აბუ-დაბი

ვიკიპედია-შე
გეგნორთი: ნავიგაცია, გორუა
ნოღა
{{{1}}}
არაბ. أبو ظبي‎‎
Abu Dhabi skyline night (Nepenthes).jpg
შილა
შილა
ქიანა არაბეფიშ გოართოიანაფილი საამიროეფიშ შილა არაბეფიშ გოართოიანაფილი საამიროეფი
კოორდ. 24°28′00″ ოორ. გ. 54°22′00″ ელ. გ. / 
შეიხი ხალიფა ბინ ზაიედ ალ ნაიანი
ფართობი 67 340 კმ²
მახორობა 621 000 კოჩი (2011)
მეჭედალა 9 221,9 კოჩი/კმ²
ოფიციალური ვებ-ხასჷლა www.abudhabi.ae/

აბუ-დაბი ორენი დიხაუჩა

Red pog.svg

აბუ-დაბი, აბუ-ზაბი (არაბ. أبو ظبي‎‎ — ირემიშ მუმა)[1]არაბეფიშ გოართოიანაფილი საამიროეფიშ ნანანოღა დო მახორობაშ მეჯინათ, ქიანაშ მაჟირა უდიდაში ნოღა. იდვალუაფუ T-შ ფორმაშ კოკის, ნამუთ სპარსეთიშ ჸუჯის, ცენტრალურ ბჟადალ წყარპიჯწკჷმა მილარე. მუშჸურე ნოღაშ მახორობა, 2012 წანაშ მუნაჩემეფით, 621 000 ადამიერს აკმადგინანს.[2]

აბუ-დაბის იდვალაუფუ შანულამი დჷნაწესებუეფი დო ფედერალური თარობა, თაშნეშე წჷმარინუანს არაბეფიშ გოართოიანაფილი საამიროეფიშ თარობაშ ცენტრის დო ემირიშ ფანიაშ ორენი ნოღას, ნამუშ წჷმმარინაფალი რე ქიანაშ პრეზიდენტი. აბუ-დაბი ძინაწკჷმა ართო კოსმოპოლიტურ მეტროპოლისო გჷნირთჷ. მალასიან გოვითარაფაქ დო ურბანიზაციაქ, მახორობაშ ოშქაშე მიშნაველეფიშ ელაზჷმაფათ მაღალ დონექ აბუ-დაბი შხუ დო ოკორინებელ მეტროპოლისო გჷნართინუ. ალმახანაშო ნოღა ქიანაშ პოლიტიკური დო ორეწუე საქვარეფიშ ცენტრი, თაშნეშე თარი კულტურული დო კომერციული ცენტრი რე, მუშ გეშათ ნოღა ნანანოღაშ პოზიციას იკენს. 2008 წანას, აბუ-დაბი არაბეფიშ გოართოიანაფილი საამიროეფიშ ედომუშამი ედპ-იშ 56,7%-ის აწარმენდჷ.[3]

აბუ-დაბის ფუნქციონირენს შანულამი ფინანსური ინსტიტუციეფი, მიარე კომპანიაშ დო მულტინაციონალური კორპორაციეფიშ დუდ ოფისეფი. აბუ-დაბი, მუჭოთ ნავთობიშ ართ-ართ უდიდაშ მაწარმებელქ მოსოფელს, ბოლო ბორჯის აქტიურო ქჷდიჭყჷ ეკონომიკაშ დივრესიფიცირება ფინანსურ სექტორს დო ტურიზმის ინვესტირებაშ შარათ.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

აბუ-დაბიშ მიოჯინი ზუღაშე
აბუ-დაბიშ მიოჯინი ზუღაშე