ტყვარჩელი
საქორთუოშ ოკუპირაფილი ნოღა
| ნოღა
ტყვარჩელი
Тҟәарчал
|
ტყვარჩელი (აფხ. Тҟәарчал) — ნოღა საქორთუოს, აფხაზეთიშ ავტონომიური რესპუბლიკაშ ოჩამჩირეშ მუნიციპალიტეტის. იდვალუაფუ წყარმალუ ღალიძგას. ნოღაშ სტატუსი მეჩეს 1942 წანას. ნოღაშ მაჸვენჯი ინდუსტრიეფი რე ქუანოშქერიშ, ოკიდალი მოღეეფიშ დო შხვა საწარმოეფი. ჯოხოგოლაფირი რე ბალნეოლოგიური კურორტით.
ეკონია ისტორიული მოლინეფი[რედაქტირაფა | წყუშ რედაქტირაფა]
ტყვარჩელი ნოღათ გჷმაცხადეს 1942 წანას. ქუანოშქერიშ მოპალაფაქ თე აბანს დიჭყჷ 1935 წანაშე დო მაჟირა მოსოფელიშ ლჷმაშ პერიოდის დონბასიშ გერმანალეფიშ ხეშა აშალაფაშ უკული დიდი შანულობაქ აშუ.
1990-იანი წანეფიშ დაჭყაფუს აფხაზეთიშ ლჷმაშ პერიოდის ნოღა ქორთული ჯარიშ ქართას რდჷ მოხვალამირი დო თიშ დოსქილადირი მახორობა მონკა ჰუმანიტარული კრიზისიშ თუდო რდჷ. ნოღას ოჭკუმალეფით, ანჯარით დო დაქირებული მალიმორეფით რუსული ვერტფურინჯეფი აკმონაზირანდჷ.[3] ლჷმაშ ეკონია ეტაპის, ტყვარჩელშე სისტემატურო იბომბუდუ კოდორიშ ლეხერი. ნოღა, ქორთული მახორობაქ ლჷმაშ დაჭყაფუშე დიტუ. ტყვარჩელიშ მუკე-მუკე ოფუტეეფს დოსკილადირი ქორთუ მახორობა რჯალიშ დგომარებას რდჷ.
1995 წანაშე ნოღა თე ჯოხოთ ფორმირებული რაიონიშ ცენტრი რე.
ინდუსტრია[რედაქტირაფა | წყუშ რედაქტირაფა]
ქუანოშქერიშ მოპალაფა ნოღაშ თარი ინდუსტრია რდჷ გოჭყაფაშე, მორო ასე სხუნუეფიშ პერიოდიშ მაღაროეფი კილერი რე დო ქუანოშქერს მიპალუანს ხვალე თურქული კომპანია „თამსაშ“ (Tamsaş) ღილე მეთოდით. თე კომპანიაშ გინაგაფალეფი ნოღაშ ხაზინაშ მუშნალიშ 75 % აკმადგინანს, მორო თის ეკოლოგიაშ უგურელჸოფას აბრალენა.[4]
ნოღას რდჷ ცემენტიშ დო ანგურაშ ქარხანეფი, ნამუეფით ასე გაჩერებულიე ტექნიკური სიჯვეშაშ გეშა. გეგმას რე ახალი ცემენტიშ ქარხანაშ კიდუა, ნამუშ პროდუქციას ოეგებიეთ სოჭიშ ოლიმპიური კომპლექსიშ კიდუას გჷმირინუანა.[5]
ნოღას დო ოჩამჩირეშ რაიონს სხუნუეფიშ პერიოდის ელექტროენერგიათ ახაზირენდჷ ტყვარჩელიშ ქუანოშქერიშ ელექტროსადგჷმი, ნამუთ 1980-იანი წანეფიშ ლიას ქუანოშქერიშ ნოზირიშ მორკებაშ გეშა გაზშა გეგნიჸონეს.
დემოგრაფია[რედაქტირაფა | წყუშ რედაქტირაფა]
1989 წანას ნოღაშ მახორობა რდჷ 21 744 ადამიერი. სუმი თარი ეთნიკური ბუნა რდჷ აფხაზეფი (42,3 %), რუსეფი (24,5 %) დო ქორთუეფი (23,4 %).[6] ლჷმაშ გეშა ნოღაშ ინდუსტრიაქ გაჩენდჷ დო მუში მახორობაქ შანულამო მირკჷ. 2004 წანას მახორობა ნამთინე მუნაჩემეფით 4800-შახ რე მორკებული.[7][8] 2003 წანაშ მახორობაშ ეჭარუაშ გეშა ნოღას 4786 მახორუ რდჷ.
რესურსეფი ინტერნეტის[რედაქტირაფა | წყუშ რედაქტირაფა]
სქოლიო[რედაქტირაფა | წყუშ რედაქტირაფა]
- ↑ საქართველოს სატელეფონო კოდები — „სილქნეტი“
- ↑ საქართველოს საფოსტო ინდექსები — „საქართველოს ფოსტა“
- ↑ http://www.hrw.org/reports/pdfs/g/georgia/georgia953.pdf : Human Rights Watch. VIOLATIONS OF THE LAWS OF WAR AND RUSSIA'S ROLE IN THE CONFLICT, page 39
- ↑ თურქულ ტამსაშიშ ქუანოშქერიშ წარმებაშ გოგინძორაფა შეულებჷ აფხაზეთის დოთხილანს ეკოლოგიაშ მოთხუალეფს და 09/11/2006 18:00, აფხაზეთიშ პრეზიდენტიშ ოფიციალური საიტი
- ↑ Ткуарчал отметил 65-летний юбилей 20/04/2007 18:13, აფხაზეთიშ პრეზიდენტიშ ოფიციალური საიტი
- ↑ აფხაზეთიშ ცენზიშ სტატისტიკა (რუს.)
- ↑ Отчет миссии ПРООН по изучению возможностей Гальского района и смежных с ним территорий Абхазии, Грузия, Апрель 2004
- ↑ [1]
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
