საქორთუოშ ოკუპირაფილი ტერიტორიეფი

საქორთუოშ ადმინისტრაციული დორთუალა გიშართილი რე უჩათ. რუსეთიშით ოკუპირაფილი აფხაზეთიშ დო ცხინვალიშ რეგიონიშ (სამაჩაბლოშ) ტერიტორიეფი ნაძირებუ რე ვარდიშფერო.

საქორთუოშ ოკუპირაფილი ტერიტორიეფი — 2008 წანაშ რუსეთ-საქორთუოშ ლჷმაშ უკული, რუსეთიშით ოკუპირაფილი საქორთუოშ ტერიტორიეფი. თე ტერიტორიეფშა მიშმურს აფხაზეთიშ ავტონომიური რესპუბლიკა დო სხუნუეფიშ საქორთუოშ ჸოფირი ობჟათე ოსეთიშ ავტონომიურ ოლქი (სამაჩაბლო) (ქძ. ობჟათე ოსეთიშ ობორჯე ადმინისტრაციულ-ტერიტორიული ართული), ნამუეფიშ სტატუსი ოერეფოშქაშე დებაშ მეკონი რე.

2008 წანაშ ლჷმაშ უკული დო აფხაზეთიშ დო სამაჩაბლოშ გეჸვენჯი რუსული ოკუპაციაშ უკჯული, რუსეთიშ თარობა გოეროშ შხვა ოთხ სახენწჷფოწკჷმა ართო თე ტერიტორიეფს გუთმოსხუნჷნა, მუჭოთ ზოხრინელ სუვერენულ სახენწჷფოთ: აფხაზეთიშ რესპუბლიკა დო ობჟათე ოსეთიშ რესპუბლიკა. რუსეთიშ ოკუპაციაშახ, ვაღიარაფილი აფხაზეთიშ რესპუბლიკა დო ვაღიარაფილი ობჟათე ოსეთიშ რესპუბლიკა ედომშამო ვაკონტროლენდჷ თინეფიშე პრეტენზიაშ მოღვენ ტერიტორიეფს. რუსეთიქ აფხაზეთის დო ობჟათე ოსეთის ქეგიორინუ მუში ოურდუმე ბაზეფი. თაშნეშე, რუსეთი ვაუტენს ევროპაშ რსხუშ ოდჷმაკვირე მისიას აფხაზეთშა დო სამაჩაბლოშა. თეშ მოხ, რუსეთიქ ხე ქუმაჭარჷ აპიჯალას ჟირხოლო ტერიტორიაშ დე-ფაქტო ომენოღალე ადმინისტრაციაწკჷმა, თინეფიშ ოურდუმე დო ეკონომიკური კუთნთხუთ რუსეთშა ინტეგრაციაშ გეშა. თეწკჷმა ართო რუსულ ჯარეფქ ქჷდიჭყეს დემარკაციაშ პროცესი (ჩი8ნებული მუჭოთ „ბორდერიზაცია“) საქორთუოშ დო მუშითგჷმოცხადაფილ ტერიტორიეფს შქას, თაშნეშე თე ღოზიშ ფარგანეფს გალე.

ჟირხოლო ტერიტორია, მუჭოთ აფხაზეთი, თეშ სამაჩაბლო საართოთ რე აღიარაფილი, მუჭოთ საქორთუოშ უგურთუყ ნორთი დო ართო წჷმარინუანს საქორთუოშ ოერეფოშქაშეთ აღიარაფილ ტერიტორიაშ 20 პროცენტის. 2008 წანა მეღებული „ოკუპირაფილი ტერიტორიეფიშ გეშა კანონი“ ითოლწონენს ზისხირიშ სამართალიშ დჷნაშებუს დო აწარმენს ზისხირსამართალებურ რაჸუას აფხაზეთშა დო სამაჩაბლოშა მიშულას რუსეთიშ ტერიტორიაშე სპეციალური ალობაშ მეჩამაშ უმუშო. საქორთუოშ კანონი თაშნეშე ირზენს მუთუნნერი ეკონომიკურ საქვარუაშ წარმებას ტექ ხვალე საქორთუოშ კანონდვალაშ მეჯინათ. საქორთუო დო ოერეფოშქაშე ჯარალუაშ შხვა მაკათურეფი, თინეფს შქას გოართოიანაფილი ომაფე, ამერიკაშ აკოართაფილი შტატეფი, კანადა, გერმანია, თურქეთი, იაპონია, ისრაელი, ავსტრალია, ჩინეთი, იტალია, საფრანგეთი, ბრაზილია, უკრაინა, ევროპაშ რსხუ, ეუთო დო ევროპაშ სხუნუ, თაშნეშე გაეროქ იჩინჷ აფხაზეთი დო ობჟათე ოსეთი ოკუპირაფილ ტერიტორიეფო დო გადღანჷ რუსეთიშ ოურდუმე ჸოფა დო ქიმინუეფი ათე ტერიტორიეფს.

ოკუპირაფილი ოფუტეეფიშ ერკებული

2008 წანას ოსი სეპარატისტეფიშ დო რუსეთიშ ფედერაციაშ საოკუპაციე ნძალეფიშით ცხინვალიშ რეგიონს დაკებული დოხორელი პუნქტეფიშ ერკებული:

ჸოფირი ზნაურიშ რაიონი

1. ავნევი 2. ნული 3. ალიბარი 4. თიღვა 5. შინდარა 6. ნაბაკევი.

ჸოფირი ცხინვალიშ რაიონი

1. ქემერტი 2. კეხვი 3. ძარწემი 4. ქურთა 5. ზემო აჩაბეთი 6. ქვემო აჩაბეთი 7. მამითა 8. ხეითი 9. თამარაშენი 10. ფრისი 11.არგვიცი 12.ბერულა 13.ერედვი 14.ქსუისი 15.ვანათი 16.ჯორჯიანი 17.საცხენეთი 18.ბელოთი 19.დისევი.

ახალგორიშ მუნიციპალიტეტი

1. დაბა ახალგორი. (ადმინისტრაც. ცენტრი) 2. დოლიანი 3. იკოთი 4.მოსაბრუნი 5.ბაზუანი 6. ახალდაბა 7.ახალსოფელი 8. ახმაჯი 9. ბეჟანაანთკარი 10.გარუბანი 11.ერედა 12.ვაშლოვანი 13.ზემო ბოლი 14.მორბედაანი 15.ქვემო ბოლი 16.ყანჩავეთი 17.გდუ 18.ბოსელთა 19.ზემო ღრუ 20.ციხისოფელი 21.ჭანდარი 22.დორეთკარი 23.გავაზი 24.დოგუზაანი 25.ველისა 26.კარა 27.კუცხოვეთი 28.საბარკლეთი 29.ჩკუნეთი 30.ძანგათი 31.ქვემო ზახორი 32.არმაზი 33.ველურა 34.ზემო ზახორი 35.ზემო ცხილონი 36.ზემო წირი 37.ზემო წოლდა 38.ზემო წუბენი 39.იკეთი 40.ნადაბური 41.უკანწირი 42.ქვემო ცხილონი 43.ქვემო წირი 44.ქვემო წოლდა 45.ქვემო წუბენი 46.ქვითკირი 47.ქულოთი 48.შუა ზახორი 49.შუა წირი 50.შუა წუბენი 51.ჭაჭამური 52.გეზევრეთი 53.კორინთა 54.გუდაწვერი 55.ნახიდი 56.საძეგური პირველი 57.ქვემო ალევი 58.ქურთა 59.ყოჩიანი 60.შუა ალევი 61.წირქოლი 62.ხარკელანი 63.ლარგვისი 64.გარეუთი 65.დაბაკნეთი 66.დადიანეთი 67.ზოდეხი 68.თოხთა 69.მარტიანი 70.მახიარეთი 71.მუჯუხი 72.შველიეთი 73.უკანამხარი 74.უკანუბანი 75.ყველდაბა 76.ჩიტიანი 77.ცხავათი 78.ხარბალი 79.ხრამისწყალი 80.სალბიერი 81.დელკანი 82.ნაგომევი 83.ჩორჩანი 84.ძეგლევი 85.ჯვარისუბანი 86.ბალაანი 87.ელოიანი 88.თინიკაანი 89.მიდელაანი 90.ნავიხევი 91.ოხირი 92.პავლიანი 93.ქარელთკარი 94.ქენქაანი 95.ჩიგოიანი 96.წიფთაური 97.ჭორჭოხი 98.ხოზუეთი 99.გუდითა 100.ზემო ბაგები 101.ზემო ყურე 102.კიტრიული 103.მონასტერი 104.მსხლები 105.ქედიგორა 106.ქვემო ბაგები 107.ცოტაგური 108.კოდიჯვარი 109.მამულაანი 110.ქვემო ღრუ.