ადის-აბება

ვიკიპედიაშე
ნანანოღა
ადის-აბება
Addis Ababa / ამჰ. አዲስ አበባ


ქიანა ეთიოპიაშ შილა ეთიოპია
სტატუსი ნანანოღა
კოორდ. 9°38′00″ ოორ. გ. 38°42′00″ ელ. გ. / 
მერი დირიბა კუმა
დირსხუ 1886
მაართა შინუა 1886
ორდოიანი ჯოხოეფი ფინფინი
ფართობი 530.14 კმ²
ცენტრიშ სიმაღალა 2,355
კლიმატიშ ტიპი სუბეკვატორიული
ოფიციალური ნინა [[ამჰარული ნინა]]
მახორობა 3384569 კოჩი (2008)
მეჭედალა 5165.1 კოჩი/კმ²
აგლომერაცია 4567857
ერუანული
აკოდგინალუა
ამჰარა
ორომო
დო შხვეფი
ორწუმობური
აკოდგინალუა
მონოფიზიტეფი
მუსულმანეფი
დო შხვეფი
ეთნოქორონიმი ადის-აბებარი
ადის-აბებარეფი
ბორჯიშ ორტყაფუ [[UTCბაბ/UTC+3]]
ტელ. კოდი (+251) 11
ოფოსტე ინდექსი 1000
ოფიციალური ვებ-ხასჷლა www.addisababacity.gov.et/

ადის-აბება ორენი ეთიოპია

ადის-აბება

ადის-აბება (ამჰ. አዲስ አበባ - ახალი პიოლი) – ეთიოპიაშ ნანანოღა დო უდიდაში ნოღა. 2008 წანაშ მუნაჩემეფით, ნოღას ოხორანდჷ 3384569 კოჩი. ადის-აბებას ეთიოპიას გიშაკერზაფილი სტატუსი უღჷ. ზუსტას თე ნოღა რე აფრიკაშ რსხუშ ადმინისტრაციაშ დგჷმილი (შტაბ-ორენი), კინე თაქ 2002 წანაშახ არსებენდჷ აფრიკაშ ართობაშ შტაბ-ორენი ხოლო. ზუსტას თეშენ შხირას ადის-აბებაშა „აფრიკაშ პოლიტიკურ ნანანოღა“ ხოლო უჯოხონა.

ნოღაქ დირსხუ 1886 წანას, იმპერატორ მენელიკ II-იშ მართუალაშ პერიოდის.

1936 წანაშ 5 მესის, იტალიაქ ეთიოპიაწკჷმა ლჷმაშ უკული შილებუ ნოღაშ ეჭოფუა. 1936 - 1941 წანეფს, ადის-აბება წჷმარინუანდჷ იტალიაშ ბჟაეიოლ აფრიკაშ ადმინისტრაციულ ცენტრის. 1941 წანას, ნოღაშ გოდუდიშულაფაქ მოხვადჷ, თიმ ბორჯის ქიანაშ მამართუალი რდჷ იმპერატორ ჰაილე სელასიე I.

ადის-აბება წჷმარინუანს ეთიოპიაშ ადმინისტრაციულ, პოლიტიკურ დო კულტურულ ცენტრის. ნოღას გოვითარაფილი რე ტრანსპორტი, 2008 წანას გინწყჷ ტროლეიბუსიშ ღოზიქ. ნოღაშ გოხოლუას რე ბოლეშ ოერეფოშქაშე აეროპორტი, ნამუთ არსულენს ანდა ოერეფოშქაშე რეისის. თე აეროპორტიშ მოხ, ეიოშინალი რე ლიდეტიშ აეროპორტი ხოლო, ნამუთ ასე გიმირინუაფუ ოურდუმე ღანკეფშო. ადის-აბება რკინაშარაშ ღოზით ქიანაშ შხვადოშხვა კუნთხუს მითმიარსხუ. რკინაშარაშ ღოზიშ მეშქაშობათ მითმიარსხუ ჯიბუტის.

ეთიოპიაშ ნანანორაშ ტერიტორიას იდვალუადუ ქიანაშ ერუანული მუზეუმი, თაქ ამდღარშახ მოსოფელს მეგორაფილი უჯვეშაშ ადამიერიშ ფრაგმენტეფი იჩუალუაფუ. თაშნეშე ეიოშინალი რე ეთიოპიაშ ერუანული ბიბლიოთეკა დო ადის-აბებაშ უნივერსიტეტი. ნოღა გიშაკერზაფილი არქიტექტურული სტილით გიშეგორუაფუ, ეიოშინალი რე ნოღაშ ტერიტორიას რინელი ანდა ოხიდა.

ადის-აბება რე მოსოფელს ართ-ართი არძოშე მაღალას მადვალუ ნანანოღა. ოხორუეშ არძოშე დაბალი ჭურჭული ნოღაშ ობჟათშე რე დო თიში სიმაღალე აკმადგინანს, ზუღაშ დონეშე - 2.326 მეტრას, თაქ იდვალუაფუ ბოლეშ აეროპორტი. უმაღალაში ჭურჭული რე, გვალა ენტოტო, ნამუთ დოხორელი პუნქტიშ ოორუეშე რე დო თიში სიმაღალე 3000 მეტრას აკამდგინანს.

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ:


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.