მალაბო
| ნოღა
მალაბო
Malabo
|
მალაბო (Malabo; 1973 წანაშახ – სანტა-ისაბელი) — ნოღა ეკვატორული გვინეაშ რესპუბლიკას. აკოგაფილ რე კოკ ბიოკოშ ოორუე ნორთის, ინონწყვილ ვულკანიშ გოხოლუას, ზუღაშ დონეშე 0 მ სიმაღალას. გოხოლუაშ ტერიტორია იფაჩუ ბიაფრაშ ჸუჯის, ნამუთ მუშჸურე, წჷმარინუანს გვინეაშ ჸუჯიშ ნორთის. მალაბო — ეკვატორულ გვინეაშ არძაშე უჯვეშაშ ნოღა დო ჸოფირ ნანანოღა რე.
ნოღა დარსხუეს ინგლისარეფქ XIX ოშწანურაშ 20-იან წანეფს დო ჯოხოთ გიოდვეს პორტ-კლარენსი. კოკ ფერნანდო-პოს ესპანეთიშ გოპატჷნალაშ (1843 წანა) უკულ გიადჷ სანტა-ისაბელქ. 1968 წანაშახ რდჷ ესპანეთიშ კოლონია — ესპანეთიშ გვინეაშ ადმინისტრაციულ ცენტრი, 1968 წანაშ 12 გჷმათუთაშე 2026 წანაშ 3 ღურთუთაშახ — ეკვატორულ გვინეაშ რესპუბლიკაშ ნანანოღა. მალაბოქ გიადჷ 1973 წანას, ბუბიშ თურიშ მაჸონჯიშ ჯოხოშ მეჯინათ, ნამუთ დუდენდჷ კოლონიზატორეფიშ სააწმარენჯო აკორაგვინეფს.
მალაბო ქიანაშ თარ კომერციულ დო ფინანსურ ცენტრ რე. ნოღაშ ონიშოლ რეგიონს ართ-ართ უტომბაშ რე, ხეონწყუე რე მუსხირენ ნოშიშ მიორინალო. ეკონომიკაშ ართ-ართ თარ მაჸარე ნძალა რე კაკაოშ, მერქანიშ დო ყავაშ ექსპორტშა გიშაღალა. ნოღას რე საირქიანო აეროპორტი, ნამუთ არსულენს რეისეფს ეკვატორულ გვინეას (ნოღა ბატა), აფრიკაშ დო ევროპაშ შხვადოშხვა ნოღეფშა დო აშშ-შა. 1969 წანაშ ციორიშ შედეგო, ნოღას მახორუ ევროპალ მახორობაქ დეთხითხარჷ. 2005 წანაშ ეჭარუაშ მუნაჩემეფით ნოღა მალაბოშ მახორობა აკმადგინანდჷ 155,963 ადამიერს.
ნოღას ჰავა ეკვატორულ რე. ოშქაშე წანმოწანურ ტემპერატურა ომანგუ 25,4 °C-ს. ატმოსფერული ნოლექეფიშ მუდანობა დოხოლაფირო 2000 მმ წანმოწანას. ქიანას ნაფთობიშ ოზირუეშ გჷმორჩქინაქ 1980-1990-იან წანეფს ხე ქეშუნწყუ მალაბოს ბიზნესიშ ძინა-წუმოძინას.
რესურსეფ ინტერნეტის
[რედაქტირაფა | წყუშ რედაქტირაფა]- მალაბო – ეკვატორულ გვინეა Archived 2011-07-11 ვებ-ხასჷლას Wayback Machine. (ინგლისური)
- მალაბო – ენციკლოპედია ბრიტანიკა (ინგლისური)
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |