არაბი ქირსიანეფი

	სტატიეფი თემატიკაშე; არაბეფი
კულტურა
	ლიტერატუტა · ჭარალუა · კალიგრაფია · მუსიკა · ჯოხოეფი · საგესქუო · ესთეტიკა
ეთნოგრაფიული ბუნეფი დო ისტორიული ართობეფი
	ალჟირალეფი · ბაჰრეინალეფი · ეგვიპტარეფი · იემენარეფი · ისრაელიშ არაბეფი · იორდნალეფი · ერაყალეფი · ირანალი არაბეფი · კატარალეფი · ქუვეითარეფი · ლიბიარეფი · მავრეფი · მაროკოალეფი · ომანარეფი · პალესტინარეფი · საუდარეფი · მორჩილაზიარი არაბეფი (ტაჯიკი არაბეფი) · სირიალეფი · სუდანარი არაბეფი · ტუნისარეფი · თურქი არაბეფი
დიასპორა; (მოჯგირე კათეფი)
	ბაგარეფი · დრუზეფი · ურიეფი · კოპტეფი · შრი-ლანკარი მავრეფი · მალტარეფი · მარონიტეფი · მარისკეფი
ნინა
	არაბული ნინეფი დო დიალექტეფი · კლასიკური არაბული · ოლიტერატურე ნინა · არაბული არაბული · ეგვიპტურ-სუდანური არაბული · ერაყული არაბული · მაღრიბული ნინა · სირიულ-პალესტინური არაბული · მორჩილაზიური არაბული
არაბული ქიანეფი
	ალჟირი · ბაჰრეინი · ჯიბუტი · ეგვიპტე · ბჟადალი საჰარა · იემენი · იორდანია · ერაყი · კატარი · კომორი · ქუვეითი · ლიბანი · ლიბია · მავრიტანია · მაროკო · არაბეფიშ გოართოიანაფილი საამიროეფი · ომანი · პალესტინა · საუდიშ არაბეთი · სირია · სომალი · სუდანი · ტუნისი
რელიგია
	ისლამი (სუნიზმი • შიიზმი) · ქირსიანობა · მითოლოგია
შხვადოშხვა
	პანარაბიზმი · არაბული ქიანეფიშ ლიგა · დოჸუნალობეფი · არაბიზაცია · ნაციონალიზმი
	;
	ძ • ს • რ

არაბი ქირსიანეფი (არაბ. مسيحيون عرب‎‎) — ეთნიკური არაბეფი, ნამუეფით ქირსიანობაშ გემაჸვენჯეფი რენა.

კონფესიური დორხველობა[რედაქტირაფა | წყუშ რედაქტირაფა]

გვალო არხო ბჟაეიოლს დო ოორუე აფრიკას 28 ქირსიანული კონფესია რე, ნამუსჷთ დოხოლაფირო 15 მილიონი მორწუმე ჸუნს. თენეფი რე: კოპტეფი, მართლმადიდებელეფი (ორხველჷნა ანტიოქიაშ მმართლმადიდებლური ოხვამეს, იერუსალიმიშ მართლმადიდებლური ოხვამეს, ალექსანდრიაშ მართლმადიდებლური ოხვამეს), მარონიტეფი (მიარე მარონიტი, თიშ უმკუჯინალო, ნამჷ-და არაბულ ნინაშა რაგადანან, მუნეფიშ დუდი არაბეფო ვემიოჩქჷნა, მუნეფიშ დუდი ფინიკიარეფიშ განმნარყო მიოჩქჷნა^[1]), მელკიტეფი, ქალდეეფი, სირიალ-იაკობისტეფი, კათოლიკეეფი, პროტესტანტეფი, სირიალ-კათოლიკეეფი, ბჟაეიოლიშ ასურული ოხვამეშ გემაჸვენჯეეფი. არხო ბჟაეიოლს არძაშე უმოსი არაბი ქირსიანეფი ოხორანა ეგვიპტეს, ლიბანს დო სირიას^[2].

მუდანობა[რედაქტირაფა | წყუშ რედაქტირაფა]

ასიან ბორჯიშო თი არაბი ქირსიანეფიშ მუდანობა, ნამუეფით არაბულ ქიანეფს ოხორანანს, ჭიეჭიეთ რკებულენს, დო ააშ-ს, კანადას, ავსტრალიას დო ბჟადალ ევროპაშ ქიანეფს (თარო საფრანგეთის დო გოართოიანაფილ ომაფეს) იძინანს. კერზოთ, ააშ-ს დოხოლაფირო 4 მილიონი არაბულ ქიანაშე გიშულირი ოხორანს, დო თინეფიშ უმენტაშობა — არაბი ქირსიანეფი რენა. ხოლო ლათინური ამერიკაშ ქიანეფს შხუ არაბი ქირსიანეფიშ ჯარალუეფი რსებენს. უმოსო არგენტინას, სოდე, შხვადოშხვა მუნაჩემეფით, გვერდ მილიონშე 1 მილიონშა არაბი ქირსიანი ოხორანს. ხოლო არაბი ქირსიანეფიშ შხუ ჯარალუეფი რე ბრაზილიას, ურუგვაის დო ვენესუელას, თაშნეშე აფრიკაშ კანკალე ქიანას (კერზოთ ნიგერიას).

XX ოშწანურაშ 70-იან წანეფს არაბი ქირსიანეფი (მაართა რანწკის მარონიტეფი) ლიბანიშ მახორობაშ უმენტაშობას აკმადგინანდეს. ასეიან ბორჯიშო, თინეფიშ უდანობა მილიონშე უმოსი ვარე. არაბი ქირსიანეფიშ შანულამი ჯარალუა სირიას ოხორანს, ხოლო ისრაელს დო იორდანიას. ერაყის, 1990 წანაშ მუნაჩემეფით 1 მილიონი ქირსიანი ოხორანდჷ. Вასიან ბორჯიშო (2005) — მილიონ დო გვერდშე უმოსი რე.

არაბულ ქიანეფს ქირსიანული მახორობაშ წილიშ ბიწორი რკებაშ ჟირი ბაძაძი რსებენს. თინეფშე ართ-ართი რე — შანულამო დაბალი დაბადება ევროპიზაფილ არაბ ქირსიანეფს შქას თინეფიშ მულიმანი წორომოღალეეფწკჷმა ალაზჷმაფათ. კერზოთ, ისრაელშე არაბი ქირსიანეფიშ შანულამი ემიგრაცია დღას ვაჸოფე, მარა, თეწკჷმა ართო, თინეფიშ მუდანობაშ წილი ქიანაშ არაბული მახორობა ბიწორას რკებულენს. ისრაელიშ სახენწჷფოშ გოჭყაფაშ მომენტიშ, თე ქიანაშ არაბი ქირსიანიშ დო მუსლიმანიშ პროპორცია ართი ოთხწკჷმა აკმადგინანდჷ. 2000 წანას, არაბი ქირსიანეფი ისრაელიშ არაბი მახორობაშ დოხოლაფირო 7%-ის აკმადგინადჷ — ნამუთ დოხოლაფირო 120,000 ადამიერი რე, 2018 წანაშო, არაბი ქირსიანეფიშ მუდანობაქ ისრაელს 1,3% აკადგინჷ, ნამუთ დოხოლაფირო 134,130 ადამიერი რე. წყარმალუ იორდანეშ ბჟადალი წყარპიჯის დო ღაზაშ სექტორს, სოდე იძირებე არაბი ქირსიანეფიშ მასობური ემიგრაცია, თინეფიშ მახორობაშ მუდანობაშ წილიშ შანულამო დიდი რე. ღაზაშ სექტორს დო წყარმალუ იორდანეშ ბჟადალი წყარპიჯის 50 წანაშ გოძვენას ქირსიანეფიშ მუდანობაქ დერკჷ პალესრინარეფიშ საართო მუდანობაშ 22%-შე 1-2%=-შახ დო რკებას აგჷნძორენს. 1993 წანაშ ოთინჩალე აპიჯალაშახ, ნამუშ მეჯინათ ბეთლემქ პალესტინაშ ავტონომიაშ კონტროლშა გეგნორთჷნ, ბეთლემს არაბი ქირსიანეფი უმენტაშობას აკმადგინანდეს, ასე თინეფი — მახორობაშ ნასუმორშე მორჩილი რე. ემიგრაციაშა მაულარეფიშ უმენტაშობა — არაბი ქირსიანეფი რენა (ქძ. პალესტინარი ქირსიანეფი).