დუდხასჷლა

მოზოჯით ვიკიპედიაშა!
ვიკიმედიაშ დუდიშული ანდანინამი ენციკლოპედია

21,605 სტატია მარგალურო

გეოგრაფია ისტორია საქორთუო რელიგია მენცარობა
ჯარალუა სპორტი ტექნიკა ხელუანობა

ანბანური ოგორუ · მარგალურ ვიკიპედიაშე · ოჩ@იე


გიშნაგორა სტატია კრიშტიანუ რონალდუ დუშ სანტუშ ავეირუ (პორტ. Cristiano Ronaldo dos Santos Aveiro; ევროპული პორტუგალიური: [kɾiʃˈtjɐnu ʁoˈnaɫdu] ( მორჩქილა); დ. 5 ფურთუთა 1985, ფუნშალი, პორტუგალია) — პორტუგალიარი მობურთე, პორტუგალიაშ ერუანული ნაკორობაშ გემანთხაფალი, საუდიშ არაბეთიშ ოკუჩხბურთე კლუბი ან-ნასრიშ კაპიტანი. ევროპაშ ჩემპიონი. იკოროცხუ არძა ბორჯიშ ართ-ართი არძაში უჯგუში მობურთეთ. კისეფ-იშ მუნაჩემეფით, კუჩხბურთიშ ისტორიას არძაშე უჯგუში ბომბარდირი დო RSSSF-შ მუნაჩემეფით — მაანთხა(ინგლ.)მარგ., არძაშე შედეგამი მობურთე ნაკორობაშ დონეს, თაშნეშე ესპანური კლუბი „რეალ მადრიდიში“. პორტუგალიაშ კუჩხბურთიშ ფედერაციაშით აღიარაფილი რე პორტუგალიაშ ფეხბურთიშ ისტორიაშ საუჯგუშო მობურთეთ. ისტორიას პირველი მობურთე რე, ნამუქჷთ შილებუ ინგლისიშ პრემიერ-ლიგაშ, ესპანური პრიმერაშ დო იტალიაშ სერია A-შ გომორძგუალა. აღიარაფილი რდჷ თე ტურნირეფიშ ირი სეზონიშ საუჯგუშო მოლაჸაფეთ დო ბომბარდირო. პროფესიული კარიერა დიჭყჷ პორტუგალიურ ოკუჩხბურთე კლუბი „სპორტინგის“, 2003 წანას გინორთჷ ინგლისურ ოკუჩხბურთე კლუბი „მანჩესტერ იუნაიტედიშა“, 2009 წანას — ესპანურ „რეალ მადრიდიშა“ (2013 წანშახ თე ტრანსფერიშ მუდანობა რეკორდული რდჷ კუჩხბურთიშ ისტორიას), 2018 წანას — იტალიურ „იუვენტუსიშა“. ანდაშა დეინალჷ France Football-იშ ორქოშ ბურთი (2008, 2016, 2017), ფიფაშ „ორქოშ ბურთი“ (2013, 2014) დო „ევროპაშ ორქოშ ბუცი“ (2008, 2011, 2014, 2015). კრიშტიანუ რონალდუ რე რეკორდსმენი ევროკლუბეფს მანჯებული მატჩეფიშ მუდანობათ, არძა ბორჯიშ ევროპული ტურნირეფიშ საუჯგუშო ბომბარდირი, უეფაშ ჩემპიონეფიშ ლიგაშ ისტორიას საუჯგუშო ასისტენტი დო რეკორდულო, შკვითშა რდჷ უეფაშ ჩემპიონეფიშ ლიგაშ სეზონიშ საუჯგუშო ბომბარდირი, ნამუეფშე ამშვის — მეჸუნელო: 2008 წანას, თაშნეშე 2013, 2014, 2015, 2016, 2017 დო 2018 წანეფს. მეჸუნაფილო მასუმა ჩემპიონეფიშ ლიგას გომორძგვილი რე „რეალ მადრიდიშ“ აკოდგინალუას დო გჷნირთუ პირველ მოლაჸაფეთ, ნამუქჷთ მიგჷ თე თასი ხუთშან. ქიგნაჯინით სტატიას... კანდიდატეფი შხვა გიშნაგორა სტატიეფი
გიჩქუდესო, ნამჷ-და...
ვიკიპედიაშ ახალი მასალეფშე: კოლხეთიშ ერუანული პარკიშ ართამი მიოჯინი ... იასონი დო არგონავტეფიშ გეშა მითოლოგიას ფიგურირენს კოლხეთიშ ერუანული პარკინ? ... 1802 წანაშ პირელს, ქორთუ ჟინოთალეფი, ნამუეფჷთ რუსეთიშით საქორთუოშ ანექსიაშ სააწმარენჯოთ გიშმეშესჷნ, ქართის მადვალი სიონიშ ოხიდას აკოშაყარეს, მუკი-მუკი რუსიშ ჯარი გორინელეფი აძვილეს რუსეთიშ საიმპერატორო გურგინიშ წჷმი დოფუჩაფან? ... იგოეთიშ გოხოლუას მანჯებული გონთხორუეფიშის მენაგორეფუ მუკნაჭარა, კავკაციაშ შხვა მიკნაჭარეფშე 1000 წანათ უმოსი ჯვეში რენ? ...წალენჯიხაშ ოკათედრე ოხიდა მოხანტილი რე XII-XIV ოო. ბიზანტიური პალეოლოგიური ხელუანობაშ ფრესკეფითინ? ... ერაყის მაართა სტამბა 1829 წანას ქორთული გამნარყიშ მამლუქიქ დაუდ-ფაშა გურჯიქ (დავით მანველაშვილი) დარსხუნ? ...დადიანეფიშ დოხორეს, ნამუთ XIX ო-აშ 80-ამ წანეფს რე ეგაფილი რუსი არქიტექტორიშ ლეონიდ ვასილიევიშითინ, საქორთუოს წჷმოსქილადირ დოხორეეფშე არძოშე დიდი ომეჯლისე დარბაზი უღუნ? ...ასოეფიშ — ჷ დო ჸ-შ ეკოროფუა ქორთულ კლავიატურას მარძგვანი Alt დო J დო მარძგვანი Alt დო Y კონჭეფიშ გენჭირათ შილებენ?.
დღაშ სურათი ნოღა ორტაშ პანორამა, არქიპელაგიშ ართ-ართი ნანანოღა აკოსერუაშის, მიოჯინი მონტე-დე-გუიაშე, კოკი ფაიალი, აზორიშ კოკეფი, პორტუგალია. ნოღა ორტაშ პანორამა, არქიპელაგიშ ართ-ართი ნანანოღა აკოსერუაშის, მიოჯინი მონტე-დე-გუიაშე, კოკი ფაიალი, აზორიშ კოკეფი, პორტუგალია. 📸 შხვა სურათეფი 📸

ახალი ამბეეფი
ბაშარ ალ-ასადი სირიას ბაშარ ალ-ასადიშ (სურათის) რეჟიმქ ქუდიხჷ. პარიზიშ დიაღორონთიშ ოხიდაქ ხუთი წანაშ კინოხ მოხვალამერი დაჩხირიშ უკული ხეახალშო გინწყჷ. რუმინეთიშ საკონსტიტუციო სასამართალოქ საპრეზიდენტო გიშაგორუეფიშ პირველი ტურიშ შედეგეფი გაუქვუ. საფრანგეთიშ ერუანული ასამბლეაქ მიშელ ბარნიეშ თარობას უნდებუობა გჷმუცხადუ. ნეტუმბო ნანდი-ნდაიტუა ნამიბიაშ პირველ ოსურ პრეზიდენტო გეგშაგორეს. ლიეტუვაშ პრემიერ-მინისტრო გინტაუტას პალუცკასიქ გჷნირთუ. მიმალი: ლიბანიშ ლჷმა • ისრაელ-ჰამასიშ ლჷმა • რუსეთიშ მინოკათუა უკრაინაშა (2022-ა. შ.) • სუდანიშ ომენოღალე ლჷმა (2023-ა. შ.)
ამდღანერი დღა ისტორიას
14 ქირსეთუთა — თე დღას... როალდ ამუნდსენი 1900 : მაქს პლანკიქ გჷმაბჟინუ ნახანდი კვანტურ მექანიკას. 1911 : ობჟათე პოლუსშა პირველ ექსპედიაციაქ ქენორთჷ რუალ ამუნდსენიშ (სურათის) დუდალათ. 1946 : გოეროშ გენერალური ასამბლეაქ, ხონარეფიშ უმენტაშობათ, შტაბ-ბინა ნიუ-იორკის დარსხჷ. 1958 : სხუნუეფიშ მა-3 ანტარქტიდული ექსპედიციაქ პირველაშე მიოჭირინჷ ელაზჷმაფათ უმუჭირინაფუ პოლუსის. 1962 : მონა ლიზა სადაზღვიო კომპანიეფქ $100 მილიონო დაფასეს, ნამუთ რეკორდული ფასებათ გჷნირთუ ფერჭარული ტილოშ ისტორიას. 1995 : დეიტონიშ აპიჯალაშა მიჭარინჷ ხექ პარიზის, ნამუშით გათჷ იუგოსლავიაშ ლჷმეფქ. 2004 : გინწყჷ მიიოშ ვიადუკიქ (ობჟ. საფრანგეთი), არშაძე უმაღალაში ხინჯიქ მოსოფელს. 📖 შხვა მოლინეფი 📖
ახალი სტატიეფი
რიჩარდ ფილიპს ფეინმანი (ინგლ. Richard Philips Feynman [ˈfaɪnmən]; დ. 11 მესი, 1918, ნიუ-იორქი ― ღ. 15 ფურთუთა, 1988, ლოს-ანჯელესი) — ამერიკალი ფიზიკოსი, ნობელიშ პრემიაშ ლაურეატი ფიზიკას (1965). 1943-1945 ბირთვული ანჯარიშ ქიმინუაშე მომუშე, მანჰეთენიშ პროექტიშ აქტიური მაკათური ლოს-ალამოსის, თაშნეშე რდჷ კოსმოსური შატლ „ჩელენჯერიშ“ კატასტროფაშ კჷლმაგორალი პანელიშ მაკათური. (ქიგნაჯინით სტატიას) ჭიჭე მაფასქირი (ფრანგ. Le Petit Prince) — ალეგორიული ნოველა; ფრანგი არისტოკრატიშ, ჭარუშ, პოეტიშ დო მაფურინეშ ანტუან დე სენტ-ეგზიუპერიშ არძოშე უმოსო ჩინებული ნახანდი. მაართათ გჷშეშქვინჷ 1943 წანას ნიუ-იორკის. ჭიჭე მაფასქირი ირიშენ უმოსი კითხირებული დო ირიშენ უმოსი თანგილი ფრანგულნინამი წინგი რე. საფრანგეთის თინა XX ოშწანურაშ საუჯგუშო წინგო აკირჩქინეს. გინოთანგილი რე 250-შე უმოსი ნინაშა დო დიალექტშა (თინეფ შქას ბრაილშა), მოსოფელიშ მასშტაბით გიმოჩამილი რე 140-შე უმოსი ეგზემპლარი დო წჷმარინუანს ირი ბორჯიშ ართ-ართი წჷმოძინელ ბესთსელერს. (ქიგნაჯინით სტატიას) ერნესტო რაფაელ გევარა დე ლა სერნა (დ. 14 მანგი, 1928 — ღ. 9 გჷმათუთა, 1967) — ოირკოჩეთ ჩინებული, მუჭოთ „ჩე გევარა“, ვარა „ელ ჩე“ რდჷ არგენტინალი ექიმი, მარქსისტი რევოლუციონერი, პოლიტიკოსი, კუბაშ პარტიზანული ლიდერი. (ქიგნაჯინით სტატიას) ფრიდრიხ ავგუსტ ფონ ჰაიეკი (დ. 8 მესი. 1899, ვენა — ღ. 23 მელახი. 1992, ფრაიბურგი, ბადენ-ვიურტემბერგიშ აკანს) ავსტრიალი ეკონომისტი. გათუ ვენაშ უნივერსიტეტი (1921). რდჷ ავსტრიაშ ეკონომიური რკვიეფიშ ინსტიტუტიშ დირექტორი (1927-1931), ლონდონიშ (1931-1950), ჩიქაგოს (1950-1962), ფრაიბურგიშ (1962-1969) უნივერსიტეტეფიშ პროფესორი, 1970-შე ზალცბურგიშ (ავსტრია) უნივერსიტეტიშ პროფესორ-კონსულტანტი. (ქიგნაჯინით სტატიას)