ოჩამჩირე

ვიკიპედიაშე
საქორთუოშ ოკუპირაფილი ნოღა
ნოღა
ოჩამჩირე
Очамчыра
ქიანა საქორთუოშ შილა საქორთუო
ავტონომიური რესპუბლიკა აფხაზეთიშ არ
მუნიციპალიტეტი ოჩამჩირეშ მუნიციპალიტეტი
კოორდ. 42°43′00″ ოორ. გ. 41°28′00″ ელ. გ. / 
ნოღა 1926  წანაშე
მახორობა 20,6 ვითოში კოჩი (1991)
ბორჯიშ ორტყაფუ UTC+3
ტელ. კოდი +995 445[1]
ოფოსტე ინდექსი 7100[2]

GEO-AB-OC.svg

ოჩამჩირე

ოჩამჩირე ორენი აფხაზეთიშ ავტონომიური რესპუბლიკა

ოჩამჩირე

ოჩამჩირე (აფხაზურო Очамчыра) — ნოღა საქორთუოს, აფხაზეთიშ ავტონომიური რესპუბლიკას, ოჩამჩირეშ მუნიციპალიტეტიშ ადმინისტრაციული ცენტრი. იდვალუაფუ უჩა ზუღაპიჯის, ნოღა სოხუმშე 55 კმ., ობჟათეშე წყარმალუეფიშ, აძიქვარაშ დო ღალიძგა შქას. ნოღა რე 1926 წანაშე. 1991 წანაშ მუნაჩემეფით, ნოღას ოხორანს 20,6 ვითოში ადამიერი.

ისტორია[რედაქტირაფა | წყუშ რედაქტირაფა]

ოჩამჩირე, ანტიკურ წყუეფს იშინუაფუ, მუჭოთ გიენოსი. ოჩამჩირე იკოროცხუ უჩაზუღაპიჯიშ ართ-ართი უჯვეშაშ ნოღათ. თე პუნქტი ჯვ.წ. III ვითოშწანურაშ II გვერდშე რე დოხორინელი. ოჩამჩირეს, მუჭოთ „ელინურ ნოღას“ იშინუანს ფსევდო სკილაქსი. ოჩამჩირეშ დორცხუაფა ბჟაეიოლ უჩა ზუღაშ პიჯიშ ბერძენული ახალკიდუეფიშ გორჩქინაწკჷმა რე მერცხუაფილი. ოეგებიეთ, თექ ოკო მოხვადუკო არძაშ უგვიანაშ ჯვ.წ. VI ოშწანურას. რინა თაქ გვიანი ანტიკური ბორჯის ხოლო იგინძორებუ. ორდობიზანტიურ ბორჯის ბჟაეიოლ გაბარს იგაფუ დარბაზული ტიპიშ ოხვამე გვერდოქართული (ქართა-წრე ქორთ.) აფსიდით. ოხვამეშ გეგმა რე ჯვარიშ ფორმამი, თეშ გეშა თინა კაბადოკიაშ “croix libre” ტიპიშ ძეგლეფწკჷმა რე ხოლოს. ბჟადალშე მოუძჷ ნართექს. ოხვამეს ბრელი რე ძირაფილი არქეოლოგიური მასალფი: ბრელი მუდანობათ ოკიდალი ანგურა, ნამუეფსჷთ რე გჷშაჭუალაშახ კითით გჷშაჸონაფილი შხვადოშხვა ფორმაშ ასოეფი დო სიმბოლოეფი, ამფორაშ დო კრამიტიშ ნოტახერეფი, ორქოშ ჯვარი, ჩე მარმარილოშ სჷმეტიშ დო რუმე კირიშ ქუაშე ხაზჷრაფილი კანკელიშ ფრაგმენტეფი. ოხვამეს არქეოლოგიური გონთხორუეფით იძირჷ 14 საფულექ, აფსიდიშ გალე 8 საფულექ. თინეფ უმოსო ანგურათ რე ეგაფილი. თეჯგურა ტიპიშ საფულეეფი ძირაფილი რე მცხეთას დო გოხოლუაშ აბანეფს, აღაიანს დო ხოვლეს, ნამუეფით რე II ოშწანურაშ მაჟირა გვერდიშ დო IV ოშწანურათ დოთარიღაფილი. გიენოსიშ ოხვამე V ოშწანურაშ ბოლოთთ - VI ოშწანურაშ დაჭყაფუთ რე დოთარიღაფილი.

სქოლიო[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.