ყორნისი
| დაბა
ყორნისი
|
ყორნისი (1931-91 წანეფს ჯოხოდჷ ზნაური) — დაბა საქორთუოს, თიღვაშ მუნიციპალიტეტის.[3] ასე ოკუპირაფილი რე რუსეთიშით.
გეოგრაფია
[რედაქტირაფა | წყუშ რედაქტირაფა]დაბა ყორნისი იდვალუაფჷ დინოხოლენი ქართლიშ ვეს, წყარმალუ შუა ფრონეშ (ბჟადალ ფრონეშ კვარჩხანი ნადუ) წყარპიჯის. ზუღაშ დონეშე 790 მეტრის, ცხინვალიშე 25 კილომეტრის, აგარაშე (უახოლაში რკინაშარაშ დგჷმილი) — 22 კმ.
ისტორია
[რედაქტირაფა | წყუშ რედაქტირაფა]1933 წანას, დაბას ჯოხოქ გიადჷ ოსი რევოლუციონერიშ, სხუნუეფიშ ხეშულობაშო მალიმორი ზნაურ აიდაროვიშ პატიოცემელო. 1936-1991 წანეფს რდჷ ზნაურიშ რაიონიშ ადმინისტრაციული ცენტრი. 1972 წანას მიაჩჷ დაბაშ სტატუსიქ დო რდჷ ჸოფილი ოდაბე სხუნუშ ცენტრი (მიშმეშჷ: ალიბარი, ახალსოფელი, ზემო ოქონა, თიღვა, ისაკყაუ, ნაბაკევი, ნედლათი, სუნისი, ქვემო ოქონა, შინდარა, ხუნდისუბანი). 1991 წანას გიადჷ ყორნისიქ დო მიოდინჷ რაიონული ცენტრიშ სტატუსი, თიშ გეშა, ნამჷ-და ზნაურიშ რაიონქ ქაკათჷ ქარელიშ რაიონს.[4]. 1990-იანი წანეფიშ დაჭყაფუშე ოკუპირაფილი რე რუსეთიშით დო დე-ფაქტო აკონტროლენს თ.ჯ. „ობჟათე ოსეთიშ რესპუბლიკა“. „ობჟათე ოსეთიშ რესპუბლიკაშ“ ადმინისტრაციული დორთუალათ მიშმურს ზნაურიშ რაიონშა, თაშნეშე თე რაიონიშ დო ოდაბე სხუნუშ (12 ოფუტე) ცენტრი რე. საქორთუოშ კანონდვალათ, ყორნისი მიშურს თიღვაშ მუნიციპალიტეტიშ თიღვაშ ადმინისტრაციულ ართულშა.
მახორობა
[რედაქტირაფა | წყუშ რედაქტირაფა]| ეჭარუაშ წანა | მახორობა | კოჩი | ოსური |
|---|---|---|---|
| 1959 | 594 | ||
| 1970 |  694 | ||
| 1979 | 763 | ||
| 1989 |  755 | ||
| 2015 [5] | 451 | 210 | 241 |
სქოლიო
[რედაქტირაფა | წყუშ რედაქტირაფა]- ↑ საქართველოს სატელეფონო კოდები — „სილქნეტი“
- ↑ საქართველოს საფოსტო ინდექსები — „საქართველოს ფოსტა“
- ↑ მუნიციპალიტეტების რეესტრი
- ↑ საქართველოს რესპუბლიკის კანონი ცხინვალისა და ყორნისის რაიონების გაუქმების შესახებ, 1991 წლის 27 აპრილი, საქართველოს რესპუბლიკის უზენაესი საბჭოს უწყებები, 4 გვ. 84 1991 წ
- ↑ Итоги всеобщей т.н. переписи населения <<Республики Южная Осетия>> 2015 года Archived 2021-05-14 ვებ-ხასჷლას Wayback Machine.
| ||||||||||
