ნოღა
|
ზერო მილიშ ობელისკი, ნამუთ ინდოეთიშ გეოგრაფიულ ცენტრის ეიოშინანს. |
|
ნაგპური (მარათჰ. नागपूर) — ნოღა ცენტრალურ ინდოეთის, შტატი მაჰარაშტრას. ნოღა იდვალაუფუ წყარმალუ ნაგის. ნაგპური — მალასი მაძინუ მეგაპოლისი რე. შტატი მაჰარაშტრაშ სიდიდათ მასუმა ნოღა რე (მუმბაიშ დო პუნაშ უკული), ნამუთ აკმოქიმინუნს ინდოეთიშ სიდიდათ მა-13-ა ონოღე აგლომერაციას. ნოღა შანულამი ოწარმებე დო პოლიტიკური ცენტრი რე.
ნაგპური — მაჰარაშტრაშ შტატიშ კანონმადვალუ შაყარუაშ ზოთონჯიშ სესიაშ ტარებაშ აკანი რე, შტატიშ ზოთონჯიშ ნანანოღა რე. თაშნეშე ნაგპურს იდვალუაფუ ინდური ნაციონალური ორგანიზაცია რაშტრია სვაიამსევაკ სანგჰიშ შტაბ-ორენი დო ბუდისტური გოახალაფაშ ყარაფი — ბუდისტური ყარაფი დელიტი.
ბოლო ბორჯის, ნოღას ინდოეთიშ არძოშე სუფთა დო ბანგალორიშ უკული მაჟირა არძოშე წვანე ნოღაშ სტატუსიქ ქიმიაჩჷ.[1] ნაგპურს იტარებუაფჷ მაჰარაშტრაშ შტატიშ ასამბლეაშ წანმოწანური ზოთონჯიშ სესია, კინე ტე ბორჯის, თენა ვიდარბჰიშ რეგიონიშ კომერციული დო პოლიტიკური ცენტრი რე, ნამუთ ედომუშამი ქიანაშ მასშტაბით რჩქინელი რე მუჭოთ „ფორთოხალეფიშ ნოღა“, თიშენ ნამჷ-და, თინა რეგიონს მოჸონაფილი ფორთოხალით ვაჭარუაშ თარი ცენტრი რე.[2].
ნაგპური აკოგაფილი რე ინდოეთიშ ზუსტ გეოგრაფიულ ცენტრის, მუსთ თაქ ეპონილი „ნული მილიშ“ მონუმენტი ეიოშინანს.[3] ნოღა გონდეფქ დარსხუეს, მარა მოგვიანაფათ ბჰონსლეშ კლანიშ ნომართუ მარათჰიშ იმპერიაშ ნორთი რდჷ. XIX ოშწანურას, ნაგპური ბრიტანეთიშ ოსტინდოეთიშ კომპანიაქ გეჭოფუ დო თინა ცენტრალური პროვინციაშ დო ბერარიშ ნანანოღათ გჷნართინუ. შტატეფიშ მაართა რეორგანიზაციაშ უკული, ნაგპურქ ნანანოღაშ სტატუსი მიოდინუ, მარა პოლიტიკურ ლიდერეფს შქას დოდვალირი ვაოფიციალური „ნაგპურიშ პაქტიშ“ მეჯინათ, ნოღაქ მაჰარაშტრაშ შტატიშ მაჟირა ნანანოღათ გჷნირთჷ. ნაგპურშა შხირას „ინდოეთიშ ჸილოეფიშ ნანანოღა“ უჯოხონა,[4][5] თიშენ ნამჷ-და, ნოღა ინდოეთიშ ჸილოეფიშ მიარე ტყაჩირს მითმურსხუანს მოსოფელს.
Nagpur, ტურისტული მანჯღვერე Wikivoyage-ს
