ინდორი (მარათჰ. इंदूर, თაშნეშე ინდური ჰინ. इंदौर-შე ინდორი (?·i)) — ინდოეთიშ შტატი მადჰია-პრადეშიშ სიდიდათ მაჟირა ნოღა. იდვალუაფუ ორთაშობურ რეგიონ მალვას, შტატიშ ცენტრალურ ნორთიშ ბჟადალშე, ნოღა ბჰოპალიშ ბჟადალშე 190 კილომეტრიშ გოძვენას. კინე თე კოხოდვალაშ ოლქიშ ადმინისტრაციული ცენტრი. 2011 წანაშ მუნაჩემეფით, ნოღაშ მახორობა 2,160,631 ადამიერს აკმადგინანდჷ. ინდორშა თაშნეშე „მინი მუმბაი“ უჯოხონა მახორობაშ ეთნიკური მიარეფერუამობაშ გეშა. თეშ მოხა, მუმბაიწკჷმა თინა შხვა მიარე მოგვანობას გიშმეძირანს: შხირი კათაშ შაყარუა, შოპინგიშ სტილი, ბორჯიშტარება დო ოჭკომალი.
ინდორი ინდოეთიშ აკა ნოღა რე, სოდეთ ართობურო იდვალუაფუ მუჭოთ ინდოეთიშ მენეჯმენტიშ ინსტიტუტი (IIM), თაშნეშე ინდოეთიშ ტექნოლოგიური ინსტიტუტი (IIT).
მარათჰიშ იმპერიაშ ბორჯის, ინდორი შანულამი ნასქუ რდჷ დეკანიშ დო დელიშ შქას. მადჰავრაო პეშვაშ ღურაშ უკული, მარათჰიშ იმპერიაქ აკოცუ დო ინდორი ჰოლკარიშ სახენწჷფოშ ნანანოღათ გეგმიცხადჷ, სოიშახ აჰილიაბაი ჰოლკარიშ ნანანოღას მაჰეშვარშა გჷნიღანდუნ.
Indore, ტურისტული მანჯღვერე Wikivoyage-ს