კრატერული ტობა

ვიკიპედია-შე
ნავიგაციაზე გადასვლა ძიებაზე გადასვლა

კრატერული ტობა ვარ-და ვულკანური ტობატობა, გოჭყაფილი ვულკანური კრატერიშ, კალდერაშ, მაარიშ ვარ-და გენთხაფური კრატერიშ წყარით გოფშაფაშ რზათ. თიშ გეშა, ნამჷ-და კრატერს, მუჭოთ წესი, უღჷ წირეშ ფორმა დო მაღალი კიდალეფი, კრატერულ ტობას უღჷ ჭიჭე ინაკათუეფი დო უმენტაშო ვაუღჷ წყალმარული გიმნაველი. კრატერი რჩქვანელობურო გითმიფშაფჷ ჭვემაშ წყარით (მაარეფი - გრუნტიშ წყარეფით) დო წორწალას ოჭირინუანს მიშაკათინიშ დო აორქაფაშ შედეგო. ბორჯიშ გოძვენას ეროზიაშენ შილება გიჭყას დიხაშჟილენ მალობაქ დო წყარმითაკათაფუთჷქ, მუჭო სამანგათ ტაუპოშ ტობა ახალ ზელანდიას, ნამუსჷთ მეუტს წყარმალუ უაიკატო.

ირასუ, კოსტა-რიკა
ვენჩი, ეთიოპია
კუიკოჩა, ეკვადორი
1991 წანას გოჭყაფილი ტობა ვულკან პინატუბოშ ეშაგორგოთიშ უკული, ფილიპინეფი

ვულკანურ კრატერს წყარი კანკალეშა იკათუანს მიშნასვარეფს, ნამჯშ გეშა ტობას თელარა უშულებუ რე. თეშნერო შხირას გოფერადაფილი, ბჟეფით გონჯღილირი ტობეფიშ სამანგეფი რე რინკონ-დე-ლა-ვიეხა დლ ირასუ კოსტა-რიკას. ნოშქერჟირჟანგიშ მაკათურალა შილებე იჸუას თაშნეშე ძალამ მაღალქ დო გჷნირთას ლიმნოლოგიური კატასტროფაშ ბაძაძო, მუჭოთ მოხვადჷ ნიოსიშ ტობასჷნ, კამერუნს.

კანკალე კრატერული ტობა[რედაქტირაფა | წყუშ რედაქტირაფა]

დიხაუჩა:

მარსი:

  • Jezero
ტობა ლახერ-ზე
ტობა ლახერ-ზე

სქოლიო[რედაქტირაფა | წყუშ რედაქტირაფა]

  1. კრატერული ტობაშ ეჭარუა Archived 2007-08-22 ვებ-ხასჷლას Wayback Machine. GTZ-იშ ფურცლეფს