სურატი[1] (ინგლ. Surat, გუჯ. સુરત) — ნოღა ინდოეთიშ ბჟადალშე, იდვალუადუ შტატი გუჯარათის. სურატი თაშნეშე რჩქინელი რე მუჭოთ პიოლეფიშ ნოღა. სურატიშ ოლქიშ ადმინისტრაციული ცენტრი. შტატიშ ნანანოღა განდინაგარიშ ობჟათეშე 306 კმ-შ მალობას, წყარმალუ ტაპტიშ კვარჩხანი წყარპიჯის იდვალუაფუ. წყარმალუშ ინაკათაფუშე 22 კმ-შ გოძვენას იგვალუაფუ ნოღაშ ცენტრი[2].
სურატი — გუჯარათიშ სიდიდათ მაჟირა ნოღა რე 4.6 მილიონიანი მახორობათ (2011 წანაშ ეჭარუაშ ფასებათ). ნოღაშ ჯვეში ნორთის, ინწრო შოშეეფით დო სქვამი ისტორიული დგჷმილეფით, ნოღაშ ახალი ნორთიშე, არხი გჷმორთჷნს.
