ჯუბა

ვიკიპედია-შე
გეგნორთი: ნავიგაცია, გორუა
ნანანორა
ჯუბა
ინგლ. Juba
არაბ. جوبا‎‎
Juba Sudan aerial view.jpg
ქიანა ობჟათე სუდანიშ შილა ობჟათე სუდანი
შტატი ცენტრალური ეკვატორია
კოორდ. 4°51′00″ ოორ. გ. 31°36′00″ ელ. გ. / 
ორდოშიანი ჯოხოეფი გონდოკორო
ცენტრიშ სიმაღალა 460
მახორობა 230 195 კოჩი (2008)
ბორჯიშ ორტყაფუ UTC+3

ჯუბა ორენი ობჟათე სუდანი

Red pog.svg

ჯუბა (ინგლ. Juba, არაბ. جوبا‎‎) — ობჟათე სუდანიშ ნანანოღა. შტატ ცენტრალური ეკვატორიაშ ადმინისტრაციული ცენტრი. 2008 წანაშ მუნაჩემეფით, ნოღას ოხორანდჷ 230 195 კოჩი[1].

ისტორია[რედაქტირაფა | წყუშ რედაქტირაფა]

ნოღაქ დირსხუ XIX ოშწანურას, მუჭოთ ვაჭარუაშ ცენტრი დო ჯოხოდჷ გონდოკორო. ბრიტანარეფიშ სუდანიშ ობჟათე ნორთიშ უგანდაწკჷმა გოართოიანაფაშ კორინქ კრახი გჷნიცადჷ, მუჟამსჷთ 1947 წანას ჯუბას ხექ მიჭარინ აპიჯალას ოორუე დო ობჟათე სუდანიშ გოართოიანაფაშ გეშა. 1955 წანას, ნოღას ჯარიშკოჩეფიშ ობჟათეშე მაჸუნ სუდანიშ მაართა ომენოღალე ლჷმაქ, ნამუქთ 1972 წანას გეთუ.

1977 წანას ნოღას გინწყჷ უნივერსიტეტიქ. სუდანიშ მაჟრა ომენოღალე ლჷმაშ პერიოდის ჯუბა მოლინეფიშ ეპიცენტრის რდჷ. ზოხორინალაშ გჷმოცხადაფაშ უკული ქიანას გორჩქინდჷ იდეაქ, ნანანოღაშ გინოღალაშე დო შხვა აბანს აკოგაფაშენ[2]. 2011 წანაშ 4 ეკენიას ობჟათე სუდანიშ თრობაქ მიღჷ გჷნოჭყვიდირი ნანანოღა გეგნიღან ჯუბაშე ნოღა რამსელშა, ასეიან ნანანოღაშ ოორუეშე 240 კმ-ს, თიშ გურშენ, ნამჷ-და ცენტრალური ეკვატორიაშ შტატიშ ხეშუულებაქ, ნამუშ ტერიტორიასჷთ ჯუბა იდვალუაფუნ, ცენტრალურ ხეშუულებას ვარი უგამუ ომანგე მუდანობაშ დიხაშ გიშართუალაშენ ახალი სახენწჷფო დგჷმილეფიშ აკაგაფალო. ნანანოღაშ გინოღალაქ შილებე დოხოლაფირო 6 წანა მიკორინუასინ, თიშ გეშა, ნამჷ-და რამსელს მიარე ოთარობე ობიექტიქ ოკო აკიგას[3]..

მახორობა[რედაქტირაფა | წყუშ რედაქტირაფა]

2008 წანას, ნოღაშ მახორობა აკმადგინანდჷ 230 195 ადამიერს.

მახორობაშ ძინაშ დინამიკა:

წანა მახორობა
1973 (ეჭარუა) 56 737
1983 (ეჭარუა) 83 787
1993 (ეჭარუა) 114 980
2005 (ფასება) 163 442
2007 (ფასება) 172 730
2008 (ფასება) 230 195

კლიმატი[რედაქტირაფა | წყუშ რედაქტირაფა]

ჯუბაშ კლიმატი — ტიპიური სუბეკვატორული სავანური სქირე სეზონით გერგობათუთა-მელახის დო ლამე სეზონით (პირელშე გჷმათუთაშამო). სქირე სეზონი იხასიათებუ ჩხე დო სქირე ტაროსით, დო დიდი დღა-სერული თირუაფონობათ, ლამე სეზონი — უმოსი რგილი დო ლამე რე, მარა კუნტა დღა-სერული თირუაფონობათ. წანაშ ოშქაშე ტემპერატურა მერკეთ ითირუ დო ედომუშამი წანაშ გოძვენას დოხოლაფირო აკმადგინანს 25-30 °C-ს. წანმოწანას მოურს 1000 მმ ნოლექი.

ინფრასტრუქტურა[რედაქტირაფა | წყუშ რედაქტირაფა]

ნოღა ონიშოლი რე წყარმალუ ჩე ნილოსის დო ობჟათეშ ბოლო პუნქტი რე ნილოსიშ მანგას არსებულ შარეფს. ომენოღალე ლჷმაშახ ჯუბა რდჷ სატრანსპორტე ნოსქვი, ნამუთ ავტოშარეფით რე მერსხუაფილი კენიაწკჷმა, უგანდაწკჷმა დო კონგოშ დემოკრატიულ რესპუბლიკაწკჷმა.

ასეშო ნოღას ავტოშარეფი ძალამ გლახა დგომარობას რე. რგვალი, დიხაჭაბუშე აკოგაფილი ჭიჭე ჸუდეეფი გინორთვილი რე ოდიარეეფშე კეთებული ორთვალით, კანტი კუნტას გედგჷ მაღაზიაშ ონწკარუეფიშ ართსართულამი ანგურაშ დგჷმილეფი.

მასმედია[რედაქტირაფა | წყუშ რედაქტირაფა]

მირაია FM (სარკე) — გოეროშ მისიაშ რადიოდგჷმილი, მაუჭყაფენს ჯუბაშე.

სპორტი[რედაქტირაფა | წყუშ რედაქტირაფა]

ჯუბას არსებენს ჯუბაშ სტადიონი, ნამუსჷთ დინოხოლენი ოკუჩხბურთე ლაყაფეფს ატარენს ნოღაშ ოკუჩხბურთე კლუბი «მალაკია» — სუდანიშ თასიშ 2009 წანაშ გვერდოფინალისტი.

ნოღას თშნეშე არსებენს კარაჩხაბურთიშ სტადიონი[4].

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ:

სქოლიო[რედაქტირაფა | წყუშ რედაქტირაფა]