რუანდა

რუანდაშ რესპუბლიკა
რუანდაშ რესპუბლიკა Repubulika y'u Rwanda (კინიარუანდა); République du Rwanda (ფრანგ.); რუანდა
	დევიზი: "Ubumwe, Umurimo, Gukunda Igihugu"; "ართობა, ხანდა, პატრიოტიზმი"
	ჰიმნი: Rwanda nziza; სკვამი რუანდა; ;
	რუანდაშ ორენი
ნანანოღა; (დო უკაბეტაში ნოღა)	კიგალი; 1°57′ ობჟ. გ. 30°04′ ელ. გ. /
ოფიციალური ნინა(ეფი)	კინიარუანდა, ფრანგული, ინგლისური
თარობა	გვერდო საპრეზიდენტო კონსტიტუციური რესპუბლიკა
ფართობი
მახორობა
ედპ (ჸუპ)	2015 ფასებათ
აგი (2013)	0.506 (დაბალი) (151-ა)
ვალუტა	რუანდული ფრანკი (RWF)
ბორჯიშ ორტყაფუ	(UTC +2სთ.)
ქიანაშ კოდი	RWA
Internet TLD	.rw
ოტელეფონე კოდი	+250

რუანდაშ რესპუბლიკა (1991 წანაშახ — რუანდული რესპუბლიკა, ფრანგ. République Rwandaise) — სახენწჷფო ბჟაეიოლ აფრიკას. რუანდას ბჟადალშე უხურგანს კონგოშ დემოკრატიული რესპუბლიკა, ოორუეშე - უგანდა, ბჟაეიოლშე - ტანზანია დო ობჟათეშე - ბურუნდი. ქიანას ქჷნდჷრამი აკანეფიშ სიბრელეშ გეშა მეტჯოხო უღუ ვითოში ქჷნდჷრიშ დიხა (ფრანგ. Pays des Mille Collines, კინიარუანდა - Igihugu cy’Imisozi Igihumbi). ქიანა მოსოფელს რჩქინელი რე 1994 წანას მოხვალამირი გენოციდიშ გეშა. ქიანაშ ნანანოღა - კიგალი.

გეოგრაფია

რუანდა იდვალუაფუ აფრიკაშ ცენტრის, ეკვატორშე არხოს ობჟათეჸურე. ბჟადალშე მახურგე კონგოშ დემოკრატიულ რესპუბლიკაწკჷმა იდვალუაფუ კივუშ ტობა დო წყარმალუ რუზიზი, ნამუთ ბჟაეიოლი აფრიკაშ აკოცჷმაშ ღოზიშ ნორთი რე. ქიანაშ ცენტრის იდვალუაფუ თიში ნანანოღა — კიგალი.

რუანდაშ რელიეფი თარო აკმოდირთუ ოშქაშე სიმაღალაშ გეფით, ბჟადალი ხურგას სიმაღალე უცმას ელმურს კივუშ ტობაშ დო წყარმალუ რუზიზიშ წყარპიჯეფშა, ბჟაეიოლშე ჭიეჭიეთ იკუნტარებუ ტანზანიაშ მალობათ, სოდეთ თარო იდვალუაფუ დოლოეფი დო ჭყენჭყეფი. რუანდას იდვალუაფუ წყარმალუ ნილოსიშ კანკალე ნადუ.

წყარმალუ ნილოსიშ დო კონგოშ ღანჩოეფი რუანდაშ ტერიტორიას ხოლო რე. არძოშე დიდი ტობა რე — კივუშ ტობა, ნამუთ აფრიკაშ აკა ტობა რე, სოდეთ ვა ხე ნიანგეფი. ქიანაშ ობჟათეშე დო ბჟაეიოლშე რსებენს მორჩილი ტობეფიშ ბუნა (თექ ნიანგეფი ხე).

კლიმატი

კლიმატი — სუბეკვატორული, ზუღაშ დონეშე შანულამი სიმაღალაშ გეშა სეზონურო ლამე დო ქექე რე. კიგალსა (1550 მეტრ სიმაღალას) თუთაშ ოშქაშე ტემპერატურა ედომუშამი წანაშ გოძვენას აკმადგინანს 17-21 °C-ს. ნოლექეფი დოხოლაფირო 1000—1500 მმ რე წანმოწანას. სქირე სეზონი — მანგიშე ეკენიაშამო.

ფლორა დო ფაუნა

ჩანარობა — თარო სავანა, გვალეფიშ კართეფს ლამე ტროპიკული ტყალეფი.

ჩხოლარეფიშ ორენი დახე მოჯალაგერი რე. არძოშე დიდი ჩხოლარეფი (ანტილოპეფი, კამბეშეფი, ხვალოქა, ზებრეფი, ნჯილოეფი, მუნჭყვეფი, ბეჰემოთეფი, ნიანგეფი, გორილეფი) ასქილადირი რე ხვალე ტყაჩირეფს.

თაშნეშე ქოძირით

რესურსეფი ინტერნეტის

რუანდაშ ისტორია Archived 2008-12-01 ვებ-ხასჷლას Wayback Machine.
გენოციდი რუანდას
რუანდა. ვითოში ქჷნდჷრიშ ქიანა
რუანდაშ უახალაში ისტორიაშ მასალეფი^{[ღურელი რსხილი]}.

სქოლიო

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.