუშ მანგას, დო ელ-მოლს გოჸუნს 3 წყარმალუ — განგი, სონი პუნპანი. წყარმალუ განგიშ წყარპიჯის მადვალუ ნოღაშ ისტორიული ნორთის მაფასქირი (პრინცესა) სარიკიშ ჯოხოქ გიადუ, პატალიპუტრაშ მაფაშ ოსურსხუაშ ჯოხოქ.

მაჰათმა განდიშ ხინჯი, ნამუთ წყარმალუ განგის გოძუნჷ (5850 მეტრა სიგჷრძა) — ინდოეთიშ არძაშე გჷრძე ხინჯი რე, ნამუთ წყარმალუს გოძუნ.

დემოგრაფია

პატნაშ მახორობა აკმადგინანს 2 046 652 ადამიერს (2011). მახორობაშ მეჭედალა — 639 ადამიერი კვ. კმ.-ს. 1000 ქომოლკოჩშა მოურს 881 ოსურკათა. მახორობაშ ჭარუა-კითხირიშ რჩქინაშ ედომუშამი პროცენტი — 84,05%, ჭარუა-კითხირიშ რჩქინა ოსურკათაშ შქას — 80,18%.

პატნას ბრელ ნინაშა ჩიებუნა. ოფიციალური ნინა ჰინდი რე. ჰინდიშ აბანობური დიალექტის მაგაჰი (მაგადჰი) ჯოხო, ბიჰარიშ ჯვეში ჯოხოდვალაშ მეჯინათ. შხვა რეგიონიშ დიალექტეფი, ნამუთ პატნას ფართეთ გჷმირინუაფუ, რე ანგიკა, ბჰოჯპური დო მაიტჰილი. თაშნეშე პოპულარული რე ბენგალური, ორია დო ინგლისური. (ქძ. ბიჰარული ნინეფი).

ოქინაფუეფი

• აგამ კუანი (Agam Kuan), უღანჩე ინჭა, ნამუშ ნთხორუა, აშოკაშ მართალაშ ბორჯით ითარიღებუაფუ.
• ჰანუმან მანდირი (Hanuman Mandir), პატნაშ მაფორუ ღორონთი. იდვალუაფუ Patna Junction-იშ წოხოლე, ნოღაშ ცენტრალური რკინაშ შარშ გჷთაბიჯალიშ წოხოლე.
• კუმჰრური (Kumhur), აშოკაშ პერიოდიშ ნოღა პატლიპუტრაშ აკნაციმეფი.
• მაჰათმა განდიშ ხინჯი (Mahatma Gandhi Setu).

რესურსეფი ინტერნეტის

• ინდოეთიშ ისტორია (Антонова К. А., Бонгард-Левин Г. М., Котовский Г. Г.)