ჯამშედპური

ჯამშედპური
ქიანა	ინდოეთი
შტატი	ჯარხანდი
რაიონი	ბჟაეიოლი სინგჰბჰუმი
კოორდ.	22°48′00″ ოორ. გ. 86°11′00″ ელ. გ. /
ფართობი	150 კმ²
ცენტრიშ სიმაღალა	135 მ
მახორობა	1 337 131 კოჩი (2011)
მეჭედალა	1 404 კოჩი/კმ²
აგლომერაცია	1,339,438
ბორჯიშ ორტყაფუ	UTC+5:30
ტელ. კოდი	+91 657
ოფოსტე ინდექსი	831001-831020
ოავტომობილე კოდი	JH 05 (ბჟეიოლი სინგბჰუმი) JH 22 (Saraikela-Kharsawan)
ოფიციალური ვებ-ხასჷლა	www.jamshedpur.nic.in
	ჯამშედპური

ჯამშედპური (ჰინ. जमशेदपुर, ბენგ. জামশেদপুর) — ნოღა ინდოეთის, უდიდაში ურბანული კონგლომერაცია დო არძოშე მიარეკათამი ნოღა ჯარხანდიშ შტატის. ჯამშედპური ინდოეთიშ აწოკინელი ინდუსტრიული ნოღა რე დო თინა ინდუსტრიალისტ ჯამშედჯი ტატაქ დარსხუ. ნოღაშა შხირას ფოლადიშ ნოღა უჯოხონა. ჯამშედპური — ინდოეთიშ მაართა ნოღა რე, ნამუთ აკოგაფილი რე ოწმოხ აკომუშებულ გეგმათ.

ნოღაშ მახორობა 2011 წანაშ მუნაჩემეფით, 1 337 131 ადამიერს აკმადგინანს დო შეშჸურე ნოღა მასუმა ონოღე აგლომერაცია რე ბჟაეიოლ ინდოეთის კოლკატაშ დო პატნაშ უკული. ინდოეთიშ თი 53 ნოღაშ შქას, ნამუშ მახორობა 1 მლნ-შე მეტი რე, ჯამშედპური 36-ა აბანს რე.^[1] ნოღა იდვალუაფუ ჩჰოტა-ნაგპურიშ პლატოს დო ელმოლს გოხურგელი რე პეიზაჟური დალმაშ გეფით. ნოღას ოორუეშე დო ბჟადალშე უხურგანს წყარმალუეფი — სუბარნარეხა დო ხარკაი.

ჯამშედპური ბჟაეიოლ ინდოეთიშ თარი ინდუსტრიული ცენტრი რე. თაქ იდვალუაფუ მიარე ორეწუე საწარმე, თაშნეშე უდიდაში ინდური ორეწუე ზონა ადიტიაპური, ნამუთ 1 200 მოღცილ დო ოშქაშე ზჷმაშ წარმებას იკენს.

ინდოეთიშ თარობაქ, 2010 წანაშ მოშინაუს, ჯამშედპური ქიანაშ მა-7 არძოშე სუფთა ნოღათ მიშინუ.^[2] 2007 წანაშ მოშინას, ნოღა ინდოეთიშ მა-7 უდიდარაში ნოღა რდჷ. თაშნეშე, მერჩქინელი რე 2006-2020 წანეფიშ მოსოფელს 84-ა არძოშე მალასიანი მაძინე ნოღათ.^[3]