იორდანია

იორდანიაშ ჰაშიმიტური ომაფე
იორდანიაშ ჰაშიმიტური ომაფე المملكة الأردنية الهاشمية; იორდანია
	დევიზი: არაბ. الله، الوطن، الملك‎‎; „ალაჰი, ქიანა, მაფა“
	ჰიმნი: არაბ. السلام الملكي الأردني‎‎; მარგ. იორდანიაშ ომაფე ჰიმნი); ;
	იორდანიაშ ორენი
ნანანოღა; (დო უკაბეტაში ნოღა)	ამანი; 31°57′ ოორ. გ. 35°56′ ელ. გ. /
ოფიციალური ნინა(ეფი)	არაბული
რელიგია	95% სუნიტური ისლამი (ოფიციალური) ; 3% ქირსიანობა ; 1% დრუზეფი, ბაჰაიზმი; 1% შხვა
თარობა	უნიტარული კონსტიტუციური მონარქია
ფართობი
მახორობა
ედპ (ჸუპ)	2023 ფასებათ
აგი (2022)	0.736 (ოშქაშე) (99-ა)
ვალუტა	იორდანიული დინარი (JOD)
ბორჯიშ ორტყაფუ	UTC +2სთ
ქიანაშ კოდი	JOR
Internet TLD	.jo; .الاردن
ოტელეფონე კოდი	+962

იორდანია,^{[კომ. 1]} ოფიციალურო იორდანიაშ ჰაშიმიტური ომაფე,^{[კომ. 2]} — სახენწჷფო ბჟადალი აზიაშ ობჟათე ლევანტიშ რეგიონს. იორდანიას ოორუეშე უხურგანს სირია, ბჟაეიოლშე — ერაყი, ობჟათეშე — საუდიშ არაბეთი, ბჟადალშე — ისრაელი დო პალესტინაშ ოკუპირებული ტერიტორიეფი. ღურელ ზუღაშა ინმაკათე წყარმალუ იორდანე იდვალუაფუ ქიანაშ ბჟადალი ხურგიშ მანგას იორდანიაშ რიფტიშ ლეხერს. იორდანიას ობჟათე-ბჟადაშე მორჩილი წყარპიჯიშ ღოზი უღჷ ჭითა ზუღას, ეგვიპტეშე გიშართილი რე აკაბიშ ჸუჯით. ამანი რე ქიანაშ ნანანოღა უკაბეტაში ნოღა დო ლევანტიშ რეგიონიშ არძაშე დოხორელი აბანი.

ტრანსიორდანიაშ ტერიტორიას, ნამუთ დოხორელი რე დიო ხოლო პალეოლითიშ ბორჯიშე, რკინაშ ხანას გიჭყჷ სუმი ომაფექ: ამონი, მოაბი დო ედომი. ჯვ. წ. III ოშწანურას არაბი ნაბატალეფქ ქუდარსხუეს მუნეფიშ ომაფე, ნამუშ ცენტრი რდჷ პეტრა. ბერძენულ-რომაულ პერიოდის ტრანსიორდანიას გიჭყჷ მუსხირენი ნოღაქ, ნამუეფჷთ დეკაპოლისიშ აკოდგინალაუშა მიშმეშეს. მოგვიანეთ, ბიზანტიური გამაგალაშ თებაშ უკული, რეგიონი გეჸვენჯი ისლამური სახალიფოეფიშ აკოდგინალაუშა მიშმეშჷ: რაშიდუნეფი, ომაიენფი, აბასიანეფი დო ოსმალეთიშ იმპერია. 1916 წანაშ კაბეტი არაბული ებუძოლიშ უკილი, პირველი მოსოფელიშ ლჷმაშ ბორჯის, ჸოფირი ოსმალეთიშ სირიაქ გორთილქ იჸუ, ნამუშეთ 1921 წანას გიჭყჷ ტრანსიორდანიაშ საამიროქ დო ბრიტანეთიშ მანდატიშ გიმე რდჷ. 1946 წანას, ქიანაქ მიპალჷ ზოხორინალა დო ოფიციალურო ჯოხოიდვალუაფუდჷ მუჭოთ იორდანიაშ ჰაშიმიტური ომაფე.^{[კომ. 3]} 1948 წანას, პალესტინაშ ლჷმაშ მალობაშის, იორდანიაქ ბჟადალი წყარპიჯი გეჭოფუ დო ანექსია იქჷ, 1967 წანას ისრაელქ თე ტერიტორიაშ ოკუპაცია იქჷ. 1988 წანას, იორდანიაქ ივარუ თე ტერიტორიეფშენ პრეტენზიეფიშ ღვენა პალესტინარეფწკჷმა დო 1994 წანას, ისრაელწკჷმა ოთინჩალე ხეკულუას მაჭარჷ ხე.

იორდანია რე გვერდო ტიოზური ქიანა 89 342კმ² ფართობით დო 11,5 მილიონიანი მახორობათ, ნამუშით არაბულ ქიანეფს შქას მავითაართა აბანს იკენს. ქიანაშ მახორობაშ აბსოლუტური უმენტაშობ ვარ-და მეხოლაფირო 95% სუნიტური ისლამიშ გემაჸვენჯი რე, დოსქიალდირი — არაბი ქირსიანეფი. იორდანიაშა პრაქტიკულო გულა ვაუღუდჷ რეგიონს თიმ ბორჯიშო მიმალი, 2010 წანაშ არაბულ აფუნს. 1948 წანაშე იორდანიაქ ანდა რაჸილი მიღჷ რეგიონიშ მეძობელ კონფლიქტის მარენჯი სახენწჷფოეფშე. 2015 წანაშ დგომარობათ, იორდანიას ოხორანს 2,1 მილიონი პალესტინარი რაჸილეფი, ნამუეფიშ უმენტაშობას იორდანაიშ მენმოღალობა უღჷ, თაშნეშე — 1,4 მილიონი სირიალი რაჸილეფი. ქიანა თაშნეშე რე თხოზინელი ვითოშობათ ქირსიანი ერაყალიშ ხვაშია.^[1]^[2] თიშ უმკუჯინალო, ნამჷ-და იორდანია აგჷნძორენს რაჸილეფიშ მეღებასჷნ, 2010-იან წანეფს სირიაშე ტოლვილეფიშ კაბეტი მიშულაქ შანულამო გეუნჭირჷ ქიანაშ ერუანულ რესურსეფს დო ინფრასტრუქტურას.^[3]

იორდანია რე სუვერენული სახენწჷფო კონსტიტუციური მონარქიათ, სოდე მაფას უღჷ ფართო ემაჸონაფალი დო კანონმადვალუ ხემანჭუეფი. ქიანა რე არაბული ქიანეფიშ ლიგაშ დო ისლამური წოროხანდაშ ორგანიზაციაშ ართ-ართი დჷმარსხუაფალი. ადამიერიშ გოვითარაფაშ ინდექსის ქიანა 100-ა აბანს იკენს დო ოშქაშეშე მაღალი მიშნაველიშ მოღვენი ეკონომიკათ იკოროცხუ. იორდანიაშ ეკონომიკა რე რეგიონიშ ართ-ართი არძაშე უჭიჭაში ეკონომიკა, ნამუთ შხვაში თური ინვესტორეფშო მიკონჭაფური რე კვალიფიციური მოხანდე გეგუთიეფიშ გეშა. ქიანა რე კაბეტი ტურისტული ოულური, თაშნეშე ჯგირო წუმოძინელი ჭყანთხილუაშ ჭყოლოფუათ მიკონჭაფური რე სამედიცინო ტურიზმიშო.^[4] თეშ უმკუჯინალო, ორთაშობური რესურსეფიშ ნარკულობაქ, ტოლვილეფიშ კაბეტი მუდანობაქ დო რეგიონული არულობაქ ეკონომიკური ძინა აკობორკუ.

რესურსეფი ინტერნეტის

იორდანია დო არაბული ქიანეფი Archived 2009-08-19 ვებ-ხასჷლას Wayback Machine.
იორდანია
იორდანია-საინტერესო ინფორმაცია მოშარეეფშო Archived 2019-01-18 ვებ-ხასჷლას Wayback Machine.
იორდანიაშ კონსტიტუცია Archived 2013-04-26 ვებ-ხასჷლას Wayback Machine.

კომენტარეფი

↑ الأردن ar
↑ المملكة الأردنية الهاشمية
↑ The country became officially known as the Hashemite Kingdom of Jordan in Arabic; however, it continued to be referred to as the Hashemite Kingdom of Transjordan in English until 1949.

სქოლიო

↑ The Politics of Aid to Iraqi Refugees in Jordan (en-US) (2010-09-20). კითხირიშ თარიღი: 2022-04-05.
↑ (2006-11-27) „"The Silent Treatment": Fleeing Iraq, Surviving in Jordan“ (en). Human Rights Watch.
↑ 2015 UNHCR country operations profile – Jordan. UNHCR. კითხირიშ თარიღი: 12 October 2015.
↑ “Jordan second top Arab destination to German tourists“, Petra, 11 March 2016. კითხირიშ თარიღი: 12 March 2016.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

[1] الأردن ar

[2] المملكة الأردنية الهاشمية

[3] The country became officially known as the Hashemite Kingdom of Jordan in Arabic; however, it continued to be referred to as the Hashemite Kingdom of Transjordan in English until 1949.

[4] The Politics of Aid to Iraqi Refugees in Jordan (en-US) (2010-09-20). კითხირიშ თარიღი: 2022-04-05.

[5] (2006-11-27) „"The Silent Treatment": Fleeing Iraq, Surviving in Jordan“ (en). Human Rights Watch.

[UNHCR-6] 2015 UNHCR country operations profile – Jordan. UNHCR. კითხირიშ თარიღი: 12 October 2015.

[tourists-7] “Jordan second top Arab destination to German tourists“, Petra, 11 March 2016. კითხირიშ თარიღი: 12 March 2016.

[კომ. 1]

[კომ. 2]

[კომ. 3]

[1]

[2]

[3]

[4]