ობჟათე გვერდოსფერო

ობჟათე გვერდოსფერო გიშართილი რე მოჸვინთალო ფერით..

ობჟათე გვერდოსფერო. მოჩქუ ობჟათე პოლუსშე

ობჟათე გვერდოსფერო (ინგლისურნინამ ლიტერატურას: ობჟათე ჰემისფერო) — დიხაუჩაშ ნორთი, ნამუთ ეკვატორიშ ობჟათეშე იფაჩუ. ობჟათე გვერდოსფერო იკენს ანტარქტიდაშ, ავსტრალიაშ, ობჟათე ამერიკაშ დიდ ნორთის დო აფრიკაშ ობჟათე მუნაკვათის, ოკიანეთიშ დიდ ნორთის, თაშნეშე ატლანტიშ, ინდოეთიშ დო რჩქალ ოკიანეეფიშ ობჟათე ტერიტორიას, თაშ ჯოხოდვალირი ობჟათეშ ოკიანეს. თეშ მოხ, ობჟათე გვერდოსფეროშ დორხველობას რე აზიაშ კონტინენტიშ დორხველური კოკეფი, თინეფს შქას მალაიშ არქიპელაგიშ გორკვიაფილი ნორთი.

ზარხული თაქ ქირსეთუთაშე მელახშა რე, ზოთონჯი - მანგიშე დო ეკენიაშამო იგჷნძორებუ. 22 ვარდა 23 ეკენია აფუნიშ ბუნიობაშ თუთეფი რე, 20 ვარდა 21 მელახი - დამორჩილიშ ბუნიობაშ თუთეფი. კლიმატეფი ზომიერ ხასიათიშ რე, გჷმნარკი რე ანტარქტიდა, ნამუშ ჰავა არქტიკაშ კლიმატშე უმოსი რგილი რე. თენა თით ეინწყუმუ, ნამჷ-და ობჟათე გვერდოსფეროს ელაზჷმათ უმოსი წყარი რე, ვინემ სქირონა, მუშ გეშათ წყარი გოტიბაფას დო გორგილაფას ელაზჷმაფათ დიდხანს იკორინუანს, ვინდარო სქირონა.

ოორუე გვერდოსფეროწკჷმა ალაზჷმაფათ, ობჟათე გვერდოსფერო მერკეთ რე დოწინდარებული, მუთ მერჩხე ოხორუეფით (მოსოფელიშ მახორობაშ 10-12% ობჟათე გვერდოსფეროშა მოურს) დო მერკე ინდრუსტრიალიზაციათ რე გოპიჯალსფირი.

ირფელწკჷმა ართო ობჟათე გვერდოსფეროშო ვარე დჷმახასიათაფალი ლინგვისტური მიარეფერუამობა. მახორობა ხვალე 5 ნინაშა რაგადანს: პორტუგალიურ, ინგლისურ, ესპანურ, ფრანგულ ვარდა ინდონეზიურ ნინეფშა.

ობჟათე გვერდოსფეროს ციკლონეფი დო ტროპიკული შტორმეფი ირთანს სათიშ ისარიშ მეჯინათ. ობჟათე ზომიერი ორტყაფუეფი დახე ედომუშამო ოკიანური რე. ეშანილი ზონა აკმაართიანენს: ურუგვაის, ლესოთოს, ესვატინის დო ახალ ზელანდიას; ჩილეშ, არგენტინაშ, ობჟათე აფრიკაშ დო ავსტრალიაშ დიდ ნორთის; პარაგვაიშ, ბრაზილიაშ, ნამიბიაშ, ბოტსვანაშ, მოზამბიკიშ დო მადაგასკარიშ ნორთეფს. ობჟათე პოლუსი ორიენტირებული რე გალაქტიკურ ცენტრშა.

ჩილეს დო ახალ ზელანდიას მუთმოფხვადჷნა უნიკალური წიფურიშ გვარობეფი, თაშ ჯოხოდვალირი ნოთოფაგუსი. ევკალიპტი ჩანს მუჭოთ ავსტრალიას, თეშ ობჟათე აფრიკასჷთ დო ლათინურ ამერიკასჷთ.

ქიანეფი დო ტერიტორიეფი

აფრიკა ედომუშამო ანგოლა ბოტსვანა ბურუნდი კომორიშ კოკეფიშ რსხუ ლესოთო მადაგასკარი მალავი მავრიკი მოზამბიკი ნამიბია რუანდა სეიშელიშ კოკეფი ობჟათე აფრიკაშ რესპუბლიკა ესვატინი ტანზანია ზამბია ზიმბაბვე მეტმერკეთ კონგოშ დემოკრატიული რესპუბლიკა გაბონი კონგოშ რესპუბლიკა ნაწილობრივ ეკვატორული გვინეა კენია სომალი სან-ტომე დო პრინსიპი უგანდა

აზია ედომუშამო ბჟაეიოლი ტიმორი მეტმერკეთ ინდონეზია ნორთობურო მალდივიშ რესპუბლიკა ავსტრალია ედომუშამო ავსტრალია პაპუა-ახალი გვინეა ობჟათე ამერიკა ედომუშამო არგენტინა ბოლივია ჩილე პარაგვაი პერუ ურუგვაი მეტმერკეთ ბრაზილია ეკვადორი ნორთობურო კოლუმბია

რჩქალი ოკიანე ამერიკაშ სამოა (ააშ) კუკიშ კოკეფი (ახალი ზელანდია) თანაფაშ კოკი (ჩილე) ფიჯი საფრანგეთიშ პოლინეზია (ტაიტი) (საფრანგეთი)  ეკვადორი გალაპაგოსიშ კოკეფი (ეკვადორი) ჯერვისი (ააშ) ხუან-ფერნანდესიშ კოკეფი (ჩილე) ნაურუ ახალი კალედონია (საფრანგეთი) ახალი ზელანდია ნიუე (ახალი ზელანდია) კერმადეკიშ კოკეფი (ახალი ზელანდია) პიტკერნიშ კოკეფი (გოართოიანაფილი ომაფე) სამოა სოლომონიშ კოკეფი სუეინსი (ააშ) ტოკელაუ (ახალი ზელანდია) ტონგა ტუვალუ ვანუატუ უოლისი დო ფუტუნა (საფრანგეთი) ნორთობურო კირიბატი

ატლანტიშ ოკიანე ფოლკლენდიშ კოკეფი (გოართოიანაფილი ომაფე) წიმინდე ელენეშ კოკი (გოართოიანაფილი ომაფე) ტრისტან-და-კუნია (გოართოიანაფილი ომაფე) ინდოეთიშ ოკიანე ბრიტანეთიშ ინდოეთიშ ოკიანეშ ტერიტორია (გოართოიანაფილი ომაფე) მაიოტა (საფრანგეთი) რეიუნიონი (საფრანგეთი) ობჟათეშ ოკიანე ბუვე (ნორვეგია) კერგელენი (საფრანგეთი) ახალი ზელანდიაშ სუბანტარქტიკული კოკეფი (ახალი ზელანდია) სენ-პოლი დო ამსტერდამი (საფრანგეთი) ობჟათე გეორგია დო ობჟათე სენდვიჩიშ კოკეფი (გოართოიანაფილი ომაფე) ობჟათე ორკნეიშ კოკეფი

თაშნეშე ქოძირით

• დიხაუჩაშ გვერდოსფეროეფი
• ოორუე გვერდოსფერო