მეტალიკა

მეტალიკაშ კონცერტი ლონდონს 2008წ.

მეტალიკა (ინგლ. Metallica) — ამერიკული მეტალ-ბუნა, დორსხუაფილი 1981 წანას ნოღა ლოს-ანჯელესის, ააშ, ჯეიმზ ჰეტფილდიშ (რიტმური გიტარა, ვოკალი) დო ლარს ულრიხიშე (დრამი) .

მეტალიკაშ ორდოიანი დინნაჭარეფი იკათუანდ ფეიკარი პარტიეფს, ინსტრუმენტალეფს, აგრესიული მუსიკას, მუდგაქჷთ თინეფი თრეშ მეტალიშ დიდი ოთხურეფშა მართინუ თიშნერი ბუნეფიშ ხასჷლას, მუნერეფითიე: სლეიერი, მეგადეზი, ანთრაქსი. 1986 წანას გჷშულირი ალბომი „Master of Puppets“ იკოროცხუ ართ-ართი არძაშე უმოსი გოლინუანი „მონკა“ თრეშ მეტალიშ მიმალუობაშ ალბომო. თახმი კომერციული წჷმოძინას ბუნაქ 1991 წანას ალბომიშ „Metallica“ გიშაშკუმალაბორც მიოჭირინუ მუქჷთ ბილბორდ 200-ის მაართა აბანს მოხვადჷ.

მეტალიკას ომიშური ჯამეფს გჷშაშკუმალირი აფჷ ჩხორო სტუდიური ალბომი, სუმი ცოცხალი ალბომი, ხუთი EP, ეჩდოოთხი მუსიკალური ვიდეო დო ჟარნეჩდოხუთი სინგლი. ბუნაქ ჩხოროშა ეჭოფუ გრემი, ოდო თინეფიშ ხუთი ალბომქ ბილბორდ 200-ის მაართა აბანი დეკინჷ, მუდგაშ გეშათ მაართა ბუნათ გინირთჷ ნამუქუთ თეს მიოჭირინუ. ათე ბორჯიშო ბუნას ედომუშამო თელი ქიანას 100 მილიონშა მეტი ალბომი აფჷ გჷმოჩამილი.

ისტორია

ორდოიანი წანეფი (1981–1983)

მეტალიკა 1981 წანას ლოს-ანჟელესის, კალიფორნია, იდარჯაკჷ. დრამერქ ლარს ულრიხიქ აკანური გაზეთ The Recycler-ის აკეთჷ განცხადება, ნამდა გორჷნდ დოსქილადირი მუსიკოსეფს მეტალ-ბუნაშ დარსხუაფალო. თის ჯეიმზ ჰეტფილდიქ გიშაძახჷ. მორო მუჭოთ მოგვიანებათ რონ მაკგოვნიქ თქუ ჟურნალშა „So What!“ მეჩამილი ინტერვიუს, ლარსი დო ჯეიმზი ართიანს თინეფიშ ოართე მაჸალე ჰიუ ტანერქ გაჩინებაფუ.ორდიანი სტადიას ბუნას ირო პრობლემეფი უღჷდ თარ გიტარისტწკჷმა მერცხუაფათ. ჭე ხანით ბუნას მითმიოგანდეს ლოიდ გრანტი, ბრედ პარკერი დო ჯეფ უორნერი (ღოზგასუმალარიე, ნამდა ნამთინი ჟინაშინელი გიტარისტი ვეკოროცხუ მეტალიკაშ მაკათურო, მათ „სუმარიშ“ სტატუსი უღუნა). მეტალიკაქ ოფიციალურო 1981 წანაშ გჷმათუთას დირცხუ, ულრიხიშ დო ჰეტფილდიშ შეხვამილაფეფშე ხუთი თუთაშა.

ლარსიშ მაჸალექ რონ ქუინტანაქ თხუ თის, ქუმოხვარებუდუკო ჯოხოშ გჷშაგორუას მუშ ახალი ჟურნალშო, ნამუთ ამერიკული დო ბრიტანული მეტალ-ბუნეფიშ გეშა იჸიდჷნ. რონს უკვე აფუდუ გჷშაგორილი მუსხირენ ჯოხო: Metallica, Metal Mania დო Hesse. ლარსიქ მირჩქინჷ ნამდა, „მეტალიკა“ გოსოფური ჯოხო იჸუაფუდუ მუშ ბუნაშონ დო რონს ვა უზუკოლჷ ჟურნალშო თეცალი ჯოხოდვალაშ გედვალა. ათაშ გიადჷ ბუნას „მეტალიკა“ - ქ.

1982 წანაშ დაჭყაფუს ლარსიქ Metal Blade Records-იშ დუმარსხუაფალი ბრაიან სლეიჯელი დარწუმუ გემშუღალუდუკო მეტალიკაშ ბირა Hit the Lights ლეიბლიშ მაართა ნაკორობაშა Metal Massacre. ბუნაქ დემო Power Metal ენაჭარჷ, სოდეთ თინეფიშ მაართა ბირა - Hit the Lights მიშმეშჷნი. ბას-გიტარას მიოგანდჷ დო იბირდ ჯეიმზი, ოდო გიტარას - ლოიდ გრანტი (უმოს გვიანდელი დინნაჭარეფს თიშ აბანს მასტეინი იკჷნენს), თაშნეშე The Mechanix, Jump In The Fire დო Motorbreath. ულრიხიქ ხოლო ართი განცხადება ქენახუნუ გაზეთის The Recycler თარი გიტარისტიშ ვაკანსიაშ გეშა. თის უგამუ დეივ მასტეინიქ, ნამუთ თი ბორჯიშო იმ ბუნა პანიკის მითმიოგანდ. ჰეტფილდის დო ულრიხის თეშ მეწონეს დეივიშ მეგამა, ნამდა ბუნაშა ქიმიჭანეს. ლარსიქ დო ჯეიმზიქ ბასისტო ქიმიჭანეს რონ მაკგოვნი, ნამუთ თეიშახ ჯეიმზწკჷმა ართად მითმიოგანდ ბუნა ლიზერ ჩარმის. მუსხირენ თუთაშ უკული ქენაჭარეს No Life 'til Leather რსული ფორმატით, სოდეთ შკვითი ბირა მიშმეშჷნ დო ნამუქჷთ მალას ქიმკიჭოფუ ფანეფიშ თოჸუჯი.

ბუნაშ მაართა ცოცხალი კონცერტიქ აკოდირთ 1982 წანაშ 14 მელახის კლუბი Radio City- ს, ნ. ანაჰაიმი, კალიფორნია. კინ თი წანას, 25 მესეფის ბუნაქ კონცერტი ჩატარუ ნწოფულას, სოდეთ ულრიხი გურაფჷლენდჷნ. თე ბორჯიშო ჰეტფილდის დო მასტეინს ანწი ვა მოწონდეს მაკგოვნიშ მეგამა, რახან ფირქენდეს ნამდა „რონი ახალს მუთუნს ვა ქიმინუნდ, ძაკას დინაფას მეჸუნდ“. ბრაიან სლეიჯელქ უზუკოლუ ლარს, მიდურთუმუდუკო სან ფრანცისკოშა დო ქუმურჩქილუაფუდესკონ ბასისტ კლიფ ბარტონიშა, ნამუთ ბუნა ტრაუმას მითმიოგანდ. ლარსიქ დო ჯეიმზიქ კლიფიშ ბუნაშ შოუს სერიშ კლუბის Whisky a Go Go ქაკათეს დო თეშ მეწონეს თიშ შერსულებაქ, ნამდა მეტალიკაშა გინულა ქოთხის. დუდშე კლიფიქ ვარია თქუ, მორო წანაშ ლიაშო დეალუ ხვალე თი პიჯალათ, ნამდა მეტალიკა ნოღა ელ ქერიტოშა, სან-ფრანცისკოშ გოხოლუას, გინილენდუნ ლარსიქ დო ჯეიმზიქ კლიფიშ პიჯალას დეალეს. მეტალიკაშ პირველი გიშულაქ კლიფწკჷმა ართო სერიშ კლუბის The Stone აკოდირთჷ 1983 წანაშ მელახის. უკულიანს ბუნა ფხშირაას მითმიოგანდ სან-ფრანცისკოშ კლუბეფს, ფხშირას ბუნა ექსოდუსწკჷმა ართო. კინ თე წანას მეტალიკაქ იშარჷ ნიუ-იორკშა, სოდეთ აკოალება ლეიბწკჷმა Megaforce Records გაფორმეს. მალას ჯეიმზიქ დო ლარსიქ გეგნოჭყვიდეს, ნამდა უკვე შეუძლებელი რდჷ იიყო მასტეინიშ ეჭოფუა თიშ აგრესიულობაშ, ნარკოტიკეფიშა დო ალკოჰოლშა მებუნაფილობაშ გეშა. მოღალუთ, 1983 წანაშ მაართა პირელს დეივსის ბუნა ქუდატებაფეს დო თიშ მანგიორო ნაცვლად კინ თი ონჯუას კირკ ჰემეტი ქიმიჭანეს ბუნა ექსოდუსიშე (მოგვიანებით დეივქ ობაღინაფალო პოპულარული ბუნა მეგადეზი ქუდარსხუ). მეტალიკაშ მაართა შოუქ ჰემეტწკჷმა ართო 1983 წანაშ 16 პირელს სერიშ კლუბის Showplace აკოდირთჷ, ნ. დოვერს, ნიუ ჯერსი.

ინტერვიუეფს მასტეინი ირო გჷმოხანტჷდ მუშ უარყოფით მერინას ჰემეტიშ მეხჷ. თინა იჩიებუდჷ, ნამდა ჰემეტიქ თის სამუშა მიდუღუ, ნამდა თინაქ პოპულარულო მასტეინიშ დოჭარილი რიფეფიშ დო სოლოეფიშ შერსულებაშ გეშა გინირთჷ. მეგადეზიშ 1985 წანას სადებიუტო ალბომს Killing Is My Business... and Business Is Good! მასტეინქ გემშეღჷ ბირა Mechanix, ნამუთ მიშულირიე თაშნეშე მეტალიკაშ ალბომშა Kill 'Em All თირელი ჯოხოთ The Four Horsemen. მუჭოთ უკულნეშის შემდგომ გაცხადჷ მასტეინქ, თენა თიქ თიშენ ქიმინჷ, ნამდა მეტალიკას „ქეკოჭიშაფუდუკონ“.

Kill 'Em All და Ride the Lightning (1983–1984)

1983 წანას მეტალიკაქ როჩესტერშა (ნიუ-იორკი) იშარჷ, სადებიუტო ალბომიშ Metal up Your Ass - იშ დინაჭარალო, მარა ბუნაშ ლეიბლიშ დო დისტრიბუტორეფს შქას კონფლიქტიშ გეშა, ალბომს ჯოხო დუთირეს დო მოღალუთ ქიანას Kill 'Em Allქ მელინჷ. ალბომიშ ლეიბლი რდჷ Megaforce Records აშშ-ს, ოდო Music for Nations ევროპას. ალბომქ ბილბორდ 200-ს 120-ა აბანს მიოჭირინუ 1988 წანას. მორო, ფინანსურო ვართ ფერი წჷმოძინელქ გიშართჷ. მანგიორი ალბომქ ბუნას ახალი ფანეფი მეუძინჷ. ბუნაქ ალბომიშ ხუჯიშ მიოჩამალო ტური Kill 'Em All For One ჩატარჷ ბუნა რავენწკჷმა ართო,ნამუთ 27 კვირკვეშე 3 ეკენიაშა იგინძორებუდ. ტურიშ აპოგეათ 13 მარაშინათუთას ჩიკაგოს ჩატარებული კონცერტიქ გინირთ, ნამუშ ფრაგმენტეფიშ ძირაფა შელებუანიე 1988 წანას გიშაშკუმალირი ვიდეოფილმის Cliff 'Em All. 1984 წანას ფურთუთას მეტალიკა ხუც არზენს ბუნა ვენომს ტურნეს Seven Dates of Hell, სოდეთ თინეფქ 7000 მაჯინეეფიშ წოხოლე წჷმოდირთეს.

1984 წანაშ მარაშინათუთას მეტალიკაქ რანწკით მაჟირა სტუდიური ალბომი Ride the Lightning გჷშაშკჷ. ალბომი ბილბორდ 200-ს 50 მარაშ აშაბანს რდჷ დო მასმა აბანს მიოჭირინუ. საფრანგეთის თე ალბომშო კაბრეფი ჩილათირო რცხჷნი (მწვანე) ფერეფს დობეჭდჷ, ნამუთ ანწი კოლექციონერეფიშ თოჸუჯიშ ნიბთიე. კრიტიკოსეფიშ დო ფანეფიშ უგჷნალო ალბომი აკუსტიკური გიტარაშ პარტიათ იჭყაფჷ. თიშა მიშულირიე ბირეფი: For Whom the Bell Tolls, Fade to Black, Creeping Death დო შხვეფი. თენეფშე ეკონია ბიბლიური სიუჟეტშა რე ეგაფილი. ბირაქ Ride the Lightning დიჭარჷ თიშ უკული, მუთ ბუნაშ მაკათურეფი თარღიათ დადანაშაულჷ ტეხასიშ შტატიქ ახალმარდუეფიშ უკანონო ქიმინჯობეფშა სისინაფაშენ, კერძოთ ძალადობეფიშ. მეტალიკაქ დოჭარუ თე ბირა პროტესტიშ საგამათ, მუდგათ მახვამილუ თიშ დემონსტრირება, ნამდა ჯალათეფი თითონ მუნეფიშით გინმირთუნა მაჸვილარეფო, მუჟამც ორთუნა ძალადობას მუნეფიში მსხვერპლიშ გეზათ დორხველი რწუმეფიშ გეშა. შხვეფშე გჷშმეგორუ ალაზიმაფათ ნელი დო მელოდიური Fade to Black, ნამუქუთ არგამათ გეგშართჷ მეტალიკა შხვა თრეშ მეტალ ბუნეფშე. თე ალბომსიე თაშნეშე ინსტრუმენტალი The Call of Ktulu, ნამუშ ჯინჯიერი თია, თეშნეშეთ მუჭოთ Ride the Lightning მასტეინიშ დოჭარილიე.

ჯილდოეფი

გრემიშ დაჯილდოება

• 1990: არძაშე უჯგუში მეტალიშ შერსულება - One
• 1991: არძაშე უჯგუში მეტალიშ შერსულება - Stone Cold Crazy
• 1992: არძაშე უჯგუში მეტალიშ შერსულება - Metallica
• 1999: არძაშე უჯგუში მეტალიშ შერსულება - Better Than You
• 2000: არძაშე უჯგუში მონკა როკიშ შერსულება - Whiskey in the Jar
• 2001: არძაშე უჯგუში როკიშ ინსტრუმენტული შერსულება - The Call of Ktulu სან ფრანცისკოშ სიმფონიური ორკესტრწკჷმა ართო მაიკლ კამენიშ ხემანჯღვერუათ.
• 2004: არძაშე უჯგუში მეტალიშ შერსულება - St. Anger
• 2009: არძაშე უჯგუში მეტალიშ შერსულება – My Apocalypse
• 2009: არძაშე უჯგუში დინნაჭარაშ მეხუალა - Death Magnetic

MTV-ის მუსიკალური ვიდეოეფიშ დოჯილდოება

მეტალიკა რე აღიარაფილი MTV-იშე, მუჭოთ ”არძაშე უჯგუში მეტალ ბუნა” თელი ისტორიას

• 1992: არძაშე უჯგუში მეტალ ვიდეო - Enter Sandman
• 1996: არძაშე უჯგუში მეტალ ვიდეო - Until it Sleeps

ამერიკული მუსიკაშ დოჯილდოება

• 1993: ფავორიტული მონკა მეტალი/მონკა როკიშ შემრსულებელი - მეტალიკა
• 1996: ფავორიტული მონკა მეტალი/მონკა როკიშ შემსრულებელი: მეტალიკა – Load
• 1996: ფავორიტული მონკა მეტალი/მონკა როკიშ ჟანრიშ ბირა - Until it Sleeps”
• 1997: ფავორიტული მონკა მეტალი/მონკა როკიშ შემრსულებელი - მეტალიკა

ბილბორდიშ მუსიკალური დოჯილდოება

• 1997: ბილბორდიშ როკ ენ როლიშ წანაშ არტისტი - მეტალიკა (RIAA Diamond Award)
• 1999: წანაშ არტისტი - მეტალიკა
• 1999: წანაშ ალბომი - Metallica

Kerrang! დოჯილდოება

• 2003: დიდებაშ დარბაზი - მეტალიკა
• 2004: პლანეტაშ არძაშე უჯგუში ბუნა- მეტალიკა
• 2008: შთაგონება - მეტალიკა
• 2009: არძაშე უჯგუში ალბომი - მეტალიკა, Death Magnetic

მაკათურეფი

ასეიანი მაკათურეფი

• ჯეიმზ ჰეტფილდი - თარი ვოკალი დო რიტმული გიტარა (1981-შე ამდღარშახ)
• კირკ ჰემეტი - თარი გიტარა დო მათირალი ვოკალი (1983-შე ამდღარშახ)
• რობერტ ტრუჰილო - ბას გიტარა,მათირალი ვოკალი (2003-შე ამდღარშახ)
• ლარს ულრიხი - დრამეფი (1981-შე ამდღარშახ)

ჸოფილი მაკათურეფი

• ჯეისონ ნიუსტედი - ბას გიტარა, მათირალი ვოკალი (1986–2001)
• კლიფ ბარტონი - ბას გიტარა, მათირალი ვოკალი (1982–1986)
• დეივ მასტეინი - თარი გიტარა, მათირალი ვოკალი (1981–1983)
• რონ მაკგოვნი - ბას გიტარა (1981-1982)

დისკოგრაფია

სტუდიური ალბომეფი

• 1983: Kill 'Em All
• 1984: Ride the Lightning
• 1986: Master of Puppets
• 1988: ...And Justice for All
• 1991: Metallica
• 1996: Load
• 1997: ReLoad
• 2003: St. Anger
• 2008: Death Magnetic

ცოცხალი ალბომეფი

• 1993: Live Shit: Binge & Purge
• 1999: S&M
• 2009: Orgullo, Pasión y Gloria: Tres Noches en la Ciudad de México

ქავერ ვერსიეფიშ ალბომეფი

• 1998: Garage Inc.

EP

• 1987: The $5.98 E.P.: Garage Days Re-Revisited
• 2004: Some Kind of Monster
• 2010: Six Feet Down Under
• 2010: Six Feet Down Under (Part II)
• 2010: Live at Grimey's

რესურსეფი ინტერნეტის

• ბუნაშ ოფიციალური ვებხასჷლა
• ბუნა Myspace.com-ს
• ინფორმაცია მეტალიკაშ ტურნეეფიშ გეშა
• მეტალიკაშ ოფიციალური ფანკლუბი
• ოფიციალური ვებხასჷლა მეტალიკაშ საკონცერტო დინნაჭარეფით
• ფანეფიშ ვებ-ხასჷლა