კოჩი (ინდოეთი)
ნოღა
|
კოჩი (მალაიალამი. കൊച്ചി), კინოხ კოჩინი — თარი ონიშოლი ნოღა ინდოეთიშ ბჟადალ წყარპიჯიშ ღოზის, არაბეთიშ ზუღას. ნოღა იდვალუაფუ კერალაშ შტატის.
ნოღა კოჩიშა შხირას ერნაკულამი უჯოხონა, მუთ თიშ ბჟადალ ნორთის შანენს. ნოღას მართჷნს ონოღე მართუალა — 1967 წანას აკოქიმინელი კოჩინიშ კორპორაცია დო სამართალებური უჭყაფა, ნამუთ ნოღაშ გოვითარაფას კურირენს — დიდი კოჩიშ გოვითარაფაშ ომართუე, თაშნეშე გოშრიშ კოკეფიშ გოვითარაფაშ ომართუე.
კოჩი კერალაშ შტატიშ მაჟირა უდიდაში ნოღა დო უდიდაში ურბანული აგლომერაცია რე. კინე თე ბორჯის, ნოღა შტატის არძოშე მეჭედელო დოხორელი რე დო ორხველჷ დიდი კოჩინიშ რეგიონს.[1] ინდოეთიშ თარობაშე იკლასიფიცირებუ B-1 რანგიშ ნოღათ,[2] ნუთ შტატის უმაღალაში მაძირაფალი რე. კოჩი შტატის მაართა რე დინოხოლენი დო ოერეფოშქაშე ტურისტეფიშ მეღებაშ ჸურე.[3][4] ნილსენიშ კომპანიაქ ჟურნალ Outlook-ს, ნოღა კოჩი ინდოეთიშ მა-6 უუჯგუშაში ტურისტულ მიოწურაფალო გიშაგორჷ.[5]
ნოღა იდვალუაფუ შტატიშ ნანანოღა ტირუვანანტაპურამიშე 220 კმ-ით ოორუეშე. ახ. წ. 1102 წანას, კოჩი კოჩინიშ ომაფეშ ცენტრო გჷნირთჷ, ნამუთ კულაშეხარიშ იმპერიაშე გჷმორთჷ. XIV ოშწანურაშე ნოღა არაბეთიშ ზუღაშ დედოფალო დონათეს დო ნოღა თე ზუღაშ წყარპიჯის სუნელობეფით ვაჭარუაშ უშანულამაშ ცენტრის წჷმარინუანდჷ. 1503 წანას, კოჩი პორტუგალიაშ იმპერიაქ გეჭოფუ დო თი მაართა ევროპულ კოლონიათ გჷნირთჷ ინდოეთის. 1530 წანაშახ, კოჩი პორტუგალიაშ ინდოეთიშ თარ ცენტრო სქიდუდჷ, სოიშახ თე სტატუსი გოას გინაჩამუდჷნ. ნოღა უკულ ჰოლანდიარეფქ დო ბრიტანალეფქ გეჭოფეს.
თაშნეშე ქოძირით
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- ოფიციალური ვებ-ხასჷლა (Government of Kerala)
- ოფიციალური ვებ-ხასჷლა (Government of India)
- [2] (The Story of India: South India, Cochin, BBC)
სქოლიო
[რედაქტირაფა | წყუშ რედაქტირაფა]- ↑ Kochi Region Archived 2012-03-23 ვებ-ხასჷლას Wayback Machine.
- ↑ "Re-classification of cities/towns on the basis of 2001 Census – grant of House Rent Allowance(HRA) and Compensatory (City) Allowance(CCA) to Central Government employees". 2006. Ministry of Finance, Department of Expenditure. Government of India. 18 November 2004
- ↑ http://www.keralatourism.org/destination-wise-foreign-2010.pdf Archived 2017-07-11 ვებ-ხასჷლას Wayback Machine.
- ↑ Tourist statistics – 2008. Government of Kerala, Tourism Department. კითხირიშ თარიღი: 2010-10-22.
- ↑ [1] Kerala best Destination