კაბადი

ვიკიპედია-შე
Jump to navigation Jump to search
Kabaddi pictogram.svg
კაბადიშ პიქტოგრამა
უმაღალაში ორგანო კაბადიშ საირქიანო ფედერაცია
მეტჯოხო Kaudi, Pakaada, Hadudu, Bhavatik, Saadukuda, Hu-Tu-Tu, Himoshika
მაართა ლაჸაფი 1936 წანაშ ოლიმპიური ლაჸაფეფი
მახასიათაფალეფი
ტიპი ბუნური სპორტი, კონტაქტური სპორტი
არენა Kabaddi court
ქიანა/რეგიონი ინდოეთიშ სუბკონტინენტი, აზია

კაბადი — პოპულარული ბუნური დო უჯვეშაში ლაჸაფი აზიას, ნამუთ იკათუანს რკინაფაშ დო წაწაფიშ ელემენტეფს, ნამუსჷთ, არძაშე უკულაში ოთხი ვითოში წანაშ ისტორია უღუ. კაბადიშ გჷმაჭყაფალი რე ინდოეთი, დო მაართა ლაჸაფიქ საირქიანო დონეს იმანჯჷ დაკას 1985 წანას. 1990 წანას, კაბადი მიშეღეს პეკინს მანჯაფილჷ აზიურ ლაჸაფეფიშ პროგრამაშა, თიმ ბორჯიშე კაბადი რე რეგულარული სპორტული დისციპლინა აზიურ ლაჸაფეფს. ოსურეფს შქას კაბადიშ მაართა საირქიანო არკინაფაქ იმანჯჷ გუანჯოუს, 2010 წანას.

ლაჸაფიშ წესეფი[რედაქტირაფა | წყუშ რედაქტირაფა]

ლაჸაფიშ წესით, ლაჸაფენს ჟირი ბუნა, ნამუსჷთ ირს 12 მოლაჸაფე რე (7 მოლაჸაფე ოლაჸაფე ვეს დო 5 — რეზერვს), იკენა ოლაჸაფე ვეშ 12,5 მ х 10 მ ზჷმაშ ფართობის ჟირ ართიანიშ აწმარენჯი აბანს, ნამუთ შქას გორთილი რე ღოზით. ლაჸაფი თით იჭყაფუ, ნამჷ-და ართი ბუნა უტენს „გემანთხაფალს“ გჷმართალ ღოზშა, ნამუთ ხეონწუე მომენტის მინმირულე (ტაკტიკურო მინმურს) მაჟირა (აწმარენჯი) ბუნაშ ტერიტორიაშა (ოლაჸაფე ვეშ მაჟირა ნორთშა). სოიშახ თინა („გემანთხაფალი“) თექ რე (აწმარენჯი ბუნაშ ოლაჸაფე ვეს (ტერიტორიას)), თინა უმეჭყვიდურელო იძახუ (ღვარანს): „კაბადი! კაბადი!“, მარა აწმარენჯი ბუნაშ ტერიტორიას თის („გემანთხაფალს“) შეულებუ თეიშახ რინა, სოიშახ შეულებუ ძახინი (ღვარაფი), შურიშღალაშ ეშაკაჩუაშ უმუშო. თიში („გემანთხაფალიშ“) ეშაჩინებუ რე — სოიშახ თინა იძახუნ (ღვარანსინ) — ხეთ ვარდა კუჩხით ქაწაწას აწმარენჯი ბუნაშ მოლაჸაფეს (ართის ვარდა მუსხირენს) დო ირტას მუში ტერიტორიაშა (ოლაჸაფე ვეშ ნორთშა). თუ თინა („გემანთხაფალი“) ოხვილჷ შურიშღალაშ ეშაკაჩუას-და, თიქ ოკო ირტას, თიშ გეშა ნამჷ-და ბუნას, ნამუშ ტერიტორიას თინა მილარენ, თიშ ჭოფუაშ ნება უღუ. თის („გემანთხაფალს“) შეულებჷ დუდიშ გოდუდიშულაფა, თუ ხეს ვარდა კუჩხის ქჷმიოჭირინუანს ოლაჸაფე ვეშ შქა გჷმარათალი ღოზის-და. აწმარენჯი ბუნაქ მაჟირა აწმარენჯი ბუნაშ „გემანთხაფალს“ ჟირშე ართი კო ოქიმინაფუას: ვარდა ქჷმიაწაწას დიხას, ვარდა გეშეკაჩას შური (შურ გეშაკაჩაფუას). თიშ უკული, მუთ „გემანთხაფალი“ ბუნაშ მოლაჸაფე წჷმოძინელო დირთუნ, მაჟირა აწმარენჯი ბუნაშ მოლაჸაფე, ნამუსჷთ „გემანთხაფალქ“ მიკაწაწუ ხე ვარდა კუჩხინ, ლაჸაფშე გიშმურს. თუ “გემანთხაფალი“ ოჭოფეს-და, თიმწკჷმა „გემანთხაფალიშ“ ბუნაშ ართ-ართი მოლაჸაფე გემანთხაფალო გჷნმირთუ. ლაყაფი იგჷნძორებუ თეიშახ, სოიშახ ართ-ართი ბუნა მუშ არძა მაკათურს მიოდინუანსჷნ (აკა ვადასქიდუნ).[1]

კაბადიშ მოსოფელიშ ჩემპიონატი[რედაქტირაფა | წყუშ რედაქტირაფა]

კაბადიშ ლაჸაფი
კაბადიშ ლაჸაფი

კაბადიშ მაართა მოსოფელიშ ჩემპიონატიქ იმანჯჷ 2004 წანას, გემაჸვენჯეფი — 2007, 2010 დო 2011 წანეფს. ოთხოლო ტურნირს გომორძგუალა მიპალუ ინდოეთიშ ნაკორობაქ. ირანიშ კაბადიშ ნაკორობაქ (2007 დო 2010 წანეფს) ჟირშა მიპალუ მაჟირა აბანი, 2004 დო 2011 წანეფს, პაკისტანიშ დო კანადაშ ნაკორობეფქ ვარჩხილიშ მენდალეფი მიპალუეს.

მოსოფელიშ ჩემპიონატეფიშ შედეგეფი:

წანა 1 აბანი 2 აბანი 3 აბანი
2011 ინდოეთიშ შილა
ინდოეთი
კანადაშ შილა
კანადა
პაკისტანიშ შილა
პაკისტანი
2010 ინდოეთიშ შილა
ინდოეთი
პაკისტანიშ შილა
პაკისტანი
კანადაშ შილა
კანადა
2007 ინდოეთიშ შილა
ინდოეთი
ირანიშ შილა
ირანი
ბანგლადეშიშ შილა
ბანგლადეში
იაპონიაშ შილა
იაპონია
2004 ინდოეთიშ შილა
ინდოეთი
ირანიშ შილა
ირანი
ბანგლადეშიშ შილა
ბანგლადეში
კანადაშ შილა
კანადა

მაკათური ქიანეფი

ქიანა 2004 2007 2010 2011
ავსტრალიაშ შილა ავსტრალია 7 13
არგენტინაშ შილა არგენტინა 9
ავღანეთიშ შილა ავღანეთი 13 9
ბანგლადეშიშ შილა ბანგლადეში 3 3
გოართოიანაფილი ომაფეშ შილა გოართოიანაფილი ომაფე 5 13 5 5
ვესტ-ინდოეთი 10 13
გერმანიაშ შილა გერმანია 10 7
ინდოეთიშ შილა ინდოეთი 1 1 1 1
ირანიშ შილა ირანი 2 2 9
ესპანეთიშ შილა ესპანეთი 7 7
იტალიაშ შილა იტალია 9 4 4
კანადაშ შილა კანადა 3 3 2
ყირგიზეთიშ შილა ყირგიზეთი 13
მალაიზიაშ შილა მალაიზია 10 5
ნეპალიშ შილა ნეპალი 7 5 11
ნორვეგიაშ შილა ნორვეგია 5
პაკისტანიშ შილა პაკისტანი 9 2 3
ააშ-იშ შილა ააშ 5 13
ტაილანდიშ შილა ტაილანდი 7 5
თურქმენეთიშ შილა თურქმენეთი 9
შრი-ლანკაშ შილა შრი-ლანკა 5 11
ობჟათე კორეაშ შილა ობჟათე კორეა 7 9
იაპონიაშ შილა იაპონია 5 3

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. პაკისტანიშ კულტურა დო ხელუანობა. დოარქივაფილი რე ორიგინალშე 2013-03-13-ს. კითხირიშ თარიღი: 2013-02-16.