ონი

ვიკიპედია-შე
Jump to navigation Jump to search
ონი
ონიშ სინაგოგა
ონიშ შილა
ონიშ გერბი
ონი
სტატუსი ნოღა
ქორთული ჯოხო ონი
ქიანა საქორთუო
რეგიონი რაჭა-ლეჩხუმი დო თუდოლენი შონე
მახორობა 3000
ეჭარუაში წანა 2002
ბორჯიში ორტყაფუ +4
ოტელეფონე კოდი +995 473[1]
ოფოსტე ინდექსი 3600[2]
კატეგორია ვიკიონწკარუს Oni, Georgia

ონი — ნოღა ბჟადალ საქორთუოს, წყარმალუ რიონიშ კვარჩხან ძგას. ონიშ მუნიციპალიტეტიშ ადმინისტრაციული ცენტრი. ზუღაშ დონეშე 830 მ, ქართიშე 210 კმ. ოხორანს 3,3 ვითოში მახორუ (2002). ონს ზომიერო შიმე ჰავა რე, უჩქჷ ზომიერო რგილი ზოთონჯი დო ხანგინძე ტჷბუ ზარხული. ოშქაშე წანამოწანური ტემპერატურა რე 10 °C, ღურთუთას — 1 °C, კვირკვეს 20,4 °C, აბსოლუტური მინიმალური - 27 °C, აბსოლუტური მაქსიმალური 38 °C. ნოლექი 1000—1100 მმ წანამოწანას.

ონი ისტორიულ წყუეფს მაართათ იშინუაფუ XV-XVI ოშწანურეფს. მენცარობას გიშარაგადელი რე აზრი, ნამუდა ონი დარსხუ იბერიაშ მაფა ფარნაჯომქ (ჯვეში წანათეკოროცხუაშ II ოშწანურას). შქა ოშწანურეფს მირდუ ფეოდალური ნოღა ონიშ ეკონიმიკურ შანულობაქ. თაქ აკმოხვადუდჷ ოორუე კავკაციაშე, ქართლიშე, იმერეთიშე დო თუდონ რაჭაშე მუმაულარი შარეფი. იმერეთიშ ომაფეშ რუსეთიშა მიკოართაფაშ (1810) უკული ონი რდჷ დაბა; ონი წჷმარინუანდჷ რაჭაშ შანულამ ოვაჭარე პუნქტის, გოვითარაფილი რდჷ ხეშსაქვარი. 1846 წანაშე რდჷ ქუთეშიშ გუბერნიაშ რაჭაშ მაზრაშ ადმინისტრაციული ცენტრი. ონიშ ტერიტორიას ძირაფილი რე ბრონზეშ კვაღა (ბრონზეშ ხანა), თაშ ხოლო კოლხური თეთრიშ (ჯვეში წანათეკოროცხუაშ VI-III ოშწანურეფი) არხამა.

ნოღას რე საწარმოეფი, ჭყანათხილუაშ, განათლებაშ დო კულტურაშ დაწესებულებეფი. ონს რე ნიკორწმინდაშ ეპარქიაშ რეზიდენცია.

ნოღას უკებუ ხორგულიშ ონჭირე ღოზი რიონიშ კვარჩხან ნადუეფს — ჯეჯორაშ დო ღარულაშ შქას. ნოღაში ტერიტორიაქ შანულამო გეფართჷ რიონიშ კვარჩხანი ძგაშ გოჸუნაფას კიდალაშ ეგაფაშ უკული. გოჸუნაფილი რე წყარიშოლუ. ნოღაშა გინმურს ოსეთიშ ოურდუმე შარა. ნოღას მიკოსქილადირი რე შქა ოშწანურეფიშ ჯიხაშ ხორგი დო სინაგოგა.

სქოლიო[რედაქტირაფა | წყუშ რედაქტირაფა]

  1. საქორთუოშ ოტელეფონე კოდეფი — „სილქნეტი“
  2. საქართველოს საფოსტო ინდექსები — „საქართველოს ფოსტა“