ნუკუალოფა

ნუკუალოფა
	ნუკუალოფაშ ცენტრინუკუალოფაშ ცენტრი
ქიანა	ტონგა
კოკი	ტონგატაპუ
კოორდ.	21°08′00″ ობჟ. გ. 175°12′00″ ბჟად. გ. /
ცენტრიშ სიმაღალა	3 მ
კლიმატიშ ტიპი	ტროპიკული
მახორობა	23,221 კოჩი (2016)
ერუანული; აკოდგინალუა	ტონგალეფი (96 %)
ბორჯიშ ორტყაფუ	UTC+13, ზარხულს UTC+14
ტელ. კოდი	+676
	ნუკუალოფა

ნუკუალოფა (ინგლ. Nuku’alofa) — ტონგაშ ომაფეშ ნანანოღა დო ოხვისტე ნოღა. იდვალუაფჷ კოკი ტონგატაპუს. ნოღაშ მახორობა 2016 წანაშო 23,221^[1] ადამიერს აკმადგინანდჷ. თარო ოხორანა ტონგარეფი (96 %). ნოღას იდვალუაფუ ოზუღე ონიშოლი დო აეროპორტი. ნოღაშე გინმუღუნა კოპრა დო ბანანი.

ორთაშობური პიჯალეფი

ნუკუალოფა იდვალაუფუ ტონგაშ უდიდაში მანჯანიშ კოკი ტონგატაპუს. თე აბანს კლიმატი ტროპიკული ზუღაშ კლიმატი რე. წანაშ გოძვენას ჰეერიშ ტემპერატურა იძანძჷ +20 Cº-შე +26 Cº-შახ. არძაშე უმოსო ჩხე დო ლამე სეზონი იგჷნძორებჷ ქირსეთუთაშე პირელშამო. ატმოსფერული ნოლექეფიშ მუდანობა მოურს დოხოლაფირო 1500 მმ. ორთაშობური ჩანარი უმენტაშო წჷმორინაფილი რე ტროპიკული ტყალეფით, ბართვეფით დო პალმეფით.

ნოღაშ წუმოძინაშ ისტორია

მაართა ევროპალი, ნამუქჷთ 1643 წანას კოკ ტონგატაპუს კუჩხ გედგჷნ, ნიდერლანდარ მეზუღე აბელ ტასმან რდჷ. 1773 დო 1777 წანეფს, ნუკუალოფაშ ტერიტორიას ესურჷ ინგლისარ კაპიტან ჯეიმზ კუკიქ. დოხოლაფირო XIX ოშწანურაშ შქა ხანშო ტონგაშ კოკეფიშ ბუნეფქ აკიკათეს მაფაშ ხეშულობაშ გიმე, ნამუშათ 1900 წანას ხექ მიჭარინჷ ხეკულუაშა გოართოიანაფილ ომაფეწკჷმა ომეფაშე პროტექტორატიშ მიშაღალაშ გეშა. 1970 წანას, პროტექტორატიშ გოუქვაფაშ უკულ ქიანაქ ზოხორინელ სახენწჷფოთ გჷმიცხადუ დო ნუკუალოფაქ ტონგაშ ნანანოღაშ სტატუს მიპალჷ.

მახორობა, ნინა, რწუმა

ნოღაშ მახორობაშ მუდანობა — 23,221 ადამიერი (2016). ნოღას თარო ოხორანა ტონგარეფი (96 %). ჟირ ოფიციალურ ნინა რე — ტონგურ დო ინგლისური. მორწუმეეფი, უმენტაშო — მორმონეფ რენა.

კულტურული შანულობა

ტონგაშ ნანანოღაშ თარ ოქინაფუ რე 1867 წანას აკნაგებუ ომაფე დოხორე. ნოღაშ ელმოლს ასქილადირ რე ოკიანეთიშ ჯვეშ ცივილიზაციაშ დუდოთხილუე დგჷმილეფიშ აკნაცჷმეფ დო ჯვეშ ტონგარ არისტოკრატეფიშ ონთხორუეფი. ნოღას ანდა სქვამ პლაჟეფ რე. ჯოხოგოლაფირ რე ორქიდეაშ ანდა გვარობათ, ნამუეფჷთ ნოღაშ ხურგეფს ჩანსჷნ.

რესურსეფი ინტერნეტის

ნუკუალოფა — ენციკლოპედია ბრიტანიკა (ინგლისური)

სქოლიო

↑ Tonga: largest cities and towns and statistics of their population World Gazetteer (ინგლ.) (გერ.) (ფრანგ.) (ესპ.)

თე სტატია ტონგაშ დო ტონგალეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.

[1] Tonga: largest cities and towns and statistics of their population World Gazetteer (ინგლ.) (გერ.) (ფრანგ.) (ესპ.)

[1]