სოლომონიშ კოკეფი

სოლომონიშ კოკეფი
სოლომონიშ კოკეფი პჯნ. Solomon Aelan; სოლომონიშ კოკეფი
	დევიზი: „To Lead is to Serve“
	ჰიმნი: „God Save Our Solomon Islands“;
	სოლომონიშ კოკეფიშ ორენი
ნანანოღა; (დო უკაბეტაში ნოღა)	ჰონიარა; 9°28′ ობჟ. გ. 159°49′ ელ. გ. /
ოფიციალური ნინა(ეფი)	ინგლისური
რელიგია	97.4% ქირსიანობა 78.6% პროტესტანტიზმი; 19.5% კათოლიციზმი; 1.9% შხვა ქირსიანეფი; ; 1.2% ოკათე რელიგიეფი; 1.4% შხვა / კა ვარი; (2016)
თარობა	უნიტარულ საპარლამენტო კონსტიტუციურ მონარქია
ფართობი
მახორობა
ედპ (ჸუპ)	2024 ფასებათ
აგი (2023)	0.584 (ოშქაშე) (156-ა)
ვალუტა	სოლომონიშ კოკეფიშ დოლარი (SBD)
ბორჯიშ ორტყაფუ	UTC+11:00
ქიანაშ კოდი	SB
Internet TLD	.sb
ოტელეფონე კოდი	+677
	სოლომონიშ კოკეფიშ ინტერაქტიულ რუკა

ათე ხასჷლა რე მელანეზიას მადვალუ კოკ სახენწჷფოშ გეშა. არქიპელაგშენ, ნამუთ იკათუანს ბუგენვილსჷნ, ქძ. სოლომონიშ კოკეფი (არქიპელაგი).

ვეშქოჩირთან სოლომონიშ კოკეფ ვარ-და სოლომონიშ არქიპელაგშა.

სოლომონიშ კოკეფი^[4] (ინგლ. Solomon Islands, თაშნეშე ჩინებულ რე მუჭოთ სოლომონეფი,^[5] — კოკ სახენწჷფო ოკიანეთის, რჩქალი ოკიანეშ ობჟთე-ბჟადალშე, მელანეზიას, ნამუსჷთ უკებჷ სოლომონიშ არქიპელაგიშ კაბეტ ნორთი (უკაბეტაშ 6 კოკი) დო კანკალე შხვა კოკაშური ბუნეფი (1000-შე უმოს ძალამ მორჩილ კოკი). სოლომონიშ კოკეფიშ ფართობ რე 28 400კმ². 2023 წანაშ მუნაჩემეფით, მახორობაშ მუდანობა აკმადგინანს 734,887 ადამიერს. ქიანას ოზუღე ტერიტორიულ ხურგეფ უღჷ ბჟაეიოლშე პაპუა-ახალი გვინეაშ ბუგენვილიშ ავტონომიურ რეგიონი, ობჟათე-ბჟადალშე — ავსტრალია, ობჟათე-ბჟაეიოლშე — ახალ კალედონია დო ვანუატუ, ბჟაეიოლშე — ფიჯი, ტუვალუ დო უოლისი დო ფუტუნა, ოორუეშე — მიკრონეზიაშ ფედერაციულ შტატეფ დო ნაურუ. სოლომონიშ კოკეფიშ ნანანოღა დო უკაბეტაშ ნოღა რე ჰონიარა, ნამუთ იდვალუაფუ ქიანაშ უკაბეტაშ კოკ გუადალკანალს. ქიანაშ ჯოხოდვალა მოურს უმოს ფართო ტერიტორიაშე — სოლომონიშ კოკეფიშ არქიპელაგშე, ნამუთ წჷმარინუანს მელანეზიაშ კოკეფიშ ართობურობას, ნამუთ თაშნეშე იკათუანს ბუგენვილს (ასე რე პაპუა-ახალ გვინეაშ ტერიტორიულ ნორთი), მარა ვეკათუანს სანტა-კრუზიშ კოკეფს.

კოკეფ დოხორელ რე არძაშ უკულაშ ჯვ. წ. 30 000-შე 28 800 წანაშახ ბორჯის, მოგვიანეთ მიგრანტეფქ, გიშაკერზაფილო ლაპიტაშ კათაქ, ართიანს აკისვარეს დო გაჭყეს სოლომონიშ კოკეფიშ თეხანურ ჯინჯიერ მახორობა. 1568 წანას, ესპანარ მეზუღე ალვარო დე მენდანია რდჷ პირველ ევროპალ, ნამუქჷთ თინეფს ესურჷნ.^[6] თიშ უმკუჯინალო, ანდანე მენდანიას კოკეფშა მუშ ჯოხო ვეგუდვალჷნ, იკოროცხუ, ნამჷ-და კოკეფს „სოლომონიშ კოკეფ“ თინეფქ გიოდვეს, ნამუეფქჷთ მოგვიანეთ გეგეს მანდანიაშ შარალუაშ გეშა დო რუკას მოღანკეს თიშ მენაგორეფჷნ.^[7] მენდანიაქ მუსხირენ ვითწანურაშ უკულ, 1595 წანას კჷნ ესურ კოკეფს, მაჟირა ესპანურ ექსპედიციაქ, ნამუსჷთ დუდენდჷ პორტუგალიარ მეზუღე პედრო ფერნანდეს დე კეიროსი, სოლომონიშ კოკეფს 1606 წანას ესურჷ.

1893 წანაშ მანგის, ხვამარდ „კიურასაოშ“ კაპიტან ჰერბერტ გიბსონქ სოლომონიშ კოკეფიშ ობჟათე ნორთ გეგმაცხად ბრიტანეთიშ პროტექტორატო.^[8]^[9] მაჟირა მოსოფელიშ ლჷმაშ ბორჯის, სოლომონიშ კოკეფიშ კამპანიას (1942–1945) მიშჷ კონწარ ბურჯაფეფ აკოართაფილ შტატეფიშ, ბრიტანეთიშ იმპერიულ ნძალეფიშ დო იაპონიაშ იმპერიაშ შქას, თინეფს შქას გვადალკანალიშ ბურჯაფი.

თიმბორჯიან ბრიტანულ ადმინისტრაციაშ ოფიციალურ ჯოხოდვალა „ბრიტანეთიშ სოლომონიშ კოკეფიშ პროტექტორატიქ“ 1975 წანას დითირჷ „სოლომონიშ კოკეფით“, აიწორო დუდგამაგალაქ მეჭირინაფილქ იჸუ გეჸვენჯ წანას. 1978 წანას სოლომონიშ კოკეფქ ზოხორინალა მიპალჷ. ზოხორინალაშ მოპალუაშ უკულ სოლომონიშ კოკეფქ გეგმიქიმინჷ კონსტიტუციურ მონარქიათ. სოლომონიშ კოკეფიშ მაფა რე ჩარლზ III, ნამუთ ქიანას წჷმორინაფილი რე გენერალ-გუბერნატორით, თე ეკონია მუშჸურე დითმირჷნუაფუ პრემიერ-მინისტრიშ რეკომენდაციათ.

რესურსეფი ინტერნეტის

სოლომონიშ კოკეფი — ენციკლოპედია ბრიტანიკა

სქოლიო

↑ National Parliament of Solomon Islands Daily Hansard: First Meeting – Eighth Session Tuesday 9th May 2006 (2006). კითხირიშ თარიღი: 3 January 2019.
↑ Religions in Solomon Islands | PEW-GRF.
1 2 World Economic Outlook database (Solomon Islands). World Economic Outlook, April 2024. International Monetary Fund (April 2024). კითხირიშ თარიღი: 26 April 2024.
↑ Solomon Islands country brief. კითხირიშ თარიღი: 22 December 2022.
↑ John Prados, Islands of Destiny (ჭარაშ კოკეფი), Dutton Caliber, 2012, p,20 and passim
↑ Alvaro de Mendaña de Neira, 1542?–1595. Princeton University Library. კითხირიშ თარიღი: 8 February 2013.
↑ Alvaro de Mendan~a de Neira and Pedro Fernandes de Queirós. კითხირიშ თარიღი: 9 August 2022.
↑ (October 2014) "Chapter 6 The British Solomon Islands Protectorate: Colonialism without capital", The Naturalist and his "Beautiful Islands": Charles Morris Woodford in the Western Pacific. ANU Press. ISBN 978-1-925022-03-2.
↑ Commonwealth and Colonial Law by Kenneth Roberts-Wray, London, Stevens, 1966. P. 897

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

[1] National Parliament of Solomon Islands Daily Hansard: First Meeting – Eighth Session Tuesday 9th May 2006 (2006). კითხირიშ თარიღი: 3 January 2019.

[2] Religions in Solomon Islands | PEW-GRF.

[imf2-3] 1 2 World Economic Outlook database (Solomon Islands). World Economic Outlook, April 2024. International Monetary Fund (April 2024). კითხირიშ თარიღი: 26 April 2024.

[4] Solomon Islands country brief. კითხირიშ თარიღი: 22 December 2022.

[auto-5] John Prados, Islands of Destiny (ჭარაშ კოკეფი), Dutton Caliber, 2012, p,20 and passim

[Princeton_University_Library-6] Alvaro de Mendaña de Neira, 1542?–1595. Princeton University Library. კითხირიშ თარიღი: 8 February 2013.

[7] Alvaro de Mendan~a de Neira and Pedro Fernandes de Queirós. კითხირიშ თარიღი: 9 August 2022.

[BRL6-8] (October 2014) "Chapter 6 The British Solomon Islands Protectorate: Colonialism without capital", The Naturalist and his "Beautiful Islands": Charles Morris Woodford in the Western Pacific. ANU Press. ISBN 978-1-925022-03-2.

[9] Commonwealth and Colonial Law by Kenneth Roberts-Wray, London, Stevens, 1966. P. 897

[1]

[2]

[3]

[4]

[5]

[6]

[7]

[8]

[9]