ლაქნაუ (ჰინ. लखनऊ) — ნოღა ინდოეთის, უტარ-პრადეშიშ შტატიშ ნანანოღა, დელიშ ბჟაეიოლშე 516 კილომეტრიშ გოძვენას იდვალუაფუ. მახორობა — 2,9 მილიონი ადამიერი (2011). ნოღა ადმინისტრაციული, ომენცარე დო კულტურული ცენტრი რე. იდვალუაფუ წყარმალუ გომტიშ წყარპიჯის. ნოღა იდვალუაფუ აუდიშ რეგიონიშ ჯოხოთ რჩქინელი ტერიტორიას. ლაქნაუ ირო რჩქინელი რდჷ, მუჭოთი მულტიკულტურული ნოღა. XVIII-XIX ოშწანურეფს, ნოღა პეულანდჷ მუჭოთ ოორუე ინდოეთიშ კულტურაშ დო ხელუანობაშ ნანანოღა. ნოღაშ ხალიწერი მიოჯინი, უსქვამაში ბაღეფი, პოეზია, მუსიკა დო გჷშაგორილი საგესქუო, ნამუსჷთ ირანალი შიიტი ნაბობეფი თხილანდეს,[1][2] რჩქინელი რე ინდოარი დო ობჟათე აზიაშ კულტურაშ დო ისტორიაშ სტუდენტეფს შქას.[3] ლაქნაუ კათას ნაბობეფიშ ნოღაშ, ჰინდიშ შირაზიშ დო ინდოეთიშ კონსტანტინოპოლიშ ჯოხოდვალათი რე რჩქინელი.
2011 წანაშ მუნაჩემეფით, ნოღაშ მახორობა 2 815 601 ადამიერს აკმადგინანს.[4]
- Rosie Llewellyn-Jones. City of Illusion. Prestel Verlag, 2006, 295pp. ISBN 3-7913-3130-2. ISBN 978-3-7913-3130-0.
- Rosie Llewellyn-Jones. Lucknow Then and Now. Marg Publications, India, 2003. ISBN 81-85026-61-0. ISBN 978-81-85026-61-9.
- Anurag Kumar. Recalcitrance- a historical novel on events of Great Uprising of 1857 AIP Books, India, 2008.
- Madan Lal Verma 'Krant' Krantikari Bismil Aur Unki Shayri (Urdu/Hindi), 2009, 1/1148A Subhash Park Extension, Naveen Shahdara Delhi 110032, Prakhar Prakashan, ISBN 9788178233.
